මධ්‍යම අපරාධ විමර්ශන කාර්යාංශය ත්‍රස්තවාදය වැළැක්වීමේ පනත යටතේ රැඳවුම් ස්ථානයක් ලෙස ප්‍රකාශයට පත් කෙරේ!

1979 අංක 48 දරන ත්‍රස්තවාදය වැළැක්වීමේ (තාලික ප්‍රතිපාදන) පනත යටතේ මධ්‍යම අපරාධ විමර්ශන කාර්යාංශය (CCIB) රැඳවුම් ස්ථානයක් ලෙස නියම කරමින් අතිවිශේෂ ගැසට් නිවේදනයක් නිකුත් කර ඇත.

</p>

<p>

2026 ඔක්තෝබර් 06 වැනි දිනැති අංක 2509/11 දරන මෙම අතිවිශේෂ ගැසට් නිවේදනය, ත්‍රස්තවාදය වැළැක්වීමේ පනතේ 9 වැනි වගන්තිය යටතේ පැවරී ඇති බලතල ප්‍රකාරව ජනාධිපති සහ ආරක්ෂක අමාත්‍ය අනුර කුමාර දිසානායක විසින් නිකුත් කර තිබේ.

</p>

<p>

අදාළ ගැසට් නිවේදනයට අනුව, මෙම පනතේ විධිවිධානවල කාර්යයන් සඳහා මධ්‍යම අපරාධ විමර්ශන කාර්යාංශය නිල වශයෙන් රැඳවුම් ස්ථානයක් ලෙස ප්‍රකාශයට පත් කර ඇත.

</p>

<p>

එහි උපලේඛනයේ දක්වා ඇති පරිදි අදාළ ස්ථානය වන්නේ කොළඹ 05, 07 වැනි මහල, කම්කරු මහලේකම් කාර්යාල ගොඩනැගිල්ලේ පිහිටි මධ්‍යම අපරාධ විමර්ශන කාර්යාංශයයි.