හිමාලය රත් කළ හෙළිකොප්ටර් අනතුර... දෙවියන් වැඳ යළි එන බැතිමතුන් සමග අවසන් ගමන් ගිය නියමුවාගේ කතාව...
ඉන්දියාවේ බද්‍රිනාත් සිට ගුවන්ගත වූ හෙලිකොප්ටරයක් කඳු බෑවුමකට කඩා වැටෙයි. වන්දනාකරුවන් පස්දෙනා සහ ගුවන් නියමුවා මරුට. අයහපත් කාලගුණය මැද ගුවන්ගත වීමට අවසර ලැබුණේ කෙසේදැයි ප්‍රශ්නයක්.
LSN Sri Lanka ·
ඉන්දියාවේ හිමාල කඳුකරයේ පිහිටි බද්‍රිනාත් පුදබිම හින්දු වන්දනාවේ එන උත්තම භූමියකි. මේ භූමිය වන්දනාවට බැතිමත්හු රොද බැඳිම හින්දු සංස්කෘතික ආදර්ශයක් වූයේය.
</p>
<p>
අද ලෝකය එම පුද බිම හා බැඳුනු සිද්ධියකින් කම්පාවට පත් වුනේය. පුදබිම වැඳපුදාගෙන ආපසු නිවෙස් බලා යමින් සිටි මිතුරන් පස්දෙනෙකු අද (30) දහවල් අනපේක්ෂිත ගුවන් අනතුරකින් සමුගත්හ.
</p>
<p>
ඔවුන් රැගත් හෙලිකොප්ටරය උත්තරාකන්ද් ප්‍රාන්තයේ චමෝලි දිස්ත්‍රික්කයේ කඳු බෑවුමකට කඩා වැටුණේය. මිතුරන් පස්දෙනාත් ඔවුන් රැගෙන ගිය ගුවන් නියමුවාත් එතැනම මියගොස් සිටියහ.
</p>
<p>
මේ අනතුර සිදුවූයේ හිමාලයේ පූජනීය ස්ථාන වෙත වන්දනාකරුවන් ප්‍රවාහනය කරන ගුවන් සේවාවල ආරක්ෂාව පිළිබඳ යළිත් ප්‍රශ්න මතු කරමිනි.
</p>
<p>
<span style="color:#dc2626">අවසන් ගුවන් ගමන</span>
ට්‍රාන්ස් භාරත් ගුවන් සේවා සමාගමට අයත් VT-HCX ලියාපදිංචි අංකය සහිත හෙලිකොප්ටරය අද දහවල් 1.14ට පමණ බද්‍රිනාත් සිට ගුවන්ගත විය. එහි ගමනාන්තය වූයේ උත්තරාකන්ද් ප්‍රාන්තයේ අගනුවර වන දේහරාදූන්හි සහස්ත්‍රධාරා හෙලිකොප්ටර් ගොඩබෑමේ ස්ථානයය.
</p>
<p>
යානය ජෝෂිමාත් නිම්නය හරහා ගමන් කරමින් තිබිනි. එක් වරම යානය සමඟ පැවති සන්නිවේදනය බිඳ වැටුණේය. යානයේ පිහිටීම හඳුනාගැනීමේ සංඥා ද අහිමි විය.
</p>
<p>
පස්වරු 2.20 පමණ වනවිට ජෝෂිමාත් ආසන්නයේ චායි ගම්මානයට ඉහළින් පිහිටි කඳු බෑවුමකට හෙලිකොප්ටරයක් කඩා වැටී ඇති බව වාර්තා විය.
</p>
<p>
ඉන්දීය හමුදාව, පොලිසිය සහ ආපදා ප්‍රතිචාර බලකාය එම ස්ථානයට ළඟා වූහ. අධික වර්ෂාව සහ දුර්වල දෘශ්‍යතාව සෝදිසි මෙහෙයුම්වලට බාධා කළේය. අවසානයේ යානයේ සිටි හයදෙනාම මියගොස් ඇති බව තහවුරු විය. ඔවුන්ගේ සිරුරු අනතුරු ස්ථානයෙන් සොයාගනු ලැබිණි
</p>
<p>
<span style="color:#dc2626">ආපසු නොපැමිණි මිතුරන් පස්දෙනා</span>
</p>
<p>
මියගිය වන්දනාකරුවන් පස්දෙනාම කර්නාටක ප්‍රාන්තයේ බෙංගලූරු නගරය ආශ්‍රිතව ජීවත් වූවෝ වූහ. ඔවුන් අතර බෙංගලූරු පොලිසියේ මධ්‍යම අපරාධ අංශයේ පොලිස් පරීක්ෂකවරයකු වූ 44 හැවිරිදි අරුන් සලුන්කේ ද සිටියේය. අනෙක් සිව්දෙනා වූයේ එච්.එස්. නටරාජ්, ප්‍රතාපා නිංගරාජන්, කේ සුදීර් සහ නීතිඥවරයකු වූ වී.බී. ශංකර්ගෞඩාය.
</p>
<p>
යානයේ ගුවන් නියමුවා වූයේ දිල්ලියේ පදිංචි 48 හැවිරිදි කපිතාන් හිමාන්ෂු සභර්වාල්ය.
</p>
<p>
<span style="color:#dc2626">ඔවුන් ගිය හිමාලයේ පූජනීය භූමිය</span>
</p>
<p>
මෙම වන්දනා ගමනේ වැදගත්කම තේරුම් ගැනීමට උත්තරාකන්ද් ප්‍රාන්තයේ පිහිටි හින්දු ආගමික සිද්ධස්ථාන පිළිබඳ දැනගත යුතුය.
</p>
<p>
ඉන්දියාවේ උතුරු කෙළවරේ හිමාල කඳු අතර පිහිටි උත්තරාකන්ද් ප්‍රාන්තය හින්දු බැතිමතුන් සලකන්නේ දෙවියන්ගේ භූමියක් ලෙසය. එහි පිහිටි යාමුනෝත්‍රි, ගංගෝත්‍රි, කේදාර්නාත් සහ බද්‍රිනාත් යන පූජනීය ස්ථාන හතර වන්දනා කිරීම චාර් ධාම් වන්දනාව ලෙස හැඳින්වේ.
</p>
<p>
යාමුනෝත්‍රි යමුනා ගංගාවටත් ගංගෝත්‍රි ගංගා ගංගාවටත් සම්බන්ධ පූජනීය ස්ථානයන්ය. කේදාර්නාත් ශිව දෙවියන් වෙනුවෙන් ද බද්‍රිනාත් විෂ්ණු දෙවියන් වෙනුවෙන් ද කැප වූ දේවාලයන්ය.
</p>
<p>
මේ සිද්ධස්ථාන හතරම උස් කඳුකරයේ පිහිටා තිබේ. ශීත ඍතුවේ අධික හිම පතනය නිසා වසරේ මාස හයක් පමණ ඒවා වසා තැබේ. බැතිමතුන් බහුලව පැමිණෙන්නේ අප්‍රේල් හෝ මැයි සිට ඔක්තෝබර් හෝ නොවැම්බර් දක්වා කාලයේය.
</p>
<p>
<span style="color:#dc2626">කේදාර්නාත් සහ බද්‍රිනාත් වෙත යන දුෂ්කර මාර්ගය</span>
</p>
<p>
කේදාර්නාත් දේවාලය මුහුදු මට්ටමේ සිට මීටර් 3,580ක් පමණ උසින් පිහිටා ඇත. එය ශිව දෙවියන්ගේ පූජනීය ජ්‍යෝතිර්ලිංග සිද්ධස්ථාන දොළහෙන් එකකි.
</p>
<p>
<figure style="margin:1.5rem 0;text-align:center"><img src="https://scontent.fcmb2-2.fna.fbcdn.net/v/t39.30808-6/861806562_1562728239206603_912583511855323148_n.jpg?stp=dst-jpg_tt6&cstp=mx750x477&ctp=s750x477&_nc_cat=104&_nc_map=urlgen_bucketless&ccb=1-7&_nc_sid=127cfc&_nc_ohc=iDEJ4dgXQ8cQ7kNvwGZZTuc&_nc_oc=AdpOa8QnKfxkpDG2Etpi47n6wU04_hX7TAdNUdq-44UNCTRh6W6xc1kE9BfaFJJEx0E&_nc_zt=23&_nc_ht=scontent.fcmb2-2.fna&_nc_gid=xT3IujwRuGH9FMk703JXGg&_nc_ss=7a2a8&oh=00_AQTKHQlzVPaMhwaVP5640IFfSESrj905k_8i9D469lKl8g&oe=6AEAAAFD" alt="" style="max-width:100%;border-radius:6px" /><figcaption style="font-size:0.85em;color:#6b7280;margin-top:0.4rem"></figcaption></figure>
එහි යන බැතිමතුන්ට ගෞරිකුන්ඩ් දක්වා වාහනවලින් ගමන් කළ හැකිය. එතැන් සිට දේවාලය වෙත කිලෝමීටර් 16ක් පමණ කඳු නැගිය යුතුය. පයින් යෑමට අපහසු බැතිමතුන් අශ්වයන් හෝ හෙලිකොප්ටර් සේවා භාවිත කරති.
</p>
<p>
බද්‍රිනාත් පිහිටා ඇත්තේ චමෝලි දිස්ත්‍රික්කයේ අලක්නන්දා ගංගාව අසලය. මුහුදු මට්ටමේ සිට එහි උස මීටර් 3,133ක් පමණ වේ. විෂ්ණු දෙවියන් වන්දනා කරන මෙම දේවාලය ඉන්දියාවේ අතිශය වැදගත් හින්දු සිද්ධස්ථානයකි.
</p>
<p>
කේදාර්නාත් මෙන් නොව බද්‍රිනාත් දක්වාම වාහනවලින් ගමන් කළ හැකිය. දේහරාදූන් සිට රිෂිකේෂ්, රුද්‍රප්‍රයාග් සහ ජෝෂිමාත් හරහා දිවෙන කඳුකර මාර්ගය එහි ප්‍රධාන පිවිසුමකි.
</p>
<p>
එහෙත් එය පහසු ගමනක් නොවේ. පටු මාර්ග, ගැඹුරු ප්‍රපාත, නායයෑම් සහ හදිසියේ වෙනස් වන කාලගුණය ගමන දුෂ්කර කරයි. හෙලිකොප්ටර් සේවා ජනප්‍රිය වී ඇත්තේ මෙම දිගු ගමන කෙටි කරගත හැකි නිසාය.
</p>
<p>
අනතුරට පත් මිතුරන් පස්දෙනා බද්‍රිනාත් සහ කේදාර්නාත් වන්දනා කර ආපසු පැමිණෙමින් සිටියදි මේ අනතුරට ලක් වූහ.
</p>
<p>
<span style="color:#dc2626">කාලගුණ අනතුරු ඇඟවීම මැද ගුවන්ගත වූයේ ඇයි?</span>
<figure style="margin:1.5rem 0;text-align:center"><img src="https://scontent.fcmb2-2.fna.fbcdn.net/v/t39.30808-6/864951645_1562723169207110_3604754626289037758_n.jpg?stp=dst-jpg_tt6&cstp=mx690x388&ctp=s590x590&_nc_cat=103&_nc_map=urlgen_bucketless&ccb=1-7&_nc_sid=127cfc&_nc_ohc=Bx0zlFGPxaIQ7kNvwH3vI81&_nc_oc=AdqjGx3odUHzu8A_6616FZF5285Y7aZiWAMmlrKU4CW52Ck6wGxafkawsFM2sRwHbEI&_nc_zt=23&_nc_ht=scontent.fcmb2-2.fna&_nc_gid=0pUvCeyQwFHr3kxNGBWQlg&_nc_ss=7a2a8&oh=00_AQQ8Q_mbYEU_PJf7uBO0ZyrXavvUGOOTkcQERFDHhr05cA&oe=6AEA8B0A" alt="" style="max-width:100%;border-radius:6px" /><figcaption style="font-size:0.85em;color:#6b7280;margin-top:0.4rem"></figcaption></figure>
අනතුර සිදුවූ අද (30) දිනයේ චමෝලි දිස්ත්‍රික්කයට ඉන්දීය කාලගුණ විද්‍යා දෙපාර්තමේන්තුව තැඹිලි පැහැති අනතුරු ඇඟවීමක් නිකුත් කර තිබිණි.
</p>
<p>
ගිගුරුම් සහිත වැසි, හිම කැට සහ පැයට කිලෝමීටර් 40–50 දක්වා වේගවත් සුළං ඇති විය හැකි බව එහි සඳහන් විය. බද්‍රිනාත් හා ජෝෂිමාත් අතර ප්‍රදේශයේ වැසි සහ හිම පතනය ද අපේක්ෂා කෙරිණි.
</p>
<p>
හිමාලයේ මෙවැනි කාලගුණික වෙනස්කම් හෙලිකොප්ටර් ගමන් සඳහා බරපතළ අවදානමකි. කඳු අතර සුළං දිශාව හදිසියේ වෙනස් විය හැකිය. වලාකුළු නිසා කඳු බෑවුම් නොපෙනී යා හැකිය. උන්නතාංශය වැඩි වනවිට වාතයේ ඝනත්වය අඩුවීම ද යානයේ ක්‍රියාකාරිත්වයට බලපායි.
</p>
<p>
කෙසේ වෙතත් මෙම අනතුරට නිශ්චිතව බලපෑ හේතුව තවම තහවුරු වී නැත.
</p>
<p>
අනතුරෙන් පසුව උත්තරාකන්ද් සිවිල් ගුවන් සේවා සංවර්ධන අධිකාරිය ට්‍රාන්ස් භාරත් සමාගමේ සියලු හෙලිකොප්ටර් ගමන් තාවකාලිකව නතර කළේය.
</p>
<p>
<span style="color:#dc2626">මරණ හයකින් මතුවන ප්‍රශ්නය
</span>
</p>
<p>
හිමාලයේ පූජනීය ස්ථාන කරා යන ගමන දුෂ්කරය. එහෙත් එම දුෂ්කරතාව අඩු කිරීමට යොදාගන්නා ගුවන් සේවාවක් මගීන්ගේ ජීවිතවලට අලුත් අවදානමක් නොවිය යුතු බවට වූ කථිකාවක් දැන් ඉන්දියාවේ ඇති වී තිබේ.
</p>
<p>
බද්‍රිනාත් සිට දේහරාදූන් දක්වා ගොඩබිමින් ගමන් කිරීමේ හැකියාව තිබිණි. හෙලිකොප්ටරය තෝරාගැනීම වන්දනාකරුවන්ගේ ප්‍රවාහන තීරණයකි. එම ගමන ආරක්ෂිතව සිදුකිරීම ගුවන් සේවාවේ වගකීමය.
</p>
<p>
එබැවින් ඉන්දිය සමාජ විශ්ලේෂකයන් අවධාරණය කරන්නේ මේ අනතුරේදී සොයා බැලිය යුත්තේ යානය කඩා වැටුණේ කෙසේද යන්න පමණක් නොවන බවය. කාලගුණ අනතුරු ඇඟවීමක් පැවති දිනයක එය ගුවන්ගත කිරීමට ආරක්ෂිත තත්ත්වයක් තිබූ බව තීරණය කළේ කෙසේද යන්න විමර්ශනයේ ප්‍රධානම කොටසක් විය යුතු බව ඔවුහු පෙන්වා දෙති.
</p>
<p>
එම ප්‍රශ්නයට පිළිතුර ලැබිය යුත්තේ විධිමත් ගුවන් අනතුරු විමර්ශනයකිනි. එය මියගිය හයදෙනා වෙනුවෙන් මෙන්ම හෙට දිනයේ හිමාලයේ වන්දනා ගමන් අරඹන දහස් සංඛ්‍යාත බැතිමතුන් වෙනුවෙන් ද ඉටුවිය යුතු වගකීමක් බව විචාරකයෝ පෙන්වා දෙති.