විමල්, ගම්මන්පිල, දිලිත් ඇතුළු පිරිසට එරෙහි අධිකරණයට අපහාස පැමිණිල්ල සලකා බැලීමට අභියාචනාධිකරණයෙන් ත්‍රිපුද්ගල විනිසුරු මඩුල්ලක්!

හිටපු අමාත්‍යවරුන් වන විමල් වීරවංශ සහ උදය ගම්මන්පිල, පාර්ලිමේන්තු මන්ත්‍රී දිලිත් ජයවීර ඇතුළු සය දෙනෙකුට එරෙහිව අධිකරණයට අපහාස කිරීමේ පැමිණිල්ල සලකා බැලීම සඳහා අභියාචනාධිකරණය විසින් ත්‍රිපුද්ගල විනිසුරු මඩුල්ලක් පත් කර තිබේ.

</p>

<p>

අද (14) අභියාචනාධිකරණ සභාපති විනිසුරු රොහාන්ත අබේසූරිය සහ විනිසුරු ප්‍රියන්ත ප්‍රනාන්දු ඉදිරියේ මෙම කරුණ කැඳවනු ලැබීය. එහිදී සභාපති විනිසුරු රොහාන්ත අබේසූරිය පැවසුවේ පැමිණිල්ල සලකා බැලීමට ත්‍රිපුද්ගල විනිසුරු මඩුල්ලක් පත් කරන බවය.

</p>

<p>

එම ත්‍රිපුද්ගල විනිසුරු මඩුල්ල සභාපති විනිසුරු රොහාන්ත අබේසූරිය, විනිසුරු චමත් මොරයිස් සහ විනිසුරු ආදිත්‍ය පටබැඳිගේ යන විනිසුරුවරුන්ගෙන් සමන්විත වේ.

</p>

<p>

<span style="color:#dc2626">කොටුව මහේස්ත්‍රාත්වරයාගේ නිගමනය</span>

</p>

<p>

පාස්කු ඉරිදා ත්‍රස්ත ප්‍රහාර පිළිබඳ විමර්ශනයට අදාළව හිටපු රාජ්‍ය බුද්ධි සේවා අධ්‍යක්ෂ සුරේෂ් සලේ අත්අඩංගුවට ගැනීමට එරෙහිව පැවති විරෝධතා අතරතුර කළ ප්‍රකාශ සම්බන්ධයෙන් අපරාධ පරීක්ෂණ දෙපාර්තමේන්තුව (සීඅයිඩී) කොළඹ කොටුව මහේස්ත්‍රාත් අධිකරණයට පැමිණිල්ලක් ඉදිරිපත් කර තිබුණි.

</p>

<p>

කොළඹ කොටුව මහේස්ත්‍රාත් පසන් අමරසේන මීට පෙර නිගමනය කර තිබුණේ විමල් වීරවංශ, උදය ගම්මන්පිල, දිලිත් ජයවීර, හිටපු ජනාධිපති ගෝඨාභය රාජපක්ෂගේ පෞද්ගලික ලේකම් සුගීශ්වර බණ්ඩාර, අසංක නවරත්න සහ කථිකාචාර්ය මහින්ද පතිරණ යන අය අධිකරණයට අපහාසයක් සිදු කර ඇති බවය.

</p>

<p>

ඒ අනුව 2024 අංක 8 දරන අධිකරණයකට, විනිශ්චය ආසනයකට හෝ ආයතනයකට අපහාස කිරීමේ පනත යටතේ සුදුසු නීතිමය පියවර ගැනීම සඳහා මහේස්ත්‍රාත්වරයා එම පැමිණිල්ල අභියාචනාධිකරණය වෙත යොමු කර තිබේ.

</p>

<p>

ජූලි 7 සිට 15 දක්වා පැවති සත්‍යග්‍රහය අතරතුර විද්‍යුත් මාධ්‍ය සහ සමාජ මාධ්‍ය හරහා කළ ප්‍රකාශවලින් අධිකරණ ක්‍රියාවලිය විවේචනය කර ඇති බව බැලූ බැල්මට පෙනෙන බව මහේස්ත්‍රාත්වරයා සඳහන් කර තිබුණි.

</p>

<p>

<span style="color:#dc2626"> දිලිත් ජයවීරගේ රිට් පෙත්සම </span>

</p>

<p>

මේ අතර, කොටුව මහේස්ත්‍රාත්වරයා තමන් සම්බන්ධයෙන් කළ නිගමනයට එරෙහිව පාර්ලිමේන්තු මන්ත්‍රී දිලිත් ජයවීර ඉදිරිපත් කළ රිට් පෙත්සමේ කරුණු තහවුරු කිරීම සඳහා ලබන 18 වැනිදා කැඳවන ලෙස අභියාචනාධිකරණය නියෝග කර තිබේ.

</p>

<p>

එම පෙත්සම මීට පෙර සැප්තැම්බර් 10 වැනිදා සභාපති විනිසුරු අබේසූරිය සහ විනිසුරු ප්‍රියන්ත ප්‍රනාන්දු ඉදිරියේ කැඳවනු ලැබීය. එහිදී දිලිත් ජයවීර වෙනුවෙන් පෙනී සිටි ජනාධිපති නීතිඥ අලි සබ්රි පැවසුවේ සීඅයිඩී විසින් මහේස්ත්‍රාත්වරයාට ඉදිරිපත් කළ තොරතුරු අසම්පූර්ණ බවත්, රූපවාහිනී සාකච්ඡාවේ කොටස් පමණක් උපුටා දැක්වීමෙන් වැරදි හැඟීමක් ඇති කර ඇති බවත් ය.

</p>

<p>

ඔහු තවදුරටත් කියා සිටියේ දිලිත් ජයවීර මන්ත්‍රීවරයා විවේචනය කළේ සීඅයිඩී හැසිරීම මිස අධිකරණය නොවන බවය.

</p>

<p>

අභියාචනාධිකරණය මගින් පත් කර ඇති මෙම ත්‍රිපුද්ගල විනිසුරු මඩුල්ල ඉදිරියේ අදාළ පැමිණිල්ල සම්බන්ධයෙන් ඉදිරි නීතිමය පියවර තීරණය වනු ඇත.