මධ්‍යම පළාතේ අධික වැසි: ඉහළ කොත්මලේ වාන් දොරටු විවෘතයි!

පවතින වැසි තත්ත්වයත් සමඟ පාසල් පවත්වන්නේද නැද්ද යන්න සම්බන්ධයෙන් තීරණ ගැනීමේ බලය කලාප අධ්‍යාපන අධ්‍යක්ෂවරුන්ට පැවරූ බලය තවදුරටත් ඒ ආකාරයෙන්ම ක්‍රියාත්මක බව මධ්‍යම පළාතේ අධ්‍යාපන ලේකම් මධුපානි පියසේන පවසයි.

</p>

<p>

පළාතේ විවිධ ප්‍රදේශවලට වර්ෂාව පතිත වීමේ අඩුවැඩි වීමක් දක්නට ලැබෙන බැවින්, පළාතේ පාසල් පැවැත්වීම හෝ නොපැවැත්වීම සම්බන්ධයෙන් එකවර තීරණයක් ගැනීමට අමාත්‍යාංශයට හැකියාවක් නොමැති නිසා මෙම ක්‍රියාමාර්ගය ගත් බව ද ඇය සඳහන් කළාය.

</p>

<p>

අධික වැසි තත්ත්වය හේතුවෙන් මතුව තිබෙන අවදානම සැලකිල්ලට ගෙන මහනුවර හා නුවරඑළිය දිස්ත්‍රික්කවල පාසල් කිහිපයක් විදුහල්පතිවරුන් සමඟ සාකච්ඡා කර වසා දැමීමට කලාප අධ්‍යාපන අධ්‍යක්ෂවරු පියවර ගෙන තිබූ බව ද ලේකම්වරිය ප්‍රකාශ කළාය.

</p>

<p>

මේ අතර ඉහළ කොත්මලේ ජල පෝෂක ප්‍රදේශවලට ඇදහැලෙන අධික වර්ෂාව හේතුවෙන් ඉහළ කොත්මලේ ජලාශයේ වාන් දොරටු දෙකක් ස්වයංක්‍රීයව විවෘත වී ඇත.

</p>

<p>

පවත්නා වැසි තත්ත්වය තවත් වැඩි වුවහොත් ජලාශයේ සෙසු වාන් දොරටු ද ස්වයංක්‍රීයව විවෘත වන බැවින්, ජලාශ වේල්ලට පහළින් කොත්මලාඔය දෙපස පදිංචිකරුවන් සැලකිලිමත් විය යුතු බව ආපදා කළමනාකරණ මධ්‍යස්ථානය පවසයි.

</p>

<p>

අධික වර්ෂාවත් සමඟ සෙන්ට් ක්ලෙයාර් සහ ඩෙවෝන් දිය ඇලිවල ජල ධාරිතාව ද ඉහළ ගොස් තිබේ.

</p>

<p>

<figure style="margin:1.5rem 0;text-align:center"><img src="https://scontent.fcmb1-2.fna.fbcdn.net/v/t39.30808-6/821538241_1526676496145111_3002016498502563805_n.jpg?stp=dst-jpg_tt6&cstp=mx1599x899&ctp=s1599x899&_nc_cat=111&_nc_map=urlgen_bucketless&ccb=1-7&_nc_sid=127cfc&_nc_ohc=i_f0pArfXOUQ7kNvwHTgVZR&_nc_oc=Ado2-UG_etTL1AQwUChqqZiRehem-9D7JonoG3L_-E-jWRMeW0PBmp1dl5_KNCxrhmo&_nc_zt=23&_nc_ht=scontent.fcmb1-2.fna&_nc_gid=SXSq5kuMUz6lNW65BagStQ&_nc_ss=7a2a8&oh=00_AQIajyB4Sr5ZQb5-mLI-45UnDu1FtRurOylGTjIv7DQXRg&oe=6ABBC56C" alt="" style="max-width:100%;border-radius:6px" /><figcaption style="font-size:0.85em;color:#6b7280;margin-top:0.4rem"></figcaption></figure>

නුවරඑළියට ඇදහැලෙන අධික වර්ෂාව හේතුවෙන් ග්‍රෙගරි වැවේ ජල මට්ටම ඉහළ යෑමත් සමඟ එම වැවේ සොරොව්ව ද විවෘත කර ඇත. මේ හේතුවෙන් කොත්මලේ ජලාශයට ජලය ගලාබසින නානුඔය ඇළේ ජල මට්ටම ද සැලකිය යුතු ලෙස ඉහළ ගොස් තිබේ.

</p>

<p>

<figure style="margin:1.5rem 0;text-align:center"><img src="https://scontent.fcmb1-2.fna.fbcdn.net/v/t39.30808-6/821441675_1526676492811778_6000289606863489272_n.jpg?stp=dst-jpg_tt6&cstp=mx1599x899&ctp=s1599x899&_nc_cat=101&_nc_map=urlgen_bucketless&ccb=1-7&_nc_sid=127cfc&_nc_ohc=Y4Bt_K0tVN4Q7kNvwErv1V4&_nc_oc=AdpSKzzI-XysoNJ96UUHP-FkThDjEe7SUirCWX7vEqlurbAbG5VeH6FdVKBjFpeFjgI&_nc_zt=23&_nc_ht=scontent.fcmb1-2.fna&_nc_gid=x5o_3q0QQO9-bZhN34NYCw&_nc_ss=7a2a8&oh=00_AQJoRLk-BmUVsyH_qF84pTnIx1XqMvJlZeZwmGmckA97cg&oe=6ABBC17A" alt="" style="max-width:100%;border-radius:6px" /><figcaption style="font-size:0.85em;color:#6b7280;margin-top:0.4rem"></figcaption></figure>

ග්‍රෙගරි වැවේ ජල මට්ටම ඉහළ යෑමත් වැව වටා පවතින අධික සුළං තත්ත්වයත් හේතුවෙන්, එහි පවත්වාගෙන යනු ලබන බෝට්ටු සේවාව ද තාවකාලිකව අත්හිටුවීමට නුවරඑළිය මහ නගර සභාව පියවර ගෙන ඇත.