13 දා FCID එන්න... ශිරන්තිට දැනුම් දෙයි!

‘සිරිලිය සවිය’ සංවිධානයේ මූල්‍ය ගනුදෙනු සම්බන්ධයෙන් පොලිස් මූල්‍ය අපරාධ විමර්ශන කොට්ඨාසය (FCID) පවත්වන විමර්ශනයට ප්‍රකාශයක් ලබාදීම සඳහා ඔක්තෝබර් 13 වැනිදා එම කොට්ඨාසය හමුවේ පෙනී සිටින ලෙස පොලිසිය ශිරන්ති රාජපක්ෂ වෙත අද (06) දැනුම් දී ඇත. ඇය ඊයේ රාත්‍රියේ දී ක්වාලාලාම්පූර් සිට කටුනායක ගුවන්තොටුපලට පැමිණ සිය නිවස බලා පිටත් වූවාය.

</p>

<p>

වෛද්‍ය ප්‍රතිකාර සඳහා විදේශගතව සිටි ශිරන්ති රාජපක්ෂ මලයාසියාවේ ක්වාලාලම්පූර් නුවර සිට මලයාසියානු ගුවන් සේවයේ MH 179 දරණ ගුවන් යානයෙන් ඊයේ රාත්‍රී 11.26 පමණ කටුනායක බණ්ඩාරනායක ජාත්‍යන්තර ගුවන්තොටුපොළට පැමිණ ගුවන්තොටුපොළෙන් පිටවීමේදී විශේෂ අමුත්තන් සඳහා වූ ගෝල්ඩ් රූට් පහසුකම භාවිත කරමින් පිටවී ගොස් තිබිණි.

</p>

<p>

ඇය පසුගිය සැප්තැම්බර් 15 වැනිදා කොළඹ පෞද්ගලික රෝහලකට ඇතුළත් කර සිට, ඊළඟ දින (16) අලුයම වෛද්‍ය ප්‍රතිකාර සඳහා සිංගප්පූරුව බලා පිටත්ව ගියාය. එදින පිටත්වීමේදී ‘සිරිලිය සවිය’ විමර්ශනයට අදාළව ප්‍රකාශයක් ලබාදෙන ලෙස FCID දැනුම්දීම ගුවන්තොටුපොළේදී ඇය වෙත භාරදී තිබිණි. රාජපක්ෂ පවුලේ පාර්ශ්වය පවසා තිබුණේ, එම දැනුම්දීම ලැබුණේ ගුවන් යානයට නැඟීමට ආසන්නව ගේට්ටුව අසලදී බවය. මීට පෙර ලිඛිත කැඳවීමක් නොලැබුණු බවද ඔවුන් ප්‍රකාශ කළහ.

</p>

<p>

සැප්තැම්බර් 24 දිනය මඟ හැරීම

</p>

<p>

එම දැනුම්දීම අනුව සැප්තැම්බර් 24 වැනිදා FCID හමුවේ පෙනී සිටින ලෙස නියම කර තිබිණි. එහෙත් වෛද්‍ය ප්‍රතිකාර හේතුවෙන් පැමිණීමට නොහැකි බව පවසමින්, වෙනත් දිනයක් වෙන්කර දෙන ලෙස ඇයගේ නීතිඥ පාර්ශ්වය විමර්ශන නිලධාරීන්ට ලිඛිතව දැනුම් දුන්නේය. දැන් නව දිනය ලෙස ඔක්තෝබර් 13ට නියම කර ඇත.

</p>

<p>

විමර්ශනය සම්බන්ධ වන්නේ ශිරන්ති රාජපක්ෂගේ ප්‍රධානත්වයෙන් ක්‍රියාත්මක වූ ‘සිරිලිය සවිය’ සංවිධානයට අදාළ ගිණුමක මූල්‍ය ගනුදෙනු සහ ඊට බැඳි ක්‍රියාකාරකම් පිළිබඳවය. විමර්ශකයන් ඉල්ලා සිටින්නේ ඒ සම්බන්ධයෙන් ඇයගෙන් ප්‍රකාශයක් ලබාගැනීමය.

</p>

<p>

<span style="color:#dc2626">අපේක්ෂිත ඇප අයදුම්පත </span>

</p>

<p>

නැවත රටට පැමිණෙන විට ගුවන්තොටුපොළේදීම අත්අඩංගුවට ගැනීමේ අවදානමක් ඇති බව පවසමින්, ශිරන්ති රාජපක්ෂ ඊයේ (05) මාළිගාකන්ද මහේස්ත්‍රාත් අධිකරණයට අපේක්ෂිත ඇප අයදුම්පතක් ඉදිරිපත් කරන ලදී. එය මාළිගාකන්ද මහේස්ත්‍රාත් ජනනි පෙරේරා ඉදිරියේ කැඳවනු ලැබිණි.

</p>

<p>

පැමිණිලිකාරිය ලෙස මේරි ලුවිස් ශිරන්ති රාජපක්ෂ නම් කර ඇති අතර, වගඋත්තරකරු ලෙස අපරාධ පරීක්ෂණ දෙපාර්තමේන්තුවේ අධ්‍යක්ෂවරයා නම් කර ඇත. අධිකරණය නියම කරන ඕනෑම කොන්දේසියකට යටත්ව ඇප මත මුදාහරින නියෝගයක් නිකුත් කරන ලෙස එම අයැදුමෙන් ඉල්ලා ඇත.

</p>

<p>

ඇය රටට පැමිණ ඇත්තේ මෙම අයදුම්පත ගොනු කළ දිනයේමය. ඔක්තෝබර් 13 වැනිදා FCID හමුවේ පෙනී සිටීම සහ අපේක්ෂිත ඇප අයදුම්පත පිළිබඳ ඉදිරි අධිකරණ ක්‍රියාමාර්ග මේ විමර්ශනයේ ඊළඟ පියවර ලෙස සැලකේ.