විදුලිය තිබියදී විදුලිය කපන්නේ ඇයි? – පැයක විදුලි කප්පාදුවක් පිටුපස ඇති ජාතික විදුලි පද්ධතියේ අර්බුදය!

ශ්‍රී ලංකාවේ ජාතික විදුලි පද්ධතිය යළිත් තීරණාත්මක අභියෝගයකට මුහුණ දී තිබේ. ජාතික විදුලි පද්ධති ක්‍රියාකරු විසින් අද (19), හෙට (20) සහ අනිද්දා (21) දිනවල සැලසුම් කළ විදුලි කප්පාදුවක් ක්‍රියාත්මක කිරීමට ශ්‍රී ලංකා මහජන උපයෝගිතා කොමිෂන් සභාවෙන් අනුමැතිය ලබාගෙන තිබේ.

</p>

<p>

එම යෝජනාවට අනුව පස්වරු 4.30 සිට රාත්‍රී 8.30 දක්වා කාලය තුළ රට කලාප හතරකට බෙදා එක් කලාපයකට පැයක විදුලි කප්පාදුවක් ක්‍රියාත්මක කිරීමට අපේක්ෂිතය.

</p>

<p>

මෙහි වැදගත්ම ප්‍රශ්නය විදුලිය කපන කාලය නොවේ. ජාතික විදුලි පද්ධතියට විදුලිය නිපදවීමේ හැකියාව තිබියදීත්, ජනතාවට විදුලිය සැපයීම සීමා කිරීමට සිදුවන්නේ ඇයි යන්නය.

</p>

<p>

<span style="color:#dc2626">1 විදුලි කප්පාදුවට සැබෑ හේතුව නොරොච්චෝලේ බලාගාරයයි</span>

</p>

<p>

මෙවර විදුලි කප්පාදුවට මූලික හේතුව සොයා යා යුත්තේ ඔක්තෝබර් 17 වැනිදා සිදුවූ ජාතික විදුලි බිඳවැටීම දක්වාය.

</p>

<p>

එදින ඇතිවූ පද්ධති අස්ථාවරත්වයෙන් පසු නොරොච්චෝලේ ලක්විජය ගල්අඟුරු බලාගාරය ආරක්ෂිත ක්‍රියාපටිපාටි අනුව නවතා දැමීමට සිදුවිය. ජාතික විදුලි පද්ධති ක්‍රියාකරු ඔක්තෝබර් 18 වැනිදා ප්‍රකාශ කළේ එම බලාගාරය යළි ජාතික පද්ධතියට සම්බන්ධ කිරීමට දින කිහිපයක් ගතවන බවය.

</p>

<p>

එහි ප්‍රතිඵලය වන්නේ ජාතික පද්ධතියට ලැබෙන මෙගාවොට් 810ක විදුලි ජනන ධාරිතාව තාවකාලිකව අහිමි වීමය.

<figure style="margin:1.5rem 0;text-align:center"><img src="https://scontent.fcmb1-2.fna.fbcdn.net/v/t39.30808-6/854627515_1551381040341323_6829434333077753949_n.jpg?stp=dst-jpg_tt6&cstp=mx909x213&ctp=s909x213&_nc_cat=100&_nc_map=urlgen_bucketless&ccb=1-7&_nc_sid=127cfc&_nc_ohc=l_82BlnOK7IQ7kNvwGQlNg_&_nc_oc=Ado4eifGGR-5x3ptN0Tj1IEzWWNa5Flm2QRewPhG2HZjR-YHUO4veM2sgPIix6uLnus&_nc_zt=23&_nc_ht=scontent.fcmb1-2.fna&_nc_gid=6VMTfazhugTbX6b-ZjFeiQ&_nc_ss=7a2a8&oh=00_AQPnJwCncatvkZlzuGj_Ic3rrVnWITrCh8YqRZCS2TMT3g&oe=6ADC30D9" alt="" style="max-width:100%;border-radius:6px" /><figcaption style="font-size:0.85em;color:#6b7280;margin-top:0.4rem"></figcaption></figure>

ලක්විජය බලාගාරයේ ජනන ධාරිතාව අහිමි වීම යනු මුළු රටේම විදුලි අවශ්‍යතාවෙන් සැලකිය යුතු කොටසක් සැපයීමට තිබූ හැකියාව එක්වර අඩුවීමකි.

</p>

<p>

එහෙත් මෙහිදී තවත් වැදගත් කරුණක් තිබේ. මෙගාවොට් 810ක ජනන ධාරිතාව අහිමි වූ පමණින් මෙගාවොට් 810ක විදුලි හිඟයක් සෑම මොහොතකම ඇතිවන්නේ නැත. ජලවිදුලි බලාගාර, ඉන්ධන බලාගාර සහ අනෙකුත් විදුලි ජනන මූලාශ්‍රවලින් එම අඩුවෙන් කොටසක් පියවාගත හැකිය.

</p>

<p>

ලංකා බිස්නස් ඔන්ලයින් අද වාර්තා කළ සංඛ්‍යා අනුව සවස උපරිම ඉල්ලුම මෙගාවොට් 2,800ක් පමණ වන අතර, ලබාගත හැකි ජනන ධාරිතාව මෙගාවොට් 2,600ක් පමණි. ඒ අනුව ඇස්තමේන්තුගත හිඟය මෙගාවොට් 200කි.

</p>

<p>

මේ සංඛ්‍යා දෙක අතර ඇති වෙනස සුළු ලෙස පෙනුණත් විදුලි පද්ධතියක එය බරපතළ තත්ත්වයකි.

</p>

<p>

විදුලි පද්ධතියක ජනනය හා පරිභෝජනය සෑම මොහොතකම සමතුලිතව පැවතිය යුතුය. ඉල්ලුමට සාපේක්ෂව සැපයුම ප්‍රමාණවත් නොවුණහොත් පද්ධතියේ සංඛ්‍යාතය පහත වැටිය හැකිය. එය පාලනය නොකළහොත් තවත් ජනන යන්ත්‍ර ආරක්ෂක පද්ධති මගින් විසන්ධි වී විශාල විදුලි බිඳවැටීමක් දක්වා තත්ත්වය වර්ධනය වීමේ අවදානමක් තිබේ.

</p>

<p>

ඒ නිසා මෙගාවොට් 200ක හිඟයක් යනු හුදෙක් අඩුවෙන් නිපදවන විදුලි ප්‍රමාණයක් නොවේ. එය සමස්ත පද්ධතියේ ස්ථාවරත්වයට ඇති අවදානමකි.

</p>

<p>

<span style="color:#dc2626">2. විදුලි කප්පාදුව සඳහා සවස 4.30 සිට රාත්‍රී කාලය තෝරාගත්තේ ඇයි?</span>

</p>

<p>

මෙයට හේතුව ශ්‍රී ලංකාවේ දෛනික විදුලි පරිභෝජන රටාවය.

</p>

<p>

දහවල් කාලයේ සූර්ය බලයෙන් නිපදවන විදුලිය ජාතික පද්ධතියට ලැබේ. එහෙත් සවස හිරු බැස යාමත් සමඟ එම ජනනය වේගයෙන් අඩුවෙයි.ඒ අතරම නිවාසවල විදුලි පහන් දැල්වීම, ආහාර පිසීම, විදුලි උපකරණ ක්‍රියාත්මක කිරීම සහ වාණිජ කටයුතු හේතුවෙන් විදුලි ඉල්ලුම ඉහළ යයි.මේ නිසා සවස කාලය විදුලි පද්ධතියට අභියෝගාත්මක කාල පරාසයක් බවට පත්වේ.

</p>

<p>

විශේෂයෙන් නොරොච්චෝලේ වැනි විශාල බලාගාරයක් අක්‍රිය වී තිබියදී, සූර්ය බලයෙන් ලැබෙන විදුලිය ද අඩුවන මොහොතේ පද්ධතියේ සැපයුම් හැකියාව තවත් සීමා වේ.

</p>

<p>

මෙම තත්ත්වය සරලව පැහැදිලි කළ හැකිය.

</p>

<p>

දහවල් කාලයේ ජලවිදුලිය, තාප විදුලිය සහ සූර්ය විදුලිය එක්ව ඉල්ලුම සපුරන නමුත් සවස සූර්ය විදුලිය අඩුවීමත් සමඟ ඒ වෙනුවට වෙනත් ජනන මූලාශ්‍ර යෙදවිය යුතුය.

</p>

<p>

එම අමතර ජනන හැකියාව ප්‍රමාණවත් නොවන්නේ නම් ඉල්ලුම අඩු කිරීමට සිදුවේ.

</p>

<p>

එබැවින් මෙවර සවස විදුලි කප්පාදුවක් යෝජනා කිරීම පිටුපස පැහැදිලි තාක්ෂණික පදනමක් තිබේ.

</p>

<p>

<span style="color:#dc2626">3. විදුලිය කපා දැමීම කළමනාකරණයක් වන්නේ කෙසේද?</span>

</p>

<p>

මෙය මෙම අර්බුදයේ වැදගත්ම තාක්ෂණික ප්‍රශ්නයයි. විදුලි කප්පාදුවක් යනු සාමාන්‍ය තත්ත්වයකදී යහපත් ප්‍රතිඵලයක් නොවේ. එය පාරිභෝගිකයාට අත්‍යවශ්‍ය සේවාවක් අහිමි කිරීමකි.

</p>

<p>

එහෙත් පද්ධතියේ සැපයුම ප්‍රමාණවත් නොවන හදිසි අවස්ථාවක, සැලසුම් කළ ආකාරයට ඉල්ලුම සීමා කිරීම සමස්ත පද්ධතිය ආරක්ෂා කිරීමට යොදාගන්නා පිළිගත් තාක්ෂණික ක්‍රමයකි.

</p>

<p>

මෙය විදුලි ඉල්ලුම කළමනාකරණය කිරීමේ එක් ආකාරයකි. එහිදී භාවිතා වන ක්‍රමය සැලසුම් කළ බර ඉවත් කිරීම හෙවත් Load Shedding ලෙස හැඳින්වේ.

</p>

<p>

විදුලි පද්ධතියේ සමතුලිතතාව තේරුම් ගනිමු

</p>

<p>

<figure style="margin:1.5rem 0;text-align:center"><img src="https://scontent.fcmb1-2.fna.fbcdn.net/v/t39.30808-6/855353254_1551381047007989_3679551788400113490_n.jpg?stp=dst-jpg_tt6&cstp=mx814x291&ctp=s814x291&_nc_cat=108&_nc_map=urlgen_bucketless&ccb=1-7&_nc_sid=127cfc&_nc_ohc=XY2jzKrNZDkQ7kNvwEBzK3U&_nc_oc=AdosuosHfSSra_uFpMxBFONPmk5I6IJFD-4aBEml_44-OiDl2phWDhoLWuO-aOVfVfo&_nc_zt=23&_nc_ht=scontent.fcmb1-2.fna&_nc_gid=FaoN8mCvBcuxbNe5nqP5BA&_nc_ss=7a2a8&oh=00_AQO59_kgwiU1CQPhn84SlGIyVeF6kI_Fasf2GIODdk1uAw&oe=6ADC2280" alt="" style="max-width:100%;border-radius:6px" /><figcaption style="font-size:0.85em;color:#6b7280;margin-top:0.4rem"></figcaption></figure>

මෙගාවොට් 2,800ක උපරිම ඉල්ලුමක් සහ 2,600ක සැපයුමක් යන වාර්තාගත ඇස්තමේන්තුව මත පදනම් වූ සරල නිරූපණයකි.

</p>

<p>

සැලසුම් කළ විදුලි කප්පාදුවක අරමුණ වන්නේ ඉල්ලුම තාවකාලිකව අඩු කර ලබාගත හැකි ජනනය සමඟ ගැළපීමය. පද්ධතියේ ආරක්ෂිත සංචිතයක් පවත්වා ගැනීම ද අවශ්‍ය වේ.

</p>

<p>

මෙය ජලය බෙදාහරින පද්ධතියකට සමාන කළ හැකිය.

</p>

<p>

ජල සැපයුම අඩුවන අවස්ථාවක සෑම ප්‍රදේශයකටම අඛණ්ඩව ජලය ලබාදීමට උත්සාහ කිරීම වෙනුවට ප්‍රදේශ කිහිපයකට වාරික ක්‍රමයකින් ජලය බෙදා දීමට සිදුවිය හැකිය.

</p>

<p>

විදුලි පද්ධතියක තත්ත්වය ඊට වඩා සංකීර්ණය. විදුලිය විශාල ප්‍රමාණවලින් ගබඩා කර නොමැති පද්ධතියක නිපදවන විදුලිය හා භාවිත කරන විදුලිය ඒ මොහොතේම සමතුලිත කළ යුතුය.

</p>

<p>

ඒ නිසා සැලසුම් කළ විදුලි කප්පාදුවක අරමුණ වන්නේ ජනතාවට දඬුවම් කිරීම නොව, පද්ධතියේ ඉතිරි කොටස අඛණ්ඩව පවත්වා ගැනීමයි.

</p>

<p>

එහෙත් මෙහි සීමාවක් තිබේ. විදුලි කප්පාදුවක් හොඳ හදිසි කළමනාකරණ ක්‍රමයක් විය හැකි නමුත් එය හොඳ දිගුකාලීන විදුලිබල ප්‍රතිපත්තියක් නොවේ.

</p>

<p>

<span style="color:#dc2626">4. මහජන උපයෝගිතා කොමිසම අනුමැතිය ලබාදී තිබේ</span>

</p>

<p>

ඔක්තෝබර් 19, 20 සහ 21 යන දින තුන සඳහා පැයක විදුලි කප්පාදුවකට මහජන උපයෝගිතා කොමිෂන් සභාව අනුමැතිය ලබාදී තිබේ.

</p>

<p>

එහෙත් එය සෑම දිනකම අනිවාර්යයෙන්ම විදුලිය කපා දැමීමට දුන් නියෝගයක් නොවේ. පවතින ජනන ධාරිතාවෙන් ඉල්ලුම සපුරාගත නොහැකි වුවහොත් පමණක් විදුලි කප්පාදුව ක්‍රියාත්මක කිරීමට ලබාදුන් අනුමැතියකි.

</p>

<p>

ඒ අනුව පද්ධති ක්‍රියාකරුට විදුලි ඉල්ලුම හා සැපයුම නිරන්තරයෙන් පරීක්ෂා කර අවශ්‍ය මොහොතේ කප්පාදුව ක්‍රියාත්මක කිරීමට හැකියාව ලැබේ.

</p>

<p>

මෙය වැදගත් වෙනසකි. විදුලිය කපා දැමීම පළමු තේරීම නොව, අනෙකුත් ක්‍රියාමාර්ග ප්‍රමාණවත් නොවන විට භාවිත කරන අවසාන ආරක්ෂක ක්‍රමයක් විය යුතුය.

</p>

<p>

<span style="color:#dc2626">5. කලාප හතරකට බෙදා පැයකට විදුලිය කපා දැමීම කොතරම් සාධනීය ද?

</span>

</p>

<p>

මෙම ප්‍රවේශය සාධනීය වන්නේ එය පද්ධතියේ සැබෑ හිඟයට සරිලන ලෙස ක්‍රියාත්මක කළහොත් පමණි.

</p>

<p>

විදුලි හිඟයක් ඇති අවස්ථාවක කිසිදු පූර්ව දැනුම්දීමකින් තොරව විදුලිය බිඳවැටීමට ඉඩ හැරීම වෙනුවට කාලසටහනක් අනුව විදුලිය සීමා කිරීම වඩාත් යෝග්‍යය.

</p>

<p>

එමගින් රෝහල්, කර්මාන්ත, සන්නිවේදන පහසුකම් සහ අත්‍යවශ්‍ය සේවාවලට ඇතිවන අවදානම් අවම කිරීමට සැලසුම් සකස් කළ හැකිය.

</p>

<p>

එසේම කලාප හතරකට විදුලි කප්පාදුව බෙදාහැරීමෙන් එක් ප්‍රදේශයකට පමණක් දිගුකාලීන බරක් පැටවීම වළක්වාගත හැකිය. කාලසටහන් දිනෙන් දින මාරු කිරීමෙන් සෑම කලාපයකටම ඇතිවන අපහසුතාව සාපේක්ෂව සාධාරණව බෙදාහැරිය හැකිය.

</p>

<p>

එහෙත් කලාප හතරකට පැය බැගින් විදුලිය කපා දැමූ පමණින් මෙගාවොට් 200ක හිඟය නිශ්චිතව පියවෙන බව පැවසිය නොහැකිය.

</p>

<p>

එය තීරණය වන්නේ එක් එක් කලාපයේ ඒ මොහොතේ පවතින විදුලි ඉල්ලුම මතය. කලාපයක් විසන්ධි කිරීමෙන් අඩුවන විදුලි ප්‍රමාණය එම කලාපයේ පරිභෝජනයට අනුව වෙනස් වේ. ඒ නිසා මෙවැනි කප්පාදුවක සාර්ථකත්වය මැනිය යුත්තේ කපා දැමූ පැය ගණනෙන් නොව, එමගින් පද්ධතියට ලැබුණු ස්ථාවරත්වය සහ වළක්වාගත් විශාල බිඳවැටීම් අනුවය.

</p>

<p>

මෙහි දී මතු කළ යුතු තවත් වැදගත් කරුණක් තිබේ. විදුලි කප්පාදුවකින් නිවසක විදුලි පරිභෝජනය තාවකාලිකව නතර කළත් එම විදුලිය සම්පූර්ණයෙන්ම ඉතිරි වන්නේ නැත. ඇතැම් විදුලි උපකරණ නැවත විදුලිය ලැබුණු විට වැඩි ඉල්ලුමක් ඇති කළ හැකිය. එබැවින් විදුලිය යළි ලබාදීම ද පද්ධති ක්‍රියාකරු විසින් සැලසුම් කළ යුතුය.

</p>

<p>

<span style="color:#dc2626">6. මෙවැනි අර්බුදයක් ඇතිවීම වැළැක්විය නොහැකි ද?</span>

</p>

<p>

විශාල විදුලි බලාගාරයක් හදිසියේ අක්‍රිය වීම ඕනෑම රටක සිදුවිය හැකිය. එය ශ්‍රී ලංකාවට පමණක් සීමා වූ තත්ත්වයක් නොවේ.

</p>

<p>

එහෙත් එවැනි සිදුවීමකින් පසු රටේ විදුලි සැපයුම පවත්වාගෙන යාමට අවශ්‍ය විකල්ප ධාරිතාව තිබිය යුතුය.

</p>

<p>

විදුලිබල පද්ධති සැලසුම් කිරීමේදී භාවිත කරන වැදගත් මූලධර්මයක් වන්නේ ප්‍රධාන ජනන ඒකකයක් හෝ සම්ප්‍රේෂණ අංගයක් අහිමි වූ විටත් පද්ධතිය පවත්වාගැනීමට ඇති හැකියාවයි. මෙය එක් අංගයක අසාර්ථකත්වයකට ඔරොත්තු දීමේ මූලධර්මය ලෙස හැඳින්විය හැකිය.

</p>

<p>

එහෙත් විශාල බලාගාරයක ඒකක කිහිපයක් එකවර අක්‍රිය වීම, එක් ජනන ඒකකයක් අහිමි වීමට වඩා බරපතළ අභියෝගයකි. ශ්‍රී ලංකාවේ නොරොච්චෝලේ බලාගාරයේ මෙගාවොට් 810ක ධාරිතාව අහිමි වීම එවැනි තත්ත්වයකි.

</p>

<p>

මේ නිසා මෙවර අර්බුදය අපට මතුකරන ප්‍රශ්නය වන්නේ නොරොච්චෝලේ බලාගාරය කවදා යළි ක්‍රියාත්මක කරන්නේද යන්න පමණක් නොවේ. විශාල බලාගාරයක් තාවකාලිකව අහිමි වුවහොත් එම අඩුව පියවාගැනීමට ප්‍රමාණවත් විකල්ප ජනන ධාරිතාවක් ශ්‍රී ලංකාව සතුව තිබේද යන්න ද විමසිය යුතුය.

</p>

<p>

විදුලි ජනනය විවිධ මූලාශ්‍ර අතර බෙදාහැරීම, ප්‍රමාණවත් හදිසි සංචිත පවත්වා ගැනීම, බැටරි ගබඩා පහසුකම් දියුණු කිරීම සහ ඉල්ලුම ස්වේච්ඡාවෙන් අඩු කරගැනීමේ වැඩසටහන් ක්‍රියාත්මක කිරීම මෙවැනි අවදානම් අඩු කළ හැකි ක්‍රියාමාර්ග වේ.

</p>

<p>

<span style="color:#dc2626">7. විදුලි කප්පාදුව වෙනුවට වෙනත් විසඳුම් තිබේද?</span>

</p>

<p>

හදිසි අවස්ථාවක විදුලිය කපා දැමීම හැර වෙනත් විකල්ප කිහිපයක් සලකා බැලිය හැකිය.

</p>

<p>

විශාල කර්මාන්ත හා වාණිජ පාරිභෝගිකයන් සමඟ එකඟතාවකට පැමිණ උපරිම ඉල්ලුම පවතින පැය කිහිපය තුළ ඔවුන්ගේ විදුලි පරිභෝජනය සීමා කිරීම එක් ක්‍රමයකි.

</p>

<p>

තවත් ක්‍රමයක් වන්නේ ජලවිදුලි බලාගාරවල ජනනය උපරිම ඉල්ලුම පවතින කාලයට ගැළපෙන ලෙස සැලසුම් කිරීමයි. එහෙත් එය ජලාශවල ජල මට්ටම, වර්ෂාපතනය සහ අනෙකුත් ජල අවශ්‍යතා මත සීමා වේ.

</p>

<p>

අමතර ඉන්ධන බලාගාර ක්‍රියාත්මක කිරීම ද විකල්පයකි. එහෙත් එය වඩා මිල අධික විය හැකි අතර, ඒ සඳහා ක්‍රියාත්මක කළ හැකි බලාගාර සහ අවශ්‍ය ඉන්ධන තිබිය යුතුය.

</p>

<p>

ඉදිරියේදී විදුලි ගබඩා පද්ධති වැඩිදියුණු කිරීමෙන් දහවල් කාලයේ ලැබෙන අතිරික්ත සූර්ය විදුලියෙන් කොටසක් සවස භාවිත කිරීමට අවස්ථාව ලැබේ.

</p>

<p>

මේ සියලු විකල්ප සලකා බැලීමෙන් පසුවත් සැපයුම ප්‍රමාණවත් නොවන්නේ නම් සැලසුම් කළ විදුලි කප්පාදුව සාධාරණ තාක්ෂණික තීරණයක් විය හැකිය.

</p>

<p>

එහෙත් එක් පැයක විදුලි කප්පාදුවක් තුළ වුවද ආර්ථික හා සමාජ පිරිවැයක් තිබේ. එම පිරිවැය ගණනය කෙරෙන්නේ නැත. එය ජනන හා පරිභෝජන සංඛ්‍යාත තුළිත කිරිමට ඔබ්බෙන් ඇති ප්‍රශ්නයකි.

</p>

<p>

<span style="color:#dc2626">8. ජාතික පද්ධති ක්‍රියාකරු පිළිතුරු දිය යුතු ප්‍රශ්න</span>

</p>

<p>

මෙම අර්බුදයේ තාක්ෂණික පැහැදිලි කිරීමෙන් ඔබ්බට යන විට තවත් ප්‍රශ්න කිහිපයක් මතුවේ.

</p>

<p>

• පළමුව, ඔක්තෝබර් 17 වැනිදා ඇතිවූ ජාතික විදුලි බිඳවැටීමට නිශ්චිතව හේතු වූයේ කුමක්ද? නොරොච්චෝලේ බලාගාරයේ ජනන ඒකකයක බිඳවැටීමෙන් පද්ධතිය අස්ථාවර වූයේද, නැතහොත් පද්ධතියේ වෙනත් දෝෂයක් නිසා බලාගාරය අක්‍රිය වූයේද?</p>

<p>

• මෙම හේතු-ඵල සම්බන්ධය නිශ්චිතව තහවුරු කිරීමට තාක්ෂණික විමර්ශනයේ ප්‍රතිඵල අවශ්‍යය.</p>

<p>

• දෙවනුව, නොරොච්චෝලේ බලාගාරය අක්‍රිය වීමෙන් පසු ක්‍රියාත්මක කිරීමට හැකිව තිබූ අතිරේක ජනන ධාරිතාව කොපමණද? එම ධාරිතාව සම්පූර්ණයෙන් භාවිත කළේද?</p>

<p>

• තෙවනුව, මෙගාවොට් 200ක හිඟය පියවාගැනීම සඳහා විදුලි කප්පාදුව හැර වෙනත් විකල්ප මොනවාදැයි පරීක්ෂා කළේද? ඒවා ප්‍රමාණවත් නොවූයේ ඇයි?</p>

<p>

• සිව්වනුව, පද්ධතියේ ආරක්ෂිත සංචිතය කොපමණද? මෙවැනි බිඳවැටීමකට පෙර හා පසුව එම සංචිතය ප්‍රමාණවත් මට්ටමක පැවතියේද?</p>

<p>

• පස්වනුව, නොරොච්චෝලේ බලාගාරය යළි පද්ධතියට සම්බන්ධ කිරීමේ නිශ්චිත සැලැස්ම කුමක්ද? එය තවදුරටත් ප්‍රමාද වුවහොත් විදුලි සැපයුම පවත්වාගෙන යාමට ඇති විකල්ප මොනවාද?</p>

<p>

මෙම ප්‍රශ්නවලට පිළිතුරු සැපයීම ජාතික පද්ධති ක්‍රියාකරුගේ සහ අදාළ බලශක්ති ආයතනවල වගකීමකි. එමෙන්ම මෙම පැයක විදුලි කප්පාදුවකින් මැනිය නොහැකි ප්‍රශ්නයක් ඉතිරි වී තිබේ.

</p>

<p>

මෙවර විදුලි කප්පාදුව පිළිබඳ තීරණය තාක්ෂණික වශයෙන් සාධාරණ විය හැකිය. මෙගාවොට් 810ක විදුලි ජනන ධාරිතාව අහිමි වී තිබියදී සවස උපරිම ඉල්ලුම පාලනය කිරීම පද්ධතියේ ආරක්ෂාවට වැදගත්ය. එහෙත් විදුලිබල පද්ධතියක් සාර්ථකව කළමනාකරණය කරන බවට ඇති හොඳම සාක්ෂිය විදුලිය කපා දැමීමේ කාලසටහනක් නිවැරදිව ක්‍රියාත්මක කිරීම නොව, එවැනි කප්පාදුවකට යාමට සිදුවන අවස්ථා හැකිතාක් අවම කරගැනීමය.

</p>

<p>

විශාල බලාගාරයක් අක්‍රිය වූ විට රටේ විදුලි සැපයුම පවත්වාගැනීමට ප්‍රමාණවත් විකල්ප නොමැති නම් එය හුදෙක් එක් බලාගාරයක දෝෂයක් පමණක් නොවේ. එය සමස්ත විදුලි පද්ධතියේ ඔරොත්තු දීමේ හැකියාව පිළිබඳ ප්‍රශ්නයකි.

</p>

<p>

මෙවර අප ඉදිරියේ ඇති ප්‍රධාන ප්‍රශ්නය වන්නේ පැයකට විදුලිය කපා දැමීම නිවැරදිද යන්න පමණක් නොවේ. විදුලිබල පද්ධතියේ එක් විශාල කොටසක් අහිමි වූ විට රටේ සාමාන්‍ය ජනජීවිතය බිඳ නොවැටෙන ලෙස පද්ධතිය ගොඩනැගීමට අප මෙතෙක් ගෙන ඇති පියවර ප්‍රමාණවත්ද යන්නය.