ගුරු-විදුහල්පති වර්ජනය: සැබෑ විවේචනය – 2027 අයවැය, වැටුප් විෂමතා සහ අධ්යාපන පද්ධතියේ බරපතළ අර්බුදය !
අවසානයේ එය සදාචාරය පිළිබඳ විලි ලජ්ජා නැති තැනකට කොටුවේ. කිසිම වෘත්තීය සමිති ව්යාපාරයක් ඒ මට්මට වැටිය යුතු නැත. මක්නිසාද යත් රටක ඉදිරිය සඳහා වූ සමාජ සාධාරණ ගමනකට හරවත් වෘත්තීය සමිති ව්යාපාරයක් අවශ්ය වන බැවිනි.
LSN Sri Lanka ·

එළඹෙන නොවැම්බර් 30 වන දින දිවයින පුරා ගුරුවරුන් සහ විදුහල්පතිවරුන් අසනීප නිවාඩු වාර්තා කරමින් සමස්ත පාසල් පද්ධතියම වසා දැමීමේ දැවැන්ත වෘත්තීය ක්රියාමාර්ගයකට අවතීර්ණ වීමට තීරණය කර තිබේ. ඒකාබද්ධ ගුරු විදුහල්පති වෘත්තීය සමිති එකමුතුව සඳහන් කරන්නේ 2027 අයවැය මගින් සිය දීර්ඝකාලීන වැටුප් විෂමතා සහ සේවා ගැටලුවලට නිසි විසඳුමක් ලබා දීමට රජය අපොහොසත් වීමට විරෝධය පළ කරමින් මෙම පියවර ගන්නා බවය.
</p>
<p>
ඊට පෙරාතුව නොවැම්බර් 23 වන දින කළු ඇඳුමින් සැරසී සේවයට වාර්තා කරමින් විරෝධතාවක් දියත් කිරීමට ද ඔවුන් සැලසුම් කර ඇත. දෙසැම්බර් 01 වන දින පැවැත්වීමට නියමිත අයවැය විවාදයට පෙර රජයට බලපෑම් කිරීම මෙහි ප්රධාන අරමුණ වී තිබේ.
</p>
<p>
මෙම වෘත්තීය ක්රියාමාර්ගය සම්බන්ධයෙන් වෘත්තීය සමිති ඉදිරිපත් කරන තර්කය බැලූ බැල්මට සරල වුවත්, ඊට යටින් දිවෙන සැබෑ විවේචනය ඊට වඩා බෙහෙවින් ගැඹුරු සහ සංකීර්ණ එකකි. එය හුදෙක් වැටුප් වැඩිවීමක් පිළිබඳ ප්රශ්නයකට එහා ගිය, රටේ අධ්යාපන පද්ධතියේ ව්යුහාත්මක අර්බුදය, රාජ්ය මූල්ය සීමාවන්, දේශපාලන ප්රමුඛතා සහ සිසු දරුවන්ගේ අධ්යාපන අයිතියට සිදුවන බරපතළ හානිය පිළිබඳ විමර්ශනාත්මක කියවීමක් ඉල්ලා සිටී.
</p>
<p>
<span style="color:#dc2626">ඉල්ලීම්වල පසුබිම, ඓතිහාසික බර සහ වෘත්තීය සමිති චෝදනා
</span>
</p>
<p>
වෘත්තීය සමිති ඉදිරිපත් කරන ප්රධාන ඉල්ලීම් අතර සුබෝධිනී කමිටු නිර්දේශ අනුව පොරොන්දු වූ වැටුප් වැඩිවීමේ ඉතිරි තුනෙන් දෙක (2/3) ක්ෂණිකව ගෙවීම, වැටුප් විෂමතාව සම්පූර්ණයෙන් විසඳෙන තෙක් රුපියල් 25,000 ක අතුරු දීමනාවක් ලබා දීම, සියලුම විදුහල්පති ශ්රේණි සඳහා විදුහල්පති දීමනාව ලබා දීම, දුෂ්කර සහ අති දුෂ්කර සේවා දීමනා ඉහළ නැංවීම, දළ දේශීය නිෂ්පාදිතයෙන් (GDP) සියයට 6ක් අධ්යාපනයට වෙන් කිරීම සහ පාසල් පෝෂණ වැඩසටහන පුළුල් කිරීම ප්රමුඛ වේ. ඊට අමතරව ගුරුවරුන් මත පටවා ඇති අමතර පරිපාලන බර ඉවත් කරන ලෙස ද ඔවුහු බල කරති.
</p>
<p>
වෘත්තීය සමිති නායකයින් මෙහිදී රජයේ අයවැය ප්රමුඛතා දැඩි ලෙස ප්රශ්න කරයි. ඔවුන් පෙන්වා දෙන්නේ පොලිස් දෙපාර්තමේන්තුවේ දීමනා රුපියල් 10,000කින් ඉහළ නැංවීමටත්, නව පොලිස් නිලධාරීන් 24,000ක් බඳවා ගැනීමටත් අයවැයෙන් ප්රතිපාදන වෙන් කර ඇති පසුබිමක, පාසල් පද්ධතියේ පවතින දැඩි පුරප්පාඩු පිරවීමට හෝ ගුරු-විදුහල්පති ගැටලු විසඳීමට රජය අසමත් වී ඇති බවය. තමන් විසින් අයවැය වෙනුවෙන් ඉදිරිපත් කළ විශේෂ යෝජනාවලිය සම්පූර්ණයෙන්ම නොසලකා හැර ඇති බවට ද ඔවුහු චෝදනා කරති.
</p>
<p>
මෙම වැටුප් විෂමතාව අද ඊයේ ඇති වූවක් නොවේ. ගුරු සේවයෙන් විදුහල්පති සේවයට යාම “උසස්වීමක්” (ප්රවර්ධනයක්) ලෙස නොව “නව පත්වීමක්” ලෙස සැලකීම නිසා මෙම අසාධාරණ වැටුප් පරතරය නිර්මාණය වී තිබේ. ශ්රේණි I ගුරුවරයෙකු විදුහල්පති සේවයේ ශ්රේණි III වෙත පත් වන විට වැටුප් වර්ධකවල පවතින වෙනස නිසා කාලයත් සමඟ මෙම පරතරය තවත් උග්ර වේ. 2014 සේවා ව්යවස්ථාව සහ ඊට අදාළ චක්රලේඛ මගින් මෙම ගැටලුව තවත් තීව්ර විය. 2026 ජුනි මාසයේදී විදුහල්පතිවරුන්ගේ ආරම්භක වැටුප උසස්වීමක් ලෙස ගණනය කිරීමට අනුමැතිය ලබා දී චක්රලේඛයක් නිකුත් කර තිබුණද, වෘත්තීය සමිති පවසන්නේ එය සමස්ත ගැටලුවට ප්රමාණවත් විසඳුමක් නොවන බවයි.
</p>
<p>
<span style="color:#dc2626">රජයේ ස්ථාවරය, සංඛ්යාලේඛන සහ මූල්ය යථාර්ථය</span>
</p>
<p>
කෙසේ වෙතත්, වෘත්තීය සමිතිවල මෙම චෝදනාවලට රජය පාර්ශ්වයෙන් ඉදිරිපත් වන්නේ සංඛ්යාලේඛනාත්මක සහ මූල්යමය යථාර්ථය පදනම් කරගත් පිළිතුරකි. සමස්ත රාජ්ය සේවක වැටුප් සංශෝධන ක්රියාවලියේ තුන්වන සහ අවසන් අදියර 2027 ජනවාරි 01 වන දා සිට ක්රියාත්මක කිරීම සඳහා 2027 අයවැයෙන් රුපියල් බිලියන 110ක දැවැන්ත මුදලක් වෙන් කර ඇත.
</p>
<p>
2024 වසර අවසානයේ පැවති වැටුප් හා සැසඳීමේදී 2027 ජනවාරි වන විට ගුරු හා විදුහල්පති සේවයේ වැටුප් කැපී පෙනෙන ලෙස ඉහළ යන බව රජයේ දත්ත පෙන්වා දෙයි:
</p>
<p>
<span style="color:#1d4ed8">ගුරු සේවයේ 3 වන පන්තියේ II ශ්රේණිය:</span>රු. 31,490 සිට රු. 53,060 දක්වා (රු. 21,570 කින් හෙවත් 68.50% ක වැඩිවීමක්)</p>
<p>.
<span style="color:#1d4ed8">ගුරු සේවයේ 3 වන පන්තියේ I ශ්රේණිය:</span> රු. 34,160 සිට රු. 57,860 දක්වා (රු. 23,700 කින් හෙවත් 69.38% ක වැඩිවීමක්).</p>
<p>
<span style="color:#1d4ed8">ගුරු සේවයේ 2 වන පන්තියේ II ශ්රේණිය:</span> රු. 39,175 සිට රු. 66,880 දක්වා (රු. 27,705 කින් හෙවත් 70.72% ක වැඩිවීමක්).</p>
<p>
<span style="color:#1d4ed8">ගුරු සේවයේ 2 වන පන්තියේ I ශ්රේණිය:</span> රු. 47,425 සිට රු. 81,780 දක්වා (රු. 34,355 කින් හෙවත් 72.44% ක වැඩිවීමක්).</p>
<p>
<span style="color:#1d4ed8">ගුරු සේවයේ 1 වන පන්තිය:</span> රු. 56,770 සිට රු. 98,580 දක්වා (රු. 41,810 ක වැඩිවීමක්).</p>
<p>
<span style="color:#1d4ed8">විදුහල්පති සේවයේ III ශ්රේණිය:</span> රු. 42,175 සිට රු. 72,280 දක්වා (රු. 30,105 ක වැඩිවීමක්).</p>
<p>
<span style="color:#1d4ed8">විදුහල්පති සේවයේ II ශ්රේණිය:</span> රු. 48,685 සිට රු. 86,370 දක්වා (රු. 37,685 ක වැඩිවීමක්).</p>
<p>
</p>
<p>
මීට අමතරව ගුරු උපදේශකවරුන්ගේ වැටුප් වැඩි කිරීමට සහ ඔවුන්ගේ දීමනා රුපියල් 10,500 සිට 20,000 දක්වා ඉහළ නැංවීමට ද මෙවර අයවැයෙන් ප්රතිපාදන වෙන් කර තිබේ.
</p>
<p>
කම්කරු නියෝජ්ය අමාත්ය මහින්ද ජයසිංහ පෙන්වා දෙන්නේ පසුගිය වසර දෙක තුළ අවස්ථා තුනකදී රාජ්ය සේවක වැටුප් ඉහළ නැංවූ බවත්, 2027 ජනවාරි මාසයේදී එහි මීළඟ අදියර ලැබීමට නියමිතව තිබියදී මෙවැනි වර්ජනයකට යාම සම්පූර්ණයෙන්ම අසාධාරණ බවත්ය. රටේ මුළු ප්රාග්ධන වියදම රුපියල් බිලියන 2,000ක් වන විට, රාජ්ය සේවක වැටුප් සහ විශ්රාම වැටුප් සඳහා පමණක් රුපියල් බිලියන 2,160ක් (කෝටි දෙලක්ෂ තිස්තුන්දහසක්) වැය වන බව ඔහු අවධාරණය කරයි.
</p>
<p>
එනම් රටේ සංවර්ධනයට වෙන් කරන මුළු ප්රාග්ධන වියදමටත් වඩා වැඩි මුදලක් රාජ්ය සේවක වැටුප් ගෙවීමට වැය වේ. තවද, අග්රාමාත්ය හා අධ්යාපන අමාත්ය ආචාර්ය හරිනි අමරසූරිය සඳහන් කර ඇති පරිදි වැටුප් විෂමතා පිළිබඳ විශේෂ කොමිෂන් සභා වාර්තාව 2027 ජූලි මාසයේදී ලැබීමට නියමිතය.
</p>
<p>
<span style="color:#dc2626">සැබෑ විවේචනය: සිසුන්, ගුරු හිඟය සහ පද්ධතිමය අර්බුදය</span>
</p>
<p>
මෙම වර්ජනය දෙස විමර්ශනාත්මකව බලන විට මතුවන ප්රධානතම විවේචනය වන්නේ එමගින් අහිංසක පාසල් සිසුන්ගේ අධ්යාපනයට සිදු කරන බරපතළ හානියය. විශේෂයෙන්ම පාසල් පද්ධතිය තුළ රජයේ විභාග පැවැත්වෙන තීරණාත්මක කාලසීමාවකදී පාසල් වසා දැමීමට තැත් කිරීම පිළිබඳව සමාජය තුළ දැඩි විවේචනයක් පවතී. "පාසල් වැහෙන එකේ වගකීම ආණ්ඩුව ගත යුතුයි" යනුවෙන් වෘත්තීය සමිති පැවසුවද, දරුවන්ගේ අධ්යාපන අයිතිය කේවල් කිරීමේ අවියක් බවට පත් කර ගැනීම කිසිසේත්ම සාධාරණීකරණය කළ නොහැකි බවට සමාජ මතයක් ගොඩනැගෙමින් ඇත.
</p>
<p>
දැනටමත් රට තුළ 40,000 සිට 50,000 දක්වා වූ දැවැන්ත ගුරු හිඟයක් පවතින බව වෘත්තීය සමිතිම පිළිගනී. නැගෙනහිර, උතුරු මැද, ඌව සහ උතුරු පළාත්වල මෙම තත්ත්වය අතිශයින් උග්රය. නව ගුරුවරුන් 23,000ක් බඳවා ගැනීමට සූදානම් වුවද එය ප්රමාණවත් නොවන පසුබිමක, අසනීප නිවාඩු වාර්තා කරමින් පාසල් අකර්මණ්ය කිරීම පවතින අර්බුදය තවත් දෙගුණ තෙගුණ කරයි. මෙමගින් සාමාන්ය පෙළ (O/L) සහ උසස් පෙළ (A/L) සිසුන් දැඩි අසරණභාවයට පත් වන අතර, දෙමාපියන්ට පෞද්ගලික උපකාරක පන්ති වෙනුවෙන් අධික මුදලක් වැය කිරීමට සිදු වේ. මෙය මෙරට නිදහස් අධ්යාපනයේ මූලික හරය සහ සමානාත්මතාවය බිඳ දැමීමකි.
</p>
<p>
දෙවනුව, රටේ ආර්ථික සහ මූල්ය යථාර්ථය නොසලකා හැරීමේ අවදානමය. ශ්රී ලංකාව තවමත් ජාත්යන්තර මූල්ය අරමුදලේ (IMF) වැඩසටහනක සීමාවන්ට යටත්ව ආර්ථිකය ස්ථාවර කර ගැනීමට උත්සාහ කරන මොහොතක, සුබෝධිනී නිර්දේශ සම්පූර්ණයෙන් ක්රියාත්මක කිරීමට අවශ්ය රුපියල් බිලියන 70ක් වැනි අතිරේක මුදලක් වෙන් කිරීම ප්රායෝගික නොවේ. එවැනි මුදලක් සොයා ගැනීමට නම් රජයට නැවතත් සාමාන්ය ජනතාව මත බදු බර පැටවීමට හෝ රටේ අනෙකුත් අත්යවශ්ය සංවර්ධන වියදම් කප්පාදු කිරීමට සිදු වේ. එමෙන්ම එක් අංශයකට පමණක් විශේෂ දීමනා ලබා දීමෙන් සමස්ත රාජ්ය සේවය තුළම නව වැටුප් විෂමතා රැල්ලක් නිර්මාණය වීමේ අවදානමක් ද පවතී.
</p>
<p>
තෙවනුව, වෘත්තීය සමිති ක්රියාමාර්ගවල පවතින ඒකාකාරී සහ පටු ස්වභාවය ය. දශක ගණනාවක් තිස්සේ මෙරට ගුරු-විදුහල්පති වර්ජන ක්රියාත්මක වුවද, අධ්යාපනයේ ගුණාත්මකභාවය ඉහළ නැංවීම, යල්පැනගිය විෂයමාලා යාවත්කාලීන කිරීම, ග්රාමීය පාසල්වල යටිතල පහසුකම් දියුණු කිරීම වැනි මූලික ව්යුහාත්මක ප්රතිසංස්කරණ වෙනුවෙන් වෘත්තීය සමිතිවලින් ලැබෙන දායකත්වය අවම මට්ටමක පවතී. ඒ වෙනුවට ඔවුන්ගේ සියලු සටන් පාඨ කෙටි කාලීන මූල්යමය ඉල්ලීම් මත පමණක් කේන්ද්රගත වී තිබේ.
</p>
<p>
<span style="color:#dc2626">සාමූහික වගකීම සහ ඉදිරි මග
</span>
</p>
<p>
ගුරුවරුන් සහ විදුහල්පතිවරුන් මුහුණ දෙන ජීවන වියදම් පීඩනය සහ දුෂ්කර ප්රදේශවල සේවය කිරීමේ දුෂ්කරතා කිසිවෙකුටත් බැහැර කළ නොහැකි සත්යයකි. ඔවුන්ගේ වැටුප් විෂමතාවයට ස්ථිරසාර විසඳුමක් ලැබිය යුතුය. ප්රශ්නය ඇත්තේ 2027 ජනවාරි මාසයේදී සැලකිය යුතු වැටුප් වැඩිවීමක් ලැබීමට නියමිතව තිබියදී සහ 2027 ජූලි මාසයේදී වැටුප් කොමිෂන් සභා වාර්තාව ලැබීමට නියමිත පසුබිමක, නොවැම්බර් 30 වන දින පාසල් පද්ධතිය අකර්මණ්ය කිරීමේ පිළිගත නොහැකි හැසිරීම ගැනය.
</p>
<p>
මෙම අර්බුදය විසඳා ගත හැක්කේ වීදි බැසීමෙන් හෝ පාසල් වසා දැමීමෙන් නොව, රජය සහ වෘත්තීය සමිති අතර ඇති කරගන්නා විවෘත හා වගකීම්සහගත සංවාදයකින් පමණි. වැටුප් විෂමතා විසඳීම සඳහා පැහැදිලි කාලරාමුවක් සකස් කිරීමට රජය කටයුතු කළ යුතු අතර, පොදු වැඩකරන ජනතාවගේ බදු මුදලින් වැටුප් ලබන රාජ්ය සේවකයින් ලෙස තම හෘද සාක්ෂියට අනුව සිසු දරුවන්ගේ අනාගතය ආරක්ෂා කිරීමට ගුරු-විදුහල්පති ප්රජාව ද බැඳී සිටීති. සිසුන්ගේ අධ්යාපන අයිතිය වැටුප් විවාදයකට බිලි දීමට කිසිවෙකුටත් අයිතියක් නැත.
</p>
<p>
අවසානයේ එය සදාචාරය පිළිබඳ විලි ලජ්ජා නැති තැනකට කොටුවේ. කිසිම වෘත්තීය සමිති ව්යාපාරයක් ඒ මට්මට වැටිය යුතු නැත. මක්නිසාද යත් රටක ඉදිරිය සඳහා වූ සමාජ සාධාරණ ගමනකට හරවත් වෘත්තීය සමිති ව්යාපාරයක් අවශ්ය වන බැවිනි.