ආහාර, ජලය සහ ඉන්ධන හිඟයෙන් පීඩා වින්දත් ඉරාන නෞකාවලට අධාර කිරීමේ ක්ෂණික සැලසුමක් නෑ... රජය කියයි!

ශ්‍රී ලංකාවට ආසන්න ජාත්‍යන්තර ජලයේ නැංගුරම් ලා සිටින ඉරාන නෞකා 19කට ආහාර, ජලය සහ ඉන්ධන හිඟයක් පැවතිය ද, ඒවාට ආධාර කිරීමට ක්ෂණික සැලසුමක් නොමැති බව රජය පවසයි.

</p>

<p>

විදේශ අමාත්‍යාංශ ප්‍රකාශක තුෂාර රොද්‍රිගෝ පැවසුවේ, ඕනෑම ආධාරයක් සලකා බැලීමට පෙර රටේ ජාතික අවශ්‍යතාව මුල් තැන තබන බවය. නෞකාවලට සැපයුම් ලබාදෙන සමාගම්වලට, එසේ කළහොත් ඇමරිකාවේ ද්විතීයික සම්බාධකවලට මුහුණ දීමේ අවදානමක් ඇති බව දැන සිටින බව ද ඔහු කීවේය.

</p>

<p>

කෙසේ වෙතත්, ආධාර කළහොත් ප්‍රතිවිපාක ඇති විය හැකි බවට ඇමරිකාවෙන් කිසිදු අනතුරු ඇඟවීමක් ලැබී නොමැති බව රොද්‍රිගෝ පැහැදිලි කළේය. නෞකා ලංකා වෙරළේ සිට නාවික සැතපුම් 24ක් ඈතින් නැංගුරම් ලා ඇති බවත්, ආහාර, ජලය සහ ඉන්ධන හිඟයක් වාර්තා වී ඇති බවත් ඔහු සඳහන් කළේය.

</p>

<p>

මේ සම්බන්ධයෙන් තමන් සතුව විස්තර නොමැති බව කොළඹ ඉරාන තානාපති කාර්යාලය පවසා ඇත.

</p>

<p>

මෙම තත්ත්වය මතු වන්නේ, ඉරාන නාවික නෞකාවක් වූ IRIS ඩෙනා ඇමරිකානු ටෝර්පිඩෝ ප්‍රහාරයකින් ගිලී, නාවිකයන් 87 දෙනකු මිය ගොස් මාස හතකට ආසන්න කාලයකිනි. ඉන්දියාවේ ආරාධනයෙන් නාවික අභ්‍යාසයකට සහභාගී වී ආපසු යමින් තිබූ ඒ නෞකාවට ප්‍රහාරය එල්ල විය.

</p>

<p>

තාක්ෂණික දෝෂයක් වාර්තා කළ දෙවන ඉරාන නෞකාවක් පසුව ශ්‍රී ලංකා වරායකට ගෙන එන ලදී. ලංකා රෝහල්වල ප්‍රතිකාර ලැබූ තුවාලකරුවන් සහ දෙවන නෞකාවෙන් බේරාගත් අය ආරක්ෂිතව ඉරානයට යවන ලදී.

</p>

<p>

ආර්ථික අර්බුදයෙන් මිදෙමින් සිටින ශ්‍රී ලංකාවට ඇමරිකාවත් ඉරානයත් වැදගත් වෙළඳ හවුල්කරුවන් ය. ජාත්‍යන්තර මූල්‍ය අරමුදලේ ණය පහසුකම ලබා ගැනීමේදීත්, ආහාර අර්බුදයක් වළක්වා ගැනීම සඳහා කෘෂි අංශයට සහාය දීමේදීත් ඇමරිකාව වැදගත් කාර්යභාරයක් ඉටු කළේය.

</p>

<p>

විදේශ අමාත්‍ය විජිත හේරත් දේශීය මාධ්‍යවලට පවසා ඇත්තේ, මේවා ඉරාන තෙල් ටැංකි නෞකා බවයි. ඇමරිකාව හෝර්මුස් සමුද්‍ර සන්ධියේ නාවික අවහිරය නැවත ආරම්භ කිරීමෙන් පසු, නිවසට ආපසු යා නොහැකිව ඉරාන නෞකා දුසිම් ගණනක් අතරමං වී ඇත. ඒ අතර මේ නෞකා මාස කිහිපයක් තිස්සේ ලංකාවට ආසන්නව නැංගුරම් ලා සිටින බව ඔහු කීවේය.

</p>

<p>

ජාත්‍යන්තර කටයුතු විශ්ලේෂක දයාන් ජයතිලක පවසන්නේ, රට දුෂ්කර තත්ත්වයක සිරවී ඇති බවත්, ප්‍රායෝගිකව කළ හැකි දේට සීමාවක් ඇති බවත්ය.

“අපි කැමැත්තෙන් ආධාර ප්‍රතික්ෂේප කරනවා නොවන බව ලෝකයට පැහැදිලියි. නමුත් ප්‍රවේශම් විය යුතු, සිතා බැලිය යුතු හේතු තිබෙනවා. අපට කළ හැක්කේ ජාත්‍යන්තර මානුෂීය නීතිය නිරීක්ෂණය කිරීමයි,” ඔහු කීවේය.

</p>

<p>

“මේවා යුද නෞකා නොවේ. ඉරානයේ සිට චීනයට තෙල් රැගෙන ගිය භාණ්ඩ නෞකායි. ප්‍රහාරයකට ලක්වීම වැනි හේතුවකින් මේ නෞකා අපේ ජලයට ඇතුළු වුණොත්, වහාම ආධාර කිරීමට අපට සදාචාරාත්මක බැඳීමක් තිබෙනවා.”

</p>

<p>

(<span style="color:#1d4ed8">ඇසෝසියේටඩ් ප්‍රෙස් / ද සන්ඩේ ටයිම්ස් ඇසුරෙනි. </span>)