පොලිස්පතිවරයා අධිකරණයට අපහාස කර ඇති බවට තීරණය කර ඔහුට නඩු දාන්න හැදු ගම්පහ මහේස්ත්‍රාත් බන්දුල ගුණරත්නට ස්ථාන මාරුවක්...

පොලිස්පතිවරයා අධිකරණයට අපහාස කර ඇති බවට තීරණය කර ඔහුට එරෙහිව නීතිමය පියවර ගන්නා ලෙස අභියාචනාධිකරණ සභාපති විනිසුරුවරයාගෙන් ඉල්ලීමක් කළ ගම්පහ මහේස්ත්‍රාත් බන්දුල ගුණරත්න වහාම ක්‍රියාත්මක වන පරිදි ශ්‍රී ලංකා විනිසුරු ආයතනය (Sri Lanka Judges’ Institute) වෙත ස්ථාන මාරු කර ඇත.

</p>

<p>

අධිකරණ සේවා කොමිෂන් සභාවේ ලේකම් ප්‍රසන්න අල්විස් විසින් මෙම ස්ථාන මාරුව සිදුකරමින් අදාළ ලිපිය නිකුත් කර තිබේ. මෙම තීරණය අද (2026 නොවැම්බර් 06) ප්‍රකාශයට පත්විය.

</p>

<p>

<span style="color:#dc2626">පසුබිම</span>

</p>

<p>

ගම්පහ මහේස්ත්‍රාත්වරයා මීට පෙර අවස්ථාවක (2026 ඔක්තෝබර් 21) අධිකරණය දුන් නියෝග ඉටු නොකිරීමෙන් පොලිස්පති ප්‍රියන්ත වීරසූරිය අධිකරණය හෑල්ලුවට ලක්කර ඇති බවත්, උසාවිය ඇන්දවීමට උත්සාහ කරන බවක් පෙනෙන බවත් තීරණය කළේය. ඒ අනුව අධිකරණයට අපහාස කිරීමේ චෝදනා යටතේ පොලිස්පතිවරයාට එරෙහිව නඩු පැවරීම සඳහා අදාළ ලිපිගොනුව අභියාචනාධිකරණ සභාපති විනිසුරුවරයා වෙත යොමු කරන ලෙස අධිකරණ රෙජිස්ට්‍රාර්වරියට නියෝග කර තිබිණි.

</p>

<p>

මෙම නියෝගයේ මූලාරම්භය වූයේ ගම්පහ, දෙවලපොළ, මාකන්දන පදිංචි චාමර චතුරංග මාරසිංහ නමැත්තාට එරෙහිව ගම්පහ දූෂණ මර්දන අංශයේ පොලිස් නිලධාරීන් විසින් මත්ද්‍රව්‍ය ළඟ තබාගැනීමේ චෝදනා මත අසත්‍ය තොරතුරු මත පැවරූ නඩු දෙකක් (අංක 1743 සහ 1744) සම්බන්ධයෙනි. මහේස්ත්‍රාත්වරයා එම නඩු නිස්සාරණ බවට තීරණය කර රුපියල් 200,000ක වන්දියක් නියම කර තිබූ අතර, අහිංසක රටවැසියන්ට එරෙහිව නිස්සාරණ නඩු නොපවරන ලෙස දිවයිනේ සියලුම පොලිස් නිලධාරීන් ආවරණය වන චක්‍රලේඛයක් නිකුත් කරන ලෙස පොලිස්පතිවරයාට නියෝග කර තිබිණි. මාස පහකට ආසන්න කාලයක් ලබාදුන්නද එම නියෝගය සම්පූර්ණයෙන් ක්‍රියාත්මක නොවූ බව මහේස්ත්‍රාත්වරයා සඳහන් කර තිබේ.

</p>

<p>

<span style="color:#dc2626"> පොලිස්පතිගේ පැමිණිල්ල සහ පසු පියවර </span>

</p>

<p>

මේ සම්බන්ධයෙන් පොලිස්පතිවරයා විසින් ගම්පහ මහේස්ත්‍රාත්වරයාට එරෙහිව අධිකරණ සේවා කොමිෂන් සභාවට පැමිණිල්ලක් ඉදිරිපත් කර තිබිණි. එම පැමිණිල්ල සම්බන්ධයෙන් නිරීක්ෂණ ඉදිරිපත් කරන ලෙස කොමිෂන් සභාව මහේස්ත්‍රාත්වරයාට දැනුම්දුන් අතර, ඔහු එම නිරීක්ෂණ ඉදිරිපත් කිරීමෙන් අනතුරුව මෙම වහාම ක්‍රියාත්මක වන ස්ථාන මාරුව සිදුකර ඇත.

</p>

<p>

ශ්‍රී ලංකා විනිසුරු ආයතනය 1985 අංක 46 දරන පනත මගින් පිහිටුවා ඇති අතර, එය විනිසුරුවරුන් සහ අධිකරණ නිලධාරීන්ගේ වෘත්තීය පුහුණුව සහ අධ්‍යාපනය සඳහා ක්‍රියාත්මක වේ. මෙම ස්ථාන මාරුව සම්බන්ධයෙන් තවදුරටත් නිල පැහැදිලි කිරීමක් ලැබී නොමැත.

</p>

<p>

මෙම සිද්ධිය අධිකරණ ස්වාධීනත්වය, පොලිස් දෙපාර්තමේන්තුවේ නියෝග ක්‍රියාත්මක කිරීම සහ අධිකරණ සේවා කොමිෂන් සභාවේ බලතල පිළිබඳව නීති ක්ෂේත්‍රයේ සහ මහජන මට්ටමින් දැඩි අවධානයට ලක්ව ඇත.