සැකකරුවන් 05ක්,  බිලියන 4.2කට අධික අයිස් හා හෙරොයින් කිලෝ 189ක් සමග “පහන් පුතා“ දික්ඕවිට ට දක්කන් ආ හැටි...

ශ්‍රී ලංකා නාවික හමුදාව විසින් දකුණු ගැඹුරු මුහුදේ සිදුකළ විශේෂ බුද්ධි මූලික මෙහෙයුමකින් අයිස් (ක්‍රිස්ටල් මෙතැම්ෆෙටමින්) සහ හෙරොයින් ඇතුළත් කිලෝග්‍රෑම් 189කට අධික මත්ද්‍රව්‍ය තොගයක් රැගත් දේශීය බහුදින ධීවර යාත්‍රාවක් සිය භාරයට ගෙන තිබේ. එම තොගයේ ඇස්තමේන්තුගත වීථි වටිනාකම රුපියල් බිලියන 4.2කට අධික බව නාවික හමුදාව නිල වශයෙන් තහවුරු කර ඇත.

</p>

<p>

අදාළ යාත්‍රාව “පහන් පුතා” (Phana Putha / Pahan Putha) ලෙස ලියාපදිංචි දේශීය බහුදින ධීවර යාත්‍රාවකි. එය ඔක්තෝබර් 18 වැනිදා ගන්දර ධීවර වරායෙන් ධීවර කටයුතු සඳහා යැයි පවසමින් මුහුදට පිටත්ව ගොස් තිබුණි. නාවික හමුදා මාධ්‍ය අධ්‍යක්ෂ කමාන්ඩර් චමින්ද වළාකුළුගේ මහතා පවසන පරිදි, නිශ්චිත බුද්ධි තොරතුරු මත නොවැම්බර් 1 වැනිදා උදෑසන ශ්‍රී ලංකාවට දකුණින් පිහිටි ගැඹුරු මුහුදේදී නාවික හමුදාවේ උසස් මෙහෙයුම් යාත්‍රාවක් වන සමුද්‍ර විජය යොදවා එම යාත්‍රාව අත්අඩංගුවට ගෙන ඇත.

</p>

<p>

මෙහෙයුමේදී යාත්‍රාව තුළ මත්ද්‍රව්‍ය බවට සැක කෙරෙන උර 10ක්, එහි සිටි පුද්ගලයින් පස්දෙනෙකු සහ චන්ද්‍රිකා දුරකථනයක් ද නාවික භාරයට ගෙන තිබේ. යාත්‍රාව, සැකකරුවන් සහ තොගය අද (නොවැම්බර් 5) උදෑසන දික්ඕවිට ධීවර වරායට රැගෙන එනු ලැබීය. පොලිස් මත්ද්‍රව්‍ය නාශක කාර්යාංශයේ (PNB) විශේෂඥ සහය ඇතිව සිදුකළ පරීක්ෂාව හා බර ගැනීමෙන් අනතුරුව අවසන් සංඛ්‍යා තහවුරු විය.

<figure style="margin:1.5rem 0;text-align:center"><img src="https://scontent.fcmb2-2.fna.fbcdn.net/v/t39.30808-6/890765549_1568924021920358_2905332578103781070_n.jpg?stp=dst-jpg_tt6&cstp=mx1122x640&ctp=s1122x640&_nc_cat=100&_nc_map=urlgen_bucketless&ccb=1-7&_nc_sid=127cfc&_nc_ohc=4FYFsuEftusQ7kNvwGqe7ZK&_nc_oc=AdqHjYWbp0D4X81z8qyWkbieG1Z-BL9iuoOVM4BD8GTqxDKxIseyuuWdU_JLJcMrysc&_nc_zt=23&_nc_ht=scontent.fcmb2-2.fna&_nc_gid=b5EsyqClLC46-3n5_Kxd2A&_nc_ss=7a2a8&oh=00_AQR4RdW6AHGqJDr_bqHfCk5cne7IW7gf598-UCoyA_VftA&oe=6AF2386E" alt="" style="max-width:100%;border-radius:6px" /><figcaption style="font-size:0.85em;color:#6b7280;margin-top:0.4rem"></figcaption></figure>

</p>

<p>

<span style="color:#dc2626">තහවුරු කළ තොගය</span>

</p>

<p>

- <span style="color:#1d4ed8">අයිස් (ICE): කිලෝග්‍රෑම් 132 කිලෝග්‍රෑම් 26 ග්‍රෑම් (පැකට් 100) </span> </p>

<p>

- <span style="color:#1d4ed8">හෙරොයින්: කිලෝග්‍රෑම් 57 කිලෝග්‍රෑම් 220 ග්‍රෑම් (පැකට් 52) </span></p>

<p>

- <span style="color:#1d4ed8">මුළු ප්‍රමාණය: කිලෝග්‍රෑම් 189 කිලෝග්‍රෑම් 246 ග්‍රෑම්</span> </p>

<p>

-<span style="color:#dc2626"> වීථි වටිනාකම: රුපියල් බිලියන 4.2කට අධික</span>

</p>

<p>

<figure style="margin:1.5rem 0;text-align:center"><img src="https://scontent.fcmb1-2.fna.fbcdn.net/v/t39.30808-6/893314364_1568924095253684_644657667334062145_n.jpg?stp=dst-jpg_tt6&cstp=mx1128x642&ctp=s1128x642&_nc_cat=108&_nc_map=urlgen_bucketless&ccb=1-7&_nc_sid=127cfc&_nc_ohc=wi2EizPCjrUQ7kNvwFDgE_P&_nc_oc=AdpVj5TkgHR175fjgSC8gjKj0fgFJ-y6-InqhL6JJbfwg6w_nsOCfFPW94DbjftQB9I&_nc_zt=23&_nc_ht=scontent.fcmb1-2.fna&_nc_gid=3uFUGWRp2C6dt8dvllaA1A&_nc_ss=7a2a8&oh=00_AQSJgbbfuDSmGvoUjdwh8uuZNl6pZzq7IkEX3l3du9TJMw&oe=6AF23850" alt="" style="max-width:100%;border-radius:6px" /><figcaption style="font-size:0.85em;color:#6b7280;margin-top:0.4rem"></figcaption></figure>

මුල් වාර්තාවල කිලෝ 150කට අධික සහ රුපියල් බිලියන 3කට අධික යන ආසන්න අගයන් සඳහන් වූ අතර, නියෝජ්‍ය ඇමතිවරයාගේ මුල් ප්‍රකාශවලදී ද ඒවා යොදාගෙන තිබුණි. පරීක්ෂාවෙන් පසු නිල සංඛ්‍යා ඉහත පරිදි යාවත්කාලීන විය.

</p>

<p>

මෙම තොගය පරීක්ෂා කිරීමට ආරක්ෂක නියෝජ්‍ය අමාත්‍ය, හිටපු මේජර් ජනරාල් අරුණ ජයසේකර , නාවික හමුදාපති වයිස් අද්මිරාල් ඩැමියන් ප්‍රනාන්දු , මෙහෙයුම් අධ්‍යක්ෂ ජනරාල් රියර් අද්මිරාල් චමින්ද කරුණාසේන ඇතුළු ජ්‍යෙෂ්ඨ නාවික හා පොලිස් නිලධාරීන් දික්ඕවිට වරායට පැමිණ සිටියහ.

</p>

<p>

නියෝජ්‍ය ඇමතිවරයාගේ ප්‍රකාශය

</p>

<p>

ආරක්ෂක නියෝජ්‍ය අමාත්‍යවරයා පැවසූයේ මෙම මත්ද්‍රව්‍ය ජාවාරම්කරුවන් මුහුදේ ඉතා සංවිධානාත්මකව හා සූක්ෂ්ම ලෙස කටයුතු කරන බවයි. “අහුවෙන්න නෙමෙයි මොවුන් මේ කටයුතු සිද්ධ කරන්නේ. ඒක නිසා අපේ ශ්‍රී ලංකා නාවික හමුදාවේ අතිදක්ෂ කණ්ඩායම්, අනදෙන නිලධාරී ඇතුළු විශේෂ කණ්ඩායම් මහා විශේෂ කටයුත්තක් ඒ මුහුදේ සිද්ධ කරනවා” යනුවෙන් ඔහු පැවසීය.

</p>

<p>

ඔහු තවදුරටත් අවධාරණය කළේ ජාවාරම්කරුවන්ට කිසිම නිදහසකට ඉඩ නොදෙන බවත්, ත්‍රිවිධ හමුදා, පොලිසිය, පොලිස් මත්ද්‍රව්‍ය නාශක කාර්යාංශය සහ වෙරළ ආරක්ෂක දෙපාර්තමේන්තුව සමඟ ඒකාබද්ධව ක්‍රියාත්මක වන බවත්ය. මත්ද්‍රව්‍ය රටට ඇතුළු වන ප්‍රධාන මාර්ග තුන – මහා මුහුද, වරායවල් සහ ගුවන – එකට ශක්තිමත් කර ඇති බව ද ඔහු සඳහන් කළේය.

</p>

<p>

“කිසිම කෙනෙක්ට මේ ඇහැ වහලා ගේන්න දැන් බැහැ. මහා මුහුදේ නාවික හමුදාවත් එක්ක සෙල්ලම් කරන්නත් බැහැ. අනාගත දරු පරපුර, අනාගත තරුණ ප්‍රජාව අපි රැක ගැනීමට සියලු දේ කරනවා. රටේ අනාගතය තීරණය කරන්න ඕනේ මේ ජාවාරම්කරුවන් නෙමෙයි. කලින් දේශපාලන රැකවරණය තිබුණේ ජාවාරම්කරුවන්ට. දැන් රටේ අනාගතය තීරණය කරන්න තියෙන්නේ පුරවැසියාට සහ මහජනතාවට. අපි භාරකරුවෝ මහජනතාවගේ. ඒක නිසා මහජනතාවට අපි වගකියන්න ඕනේ” යනුවෙන් ඔහු අවධාරණය කළේය.