දිවයිනේ ප්‍රදේශ රැසකට මිලිමීටර් 100 ඉක්මවූ තද වැසි – කාලගුණ විද්‍යා දෙපාර්තමේන්තුවෙන් අවවාදාත්මක නිවේදනයක්!

ශ්‍රී ලංකාව ආසන්නයේ බෙංගාල බොක්ක මුහුදු ප්‍රදේශයේ පවතින අඩු පීඩන වායුගෝලීය කැළඹිලි ස්වභාවය හේතුවෙන් අද (ඔක්තෝබර් 14) දිනයේ දිවයිනේ ප්‍රදේශ රැසකට මිලිමීටර් 100 ඉක්මවූ තද වැසි ඇතිවිය හැකි බව කාලගුණ විද්‍යා දෙපාර්තමේන්තුව නිවේදනය කරයි.

</p>

<p>

එම දෙපාර්තමේන්තුව පෙන්වා දෙන්නේ මේ හේතුවෙන් දිවයින පුරා වලාකුළින් බර වූ අහස් කුසක් දැකගත හැකි වන අතර වැසි තත්ත්වයේ වැඩිවීමක් අපේක්ෂා කරන බවය.

</p>

<p>

කාලගුණ විද්‍යා දෙපාර්තමේන්තුවේ නිවේදනයට අනුව බස්නාහිර, සබරගමුව, දකුණ, මධ්‍යම සහ වයඹ පළාත්වලත්, අනුරාධපුර දිස්ත්‍රික්කයේත් ඇතැම් ස්ථානවලට මිලිමීටර් 100 ඉක්මවූ තද වැසි ඇතිවිය හැකිය. දිවයිනේ සෙසු ප්‍රදේශවලට මිලිමීටර් 75 ඉක්මවූ තරමක තද වැසි ඇතිවීමේ හැකියාවක් පවතී.

</p>

<p>

උතුරු, නැගෙනහිර, දකුණ සහ බස්නාහිර පළාත්වල විටින් විට වැසි හෝ ගගුරම් සහිත වැසි ඇතිවේ. දිවයිනේ සසුසු ප්‍රදේශවල පස්වරු 1.00 න් පමණ පසුව වැසි හෝ ගගුරම් සහිත වැසි ඇතිවිය හැකිය.

</p>

<p>

ගගුරම් සහිත වැසි සමග ඇතිවිය හැකි තාවකාලික තද සුළං සහ අකුණු මගින් සිදුවන අනතුරු අවම කර ගැනීමට අවශ්‍ය පූර්වාරක්ෂිත පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටී.

</p>

<p>

ඊට අමතරව සබරගමුව, මධ්‍යම සහ ඌව පළාත්වල ඇතැම් ස්ථානවල උදෑසන කාලයේදී මීදුම් සහිත තත්ත්වයක් අපේක්ෂා කෙරේ.

</p>

<p>

<span style="color:#dc2626">නියඟය තිබුණු ප්‍රදේශවලටත් වැසි</span>

</p>

<p>

පසුගිය කාලසීමාව පුරා පීඩාකාරී වියළි කාලගුණයක් සහ නියං තත්ත්වයක් පැවැති උතුරු, උතුරු-මැද, වයඹ සහ ඌව පළාත් ඇතුළු වියළි කලාපීය ප්‍රදේශ රැසකට ද මෙම පද්ධතියත් සමග සැලකිය යුතු වැසි පතනයක් ලැබෙමින් පවතී.

</p>

<p>

කාලගුණ විද්‍යා දෙපාර්තමේන්තුවේ සහ ආපදා කළමනාකරණ මධ්‍යස්ථානයේ දත්තවලට අනුව අනුරාධපුරය, පොළොන්නරුව, කුරුණෑගල, පුත්තලම, හම්බන්තොට, මන්නාරම සහ වවුනියාව ඇතුළු නියඟයෙන් බලපෑමට ලක්ව තිබූ දිස්ත්‍රික්කවලට මිලිමීටර් 75 සිට 100 ඉක්මවූ තද වැසි ලැබීමේ හැකියාවක් පවතී. දීර්ඝ වියළි කාලගුණයකට පසු ලැබෙන මෙම වැසි තත්ත්වය සමග පස් තට්ටු ලිහිල් වීම සහ ක්ෂණික ගංවතුර තත්ත්වයන් ඇතිවිය හැකි බැවින්, එම ප්‍රදේශවල ජනතාවට අකුණු අනතුරු සහ තද සුළං පිළිබඳව දැඩි අවධානයෙන් පසුවන ලෙස උපදෙස් දී තිබේ.