හෙද නිලධාරීන් 2,819කට පත්වීම්... 76කට උසස්වීම්! - ඉදිරි වසර දෙක තුළ හෙද සේවයට 13,000ක්

සෞඛ්‍ය සහ ජනමාධ්‍ය අමාත්‍යාංශය යටතේ පවතින හෙද විදුහල්වල තුන් අවුරුදු උසස් ඩිප්ලෝමා පාඨමාලාව හැදෑරූ 2023 ශිෂ්‍ය හෙද කණ්ඩායමේ අභ්‍යාසලාභීන් 2,819 දෙනෙකු තුන්වන ශ්‍රේණියේ හෙද නිලධාරීන් ලෙස මෙරට සෞඛ්‍ය සේවයට බඳවා ගැනීමේ පත්වීම් ලිපි ප්‍රදානය ජනාධිපති අනුර කුමාර දිසානායකගේ ප්‍රධානත්වයෙන් අද (01) පෙරවරුවේ අරලියගහ මන්දිරයේදී සිදු විය. 

</p>

<p>

2019 සහ 2020 වර්ෂවල අ.පො.ස. උසස් පෙළ විද්‍යා සහ ගණිත විෂය ධාරාවන්ගෙන් පෙනී සිට, 2023 වර්ෂයේදී දිවයින පුරා පිහිටි හෙද විදුහල් 16ට ඇතුළත්ව වසර තුනක උසස් ඩිප්ලෝමා පාඨමාලාව සාර්ථකව නිම කළ හෙද නිලධාරීන් 2,819 දෙනෙකු මෙලෙස පත්වීම් ලැබූහ.

</p>

<p>

<figure style="margin:1.5rem 0;text-align:center"><img src="https://scontent.fcmb2-2.fna.fbcdn.net/v/t39.99422-6/871182522_1438118337767137_5689785534699447634_n.png?stp=dst-jpg_tt6&cstp=mx2048x1440&ctp=s2048x1440&_nc_cat=104&_nc_map=urlgen_bucketless&ccb=1-7&_nc_sid=f727a1&_nc_ohc=ruQDBVioomMQ7kNvwHxKBDj&_nc_oc=Adrg9_0niUbmQPeKZVSdJCcB_YgPBh_8mm5X30rdONoiQiJXI4NRdPr4ahm9nTy-QCw&_nc_zt=14&_nc_ht=scontent.fcmb2-2.fna&_nc_gid=r8O_rILm0JQ0YuyAfrNiCQ&_nc_ss=7a2a8&oh=00_AQTltM3T0JDsmERTp6NbTxj6UzlZNx3-rxSstktueFAr8Q&oe=6AECE630" alt="" style="max-width:100%;border-radius:6px" /><figcaption style="font-size:0.85em;color:#6b7280;margin-top:0.4rem"></figcaption></figure>

මෙලෙස පත්වීම් ලබන හෙද නිලධාරීන් දිවයින පුරා පිහිටි මධ්‍යම රජයේ සහ පළාත් සභා යටතේ පාලනය වන රෝහල් සහ සෞඛ්‍ය ආයතන වෙත අනුයුක්ත කිරීමට නියමිතය.

</p>

<p>

මෙම පත්වීම් ලිපි ප්‍රදානයට සමගාමීව රෝහල් සේවයේ නිරත පළමු ශ්‍රේණියේ හෙද නිලධාරීන් (රෝහල් සේවා) 76 දෙනෙකු විශේෂ ශ්‍රේණියේ හෙද නිලධාරීන් (රෝහල් සේවා) ලෙස උසස් කිරීමට අදාළ උසස්වීම් ලිපි ප්‍රදානය කිරීම ද ජනාධිපතිවරයාගේ ප්‍රධානත්වයෙන් සිදු කෙරිණි. 

</p>

<p>

මෙහිදී අදහස් දැක්වූ සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස පෙන්වා දුන්නේ දිවයින පුරා රෝහල් පද්ධතියේ පවතින කාර්ය මණ්ඩල හිඟය මඟහරවා ගනිමින් ජනතාවට වඩාත් ගුණාත්මක සෞඛ්‍ය සේවාවක් ලබාදීම වෙනුවෙන් පුරප්පාඩු පියවීමේ කටයුතු කඩිනම් කර ඇති බවය.

</p>

<p>

<figure style="margin:1.5rem 0;text-align:center"><img src="https://scontent.fcmb2-2.fna.fbcdn.net/v/t39.99422-6/884187714_4983573205195598_7481538492436043667_n.png?stp=dst-jpg_tt6&cstp=mx2048x1327&ctp=s2048x1327&_nc_cat=105&_nc_map=urlgen_bucketless&ccb=1-7&_nc_sid=f727a1&_nc_ohc=Y9pS8hb2OhsQ7kNvwEiaPOi&_nc_oc=AdofmdBhUrhAjWHFE_sOpBDPeLpC2kipFrAzsVKPmEc4xjiluGOgafPtBAYDdJhvQ6A&_nc_zt=14&_nc_ht=scontent.fcmb2-2.fna&_nc_gid=igViBhnpAWpe0GzS0xHzBA&_nc_ss=7a2a8&oh=00_AQTzQMeXGdrbNUrVBMfIOAX-9toUJ3zNwRZT8maWI2VT2Q&oe=6AED0750" alt="" style="max-width:100%;border-radius:6px" /><figcaption style="font-size:0.85em;color:#6b7280;margin-top:0.4rem"></figcaption></figure>

2017 වසරෙන් පසුව හෙද සේවයේ පුරප්පාඩු පියවීම සඳහා අමාත්‍යාංශය මේ වන විට විශේෂ අවධානයක් යොමු කර ඇති බව අමාත්‍යවරයා මෙහිදී පෙන්වා දුන්නේය. ඉදිරි දස වසර (2025-2035) සඳහා වූ සෞඛ්‍ය ප්‍රතිපත්තියට සහ උපායමාර්ගික සැලසුම්වලට අනුව, විද්‍යානුකූල දත්ත පදනම් කර ගනිමින් අවශ්‍ය කාර්ය මණ්ඩලය පුරෝකථනය කර ඇති බවත්, ඒ අනුව 2027-2029 වසර තුන සඳහා හෙද සේවයට 13,000ක මානව සම්පතක් බඳවා ගැනීමේ කටයුතු මුදල් අමාත්‍යාංශයේ කළමනාකරණ සේවා දෙපාර්තමේන්තුවේ අනුමැතිය යටතේ සූදානම් කර ඇති බවත් අමාත්‍යවරයා පැවසීය.

</p>

<p>

සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණි, සෞඛ්‍ය සහ ජනමාධ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ සහ අමාත්‍යාංශයේ අතිරේක ලේකම්වරුන්, නියෝජ්‍ය අධ්‍යක්ෂ ජනරාල්වරුන් ඇතුළු පිරිසක් මෙම අවස්ථාවට එක්ව සිටියහ.