ආනන්ද පාලිත අත් අඩංගුවට...
2015 වසරේ සිට 2019 වසර දක්වා කාලසීමාව තුළ ලංකා ඛනිජ තෙල් නීතිගත සංස්ථාවේ සේවක අතිකාල දීමනා ගෙවීම්වලදී සිදුව ඇති බව කියන රුපියල් 3,111,000ක පමණ මූල්ය වංචාවක් සම්බන්ධයෙන් මෙම විමර්ශනය ආරම්භ කර තිබේ. පොලිස්පතිවරයා වෙත ලැබුණු පැමිණිල්ලක් මත පදනම්ව මධ්යම අපරාධ විමර්ශන කාර්යාංශය විසින් මේ පිළිබඳව පුළුල් පරීක්ෂණයක් ආරම්භ කර ඇත.
LSN Sri Lanka ·

ලංකා ඛනිජ තෙල් නීතිගත සංස්ථාවේ (CPC) අතිකාල දීමනා ගෙවීම් සම්බන්ධයෙන් සිදුව ඇති බව කියන මූල්ය අක්රමිකතා විමර්ශනයට අදාළව, සමගි ඒකාබද්ධ වෘත්තීය සමිති සන්ධානයේ කැඳවුම්කරු සහ සමගි ජන බලවේගයේ කෘත්යාධිකාරී මණ්ඩල සභික ආනන්ද පාලිත මධ්යම අපරාධ විමර්ශන කාර්යාංශය (CCIB) විසින් අද (නොවැම්බර් 16) පස්වරුවේ අත්අඩංගුවට ගනු ලැබීය.
</p>
<p>
2015 වසරේ සිට 2019 වසර දක්වා කාලසීමාව තුළ ලංකා ඛනිජ තෙල් නීතිගත සංස්ථාවේ සේවක අතිකාල දීමනා ගෙවීම්වලදී සිදුව ඇති බව කියන රුපියල් 3,111,000ක පමණ මූල්ය වංචාවක් සම්බන්ධයෙන් මෙම විමර්ශනය ආරම්භ කර තිබේ. පොලිස්පතිවරයා වෙත ලැබුණු පැමිණිල්ලක් මත පදනම්ව මධ්යම අපරාධ විමර්ශන කාර්යාංශය විසින් මේ පිළිබඳව පුළුල් පරීක්ෂණයක් ආරම්භ කර ඇත.
</p>
<p>
ආනන්ද පාලිත අද දින ප්රකාශයක් ලබාදීම සඳහා මධ්යම අපරාධ විමර්ශන කාර්යාංශය හමුවේ පෙනී සිට ඇති අතර, එහිදී විමර්ශන නිලධාරීන් විසින් ඔහුගෙන් පැය හතකට අධික කාලයක් ප්රශ්න කර ප්රකාශ සටහන් කරගෙන තිබේ. ඉන් අනතුරුව ඔහු සැකපිට අත්අඩංගුවට ගෙන ඇති අතර, හෙට (නොවැම්බර් 17) දින අධිකරණය වෙත ඉදිරිපත් කිරීමට නියමිතය.
</p>
<p>
ආනන්ද පාලිත ඛනිජ තෙල් අංශයේ ප්රකට වෘත්තීය සමිති ක්රියාකාරීවරයෙකු වන අතර, සමගි ජන බලවේගයට අනුබද්ධ වෘත්තීය සමිති නායකයෙකු ලෙසද කටයුතු කරයි. 2015–2019 කාලසීමාව තුළ ඔහු ලංකා ඛනිජ තෙල් නීතිගත සංස්ථාවේ ක්රියාකාරී වෘත්තීය සමිති නායකයෙකු ලෙස කටයුතු කළේය.
</p>
<p>
මෙම අත්අඩංගුවට ගැනීම සම්බන්ධයෙන් වැඩිදුර තොරතුරු හෝ ඉදිරි නීතිමය ක්රියාමාර්ග පිළිබඳ විස්තර මෙතෙක් ප්රසිද්ධ කර නොමැති අතර, සිද්ධිය සම්බන්ධයෙන් වැඩිදුර විමර්ශන ක්රියාත්මක බව පොලිසිය පවසයි.