ශිරන්ති රාජපක්ෂට නිවසින් ආහාර ලබා ගැනීමට අවසර!

රක්ෂිත බන්ධනාගාරගත කර සිටින ශිරන්ති රාජපක්ෂ වෙත නිවසින් ආහාර ලබා දීමට අවසර ලබා දී ඇති බව බන්ධනාගාර දෙපාර්තමේන්තුව සදහන් කරයි.

</p>

<p>

ලබන 13 වනදා දක්වා රක්ෂිත බන්ධනාගාරගත කර සිටින ශිරන්ති රාජපක්ෂ වැලිකඩ බන්ධනාගාරයේ සාමාන්‍ය වාට්ටුවකට යොමු කර ඇති බව බන්ධනාගාර මාධ්‍ය ප්‍රකාශක චන්දන ඒකනායක සදහන් කළේය.

</p>

<p>

ජාතික අක්ෂි රෝහලට යොමු කිරීමෙන් අනතුරුව ඇය මෙලෙස සාමාන්‍ය වාට්ටුවකට මාරු කර යවා ඇති අතර, අක්ෂි රෝහලේදී වෛද්‍යවරුන් විසින් ඇයව පරීක්ෂාවට ලක් කර තිබේ.

</p>

<p>

පසුගිය 07 වනදා ශිරන්ති රාජපක්ෂ අත්අඩංගුවට ගැනුණේ රාජ්‍ය බැංකුවකින් රුපියල් ලක්ෂ 100ක මුදලක් ලබාගෙන සිදුකළ සාපරාධී පරිහරණය, සහ පොදු දේපළ පනත යටතේ වන වැරදිවලට අදාළවය.