විවෘත පත්‍රිකාවෙන් වාහන විකිණීමෙන් වළකින්න — මෝටර් රථ ප්‍රවාහන දෙපාර්තමේන්තුව නිවේදනයකරයි!

ඉදිරියේදී විවෘත පත්‍රිකා (open papers) යටතේ රථවාහන අලෙවි කිරීමෙන් වළකින ලෙස මෝටර් රථ ප්‍රවාහන දෙපාර්තමේන්තුව ජනතාවගෙන් ඉල්ලීමක් කර තිබේ.

</p>

<p>

කොමසාරිස් ජනරාල් විශ්‍රාමික එයාර් වයිස් මාෂල් තුෂාර ඉඳුනිල් ප්‍රනාන්දු (Thushara Indunil Fernando) සඳහන් කර ඇත්තේ, වාහනයක් පැවරීමේදී පැවරුම්කරු සහ පැවරුම්ලාභියා යන දෙදෙනාම MTA 6 ලේඛනය අත්සන් කර, අදාළ පිටපත දෙපාර්තමේන්තුව වෙත යොමු කළ යුතු බවයි.

</p>

<p>

රථවාහන යොදා ගනිමින් සිදුවන නීතිවිරෝධී කටයුතු පාලනය කිරීම සහ එවැනි වංචාවලින් සාමාන්‍ය ජනතාව ආරක්ෂා කිරීම මෙහි අරමුණ බව නිවේදනයේ දක්වා ඇත.

</p>

<p>

<span style="color:#dc2626">විවෘත පත්‍රිකාව යනු කුමක්ද?</span>

</p>

<p>

විවෘත පත්‍රිකාව යනු වාහනයේ ලියාපදිංචි හිමිකරු නව ගැනුම්කරුගේ නම දෙපාර්තමේන්තුවේ ලියාපදිංචියට නොයවා, අත්සන් කළ හිස් හෝ අර්ධ සම්පූර්ණ පැවරුම් ලේඛනයක් සමඟ වාහනය භාර දීමය. වාහනය භාවිත කරන්නේ නව ගැනුම්කරු වුවත්, නිල ලියාපදිංචියේ නම පැරණි හිමිකරුගේ නමේම පවතී.

</p>

<p>

මේ නිසා අනතුරක්, දඩයක්, අපරාධයක් හෝ මුදල් ණයක් සම්බන්ධ වූ විට වගකීම ලියාපදිංචි හිමිකරු වෙත යයි. ගැනුම්කරුට පසුව වාහනය තම නමට ගැනීමට නොහැකි වීම, උකස් හෝ නඩු ඇති වාහනයක් මිලදී ගැනීම, සහ එකම පත්‍රිකාව කිහිප දෙනෙකුට විකිණීම වැනි වංචා ද මෙයින් ඇති වේ.

</p>

<p>

<span style="color:#dc2626">නිසි ක්‍රමය</span>

</p>

<p>

දෙපාර්තමේන්තුවේ නිල ක්‍රියාපටිපාටියට අනුව MTA 6 සහ MTA 8 ආකෘති දෙපාර්තමේන්තුවෙන්, දිස්ත්‍රික් හෝ ප්‍රාදේශීය ලේකම් කාර්යාලවලින් නොමිලේ ලබාගත හැකිය.

</p>

<p>

MTA 6 පිටපත් A, A1, B, B1 ලෙස සලකුණු කර ඇත. වත්මන් ලියාපදිංචි හිමිකරු ඒවා පුරවා, A පිටපත ලියාපදිංචි තැපෑලෙන් හෝ අතින් කොමසාරිස් ජනරාල්වරයා වෙත යැවිය යුතුය. A1 තමා ළඟ තබා ගනී.

</p>

<p>

B, B1 සහ MTA 8 හි C, C1 පිටපත් නව හිමිකරුට භාර දිය යුතුය.

</p>

<p>

නව හිමිකරු MTA 6 හි B පිටපත සහ MTA 8 හි C පිටපත අදාළ ලේඛන සමඟ දෙපාර්තමේන්තුවේ හිමිකම් පැවරුම් අංශයට භාර දී CMT 52 රිසිට්පත ලබා ගත යුතුය.

</p>

<p>

උකස්, කල්බදු හෝ පූර්ණ හිමිකමක් ලියාපදිංචි නම් එය අවලංගු කළ යුතුය. සමාගම් සඳහා තෙරපුම් මුද්‍රාව හෝ ලිපි ශීර්ෂයේ ලිපියක් අවශ්‍ය වේ.