ක්‍රීඩක කළමනාකරුවන් තවම ගේමේ... ක්‍රිකට් පරිවර්තන කමිටුවේ අවධානය සඳහාය...
දැනට පැවැත්වෙන පාකිස්තාන තරග සංචාරය අතරතුරදී ද ඔහු නිල ක්‍රීඩක අවසර පත්‍ර (Player Passes) භාවිත කරමින් ක්‍රීඩාංගණය තුළ තරග නරඹන අයුරු සජීවී රූපවාහිනී විකාශය ඔස්සේ පැහැදිලිව දක්නට ලැබුණි. එම අවස්ථාවේදී ඔහු දෙපස නන්නාඳුනන පුද්ගලයන් දෙදෙනෙකු ද අසුන්ගෙන සිටිනු නිරීක්ෂණය විය.
LSN Sri Lanka ·
පසුගිය කාලය පුරා ශ්‍රී ලංකා ක්‍රිකට් ක්‍රීඩකයන්ගේ පෞද්ගලික කළමනාකරුවන්ගේ ක්‍රියාකලාපය පිළිබඳව දැඩි ආන්දෝලනාත්මක තත්ත්වයක් හටගෙන තිබුණි. මෙම තත්ත්වය පාලනය කිරීම සඳහා හිටපු පාර්ලිමේන්තු මන්ත්‍රී ඉරාන් වික්‍රමරත්නගේ ප්‍රධානත්වයෙන් යුත් වත්මන් ක්‍රිකට් පරිවර්තන කමිටුව (Cricket Transitional Committee) විසින් අදාළ කළමනාකරුවන් සඳහා නිල ලියාපදිංචියක් සහ පිළිපැදිය යුතු විශේෂ චර්යාධර්ම පද්ධතියක් ද හඳුන්වා දීමට පියවර ගන්නා ලදී.
</p>
<p>
ක්‍රීඩකයන් ප්‍රවර්ධනය කිරීමේ මුවාවෙන් සමාජ මාධ්‍ය ජාල ඔස්සේ ක්‍රියාත්මක වෙමින් ජාතික තේරීම් කමිටු නිලධාරීන්ට අනිසි බලපෑම් එල්ල කිරීම, තරග පාවාදීම් සහ දූෂණ චෝදනාවලට වක්‍රව සම්බන්ධ වීම මෙන්ම ක්‍රීඩකයන්ගේ විනය පිරිහීමට බලපෑම් කිරීම මෙම කළමනාකරුවන්ට එල්ල වී ඇති ප්‍රධාන චෝදනා අතර වේ.
</p>
<p>
මෙවැනි දැඩි නීතිරීති පනවා තිබියදී පවා, ශ්‍රී ලංකා කණ්ඩායම සහභාගී වන සෑම විදේශ සංචාරයකටම එක්වෙමින් ක්‍රීඩකයන් සමඟ සමීපව කටයුතු කරන එක්තරා ප්‍රමුඛ පෙළේ ක්‍රීඩක කළමනාකරුවෙකු පිළිබඳව නැවතත් පුවත් වාර්තා වේ.
</p>
<p>
දැනට පැවැත්වෙන පාකිස්තාන තරග සංචාරය අතරතුරදී ද ඔහු නිල ක්‍රීඩක අවසර පත්‍ර (Player Passes) භාවිත කරමින් ක්‍රීඩාංගණය තුළ තරග නරඹන අයුරු සජීවී රූපවාහිනී විකාශය ඔස්සේ පැහැදිලිව දක්නට ලැබුණි. එම අවස්ථාවේදී ඔහු දෙපස නන්නාඳුනන පුද්ගලයන් දෙදෙනෙකු ද අසුන්ගෙන සිටිනු නිරීක්ෂණය විය.
</p>
<p>
කණ්ඩායම් කළමනාකාරිත්වයේ සහ නිලධාරීන්ගේ දැනුවත්භාවය සහිතව මෙම සිදුවීම් සිදුවන්නේද යන්න පිළිබඳව ක්‍රීඩා ලෝලීන් අතර මේ වන විට බරපතල සැක සංකා මතුව තිබේ. එබැවින්, පනවා ඇති නීතිරීති ප්‍රායෝගිකව ක්‍රියාත්මක කරමින් මෙම අසීමිත මැදිහත්වීම් පිළිබඳව වහාම සොයා බලා සුදුසු පියවර ගැනීම ඉරාන් වික්‍රමරත්න මහතා ප්‍රමුඛ ක්‍රිකට් පරිවර්තන කමිටුවේ වගකීමකි.