නඩු කටයුතු විසඳීමෙන් බන්ධනාගාර රැඳවියන් සංඛ්‍යාව 2000ක් අඩු වෙයි...

පසුගිය මාස කිහිපය තුළ බන්ධනාගාර ගත කර සිටි රැඳවියන්ගේ සංඛ්‍යාව 2,000කින් පමණ පහළ ගොස් ඇති බව බන්ධනාගාර දෙපාර්තමේන්තුව පවසයි.

</p>

<p>

ඇතැම් සැකකරුවන්ගේ අධිකරණ පරීක්ෂණ වාර්තා ලබාදීම කඩිනම් කිරීම හේතුවෙන් බන්ධනාගාරවල පවතින අධික තදබදය මේ වන විට ක්‍රමයෙන් අඩුවෙමින් පවතින බව එම දෙපාර්තමේන්තුව සඳහන් කරයි.

</p>

<p>

මීට මාස කිහිපයකට පෙර දිවයින පුරා පිහිටි සියලුම බන්ධනාගාරවල රැඳවියන් 40,000ක් පමණ රඳවා සිටි අතර, බන්ධනාගාර දෙපාර්තමේන්තුවේ වාර්තාවලට අනුව මේ වන විට එම සංඛ්‍යාව 38,000 දක්වා අඩුවී තිබේ.

</p>

<p>

කෙසේ වෙතත්, මෙරට බන්ධනාගාර පද්ධතිය තුළ නිල වශයෙන් රඳවා තැබිය හැකි උපරිම රැඳවියන් සංඛ්‍යාව 11,000ත් 13,200ත් අතර ප්‍රමාණයක් බවද බන්ධනාගාර දෙපාර්තමේන්තුව වැඩිදුරටත් පෙන්වා දෙයි.