ක්රිෂ් ගනුදෙනුව: ජානකී සිරිවර්ධන තවදුරටත් රිමාන්ඩ් !
ක්රිෂ් ගනුදෙනුවට සම්බන්ධ නඩුකරය අද කොළඹ මහේස්ත්රාත් අධිකරණය හමුවේ කැඳවනු ලැබූ අතර, රිමාන්ඩ් භාරයේ සිටින පාර්ලිමේන්තු මන්ත්රී නාමල් රාජපක්ෂ ද උදෑසන අධිකරණයට රැගෙන එනු ලැබීය.
LSN Sri Lanka ·

ක්රිෂ් (Krrish) ගනුදෙනුව සම්බන්ධයෙන් අල්ලස් හෝ දූෂණ චෝදනා විමර්ශන කොමිසම සිදුකරන විමර්ශනවල ප්රගතිය දෙසැම්බර් 1 වනදා අධිකරණයට ඉදිරිපත් කරන ලෙස කොළඹ ප්රධාන මහේස්ත්රාත් අසංග එස්. බෝදරගම අද (නොවැම්බර් 20) නියෝග කළේය.
</p>
<p>
මෙම නඩුවට අදාළ සැකකාරියකවන ක්රිෂ් සමාගමේ හිටපු අධ්යක්ෂවරියක වූ ජානකී සිරිවර්ධන තවදුරටත් දෙසැම්බර් 1 වනදා දක්වා රිමාන්ඩ් භාරයේ තබන ලෙසද මහේස්ත්රාත්වරයා නියෝග කළේය.
</p>
<p>
ඒ අනුව, සැකකාර නාමල් රාජපක්ෂ දෙසැම්බර් 1 වනදා අධිකරණයට ඉදිරිපත් කරන ලෙසද නියෝග කෙරිණි.
</p>
<p>
ක්රිෂ් ගනුදෙනුවට සම්බන්ධ නඩුකරය අද කොළඹ මහේස්ත්රාත් අධිකරණය හමුවේ කැඳවනු ලැබූ අතර, රිමාන්ඩ් භාරයේ සිටින පාර්ලිමේන්තු මන්ත්රී නාමල් රාජපක්ෂ ද උදෑසන අධිකරණයට රැගෙන එනු ලැබීය.
</p>
<p>
<span style="color:#dc2626">නඩුවේ පසුබිම</span>
</p>
<p>
මෙම විමර්ශනය සම්බන්ධ වන්නේ කොළඹ කොටුවේ ට්රාන්ස්වර්ක්ස් චතුරස්රයේ (Transworks Square) නාගරික සංවර්ධන අධිකාරියට අයත් ඉඩමක් ඉන්දියානු ක්රිෂ් ට්රාන්ස්වර්ක්ස් කොළඹ (ප්රයිවට්) ලිමිටඩ් සමාගමට ලබාදීමේදී සහ අවශ්ය අනුමැතීන් කඩිනමින් ලබාදීමට සහාය වීම වෙනුවෙන් රුපියල් මිලියන 70ක අල්ලසක් ලබාගත් බවට එල්ල වන චෝදනාවයි.
</p>
<p>
අල්ලස් කොමිසමට අනුව, මෙම මුදල අවස්ථා තුනකදී ලබාදී ඇති බවට චෝදනා එල්ල වේ. ක්රිෂ් සමාගමේ හිටපු අධ්යක්ෂවරියක වන ජානකී සිරිවර්ධන සැප්තැම්බර් 24 වනදා අත්අඩංගුවට ගෙන රිමාන්ඩ් කරනු ලැබීය. නාමල් රාජපක්ෂද මෙම විමර්ශනයට අදාළව සැකකරුවෙකු ලෙස නම් කර ඇත.
</p>
<p>
නොවැම්බර් 3 වනදා කොළඹ ප්රධාන මහේස්ත්රාත්වරයා නාමල් රාජපක්ෂට ඇප ලබාදුන්නේය . කෙසේ වෙතත්, අල්ලස් කොමිසම එම නියෝගයට එරෙහිව මහාධිකරණයේ ගොනු කළ ප්රතිශෝධන පෙත්සම මත ඊයේ (නොවැම්බර් 19) කොළඹ මහාධිකරණය එම ඇප නියෝගය තාවකාලිකව අත්හිටුවීය.
</p>
<p>
මේ වන විට නාමල් රාජපක්ෂ එයාර්බස් ගනුදෙනුව සම්බන්ධ වෙනත් නඩුවකට අදාළව දෙසැම්බර් 2 වනදා දක්වා රිමාන්ඩ් භාරයේ පසුවේ. එමෙන්ම ඇප නියෝගය අවලංගු කර ඇති බැවින් ඔහු ක්රිෂ් ගනුදෙනුවට අදාලව ද බන්ධනාගාරගතව සිටී. මේ නඩු දෙකටම අදාල රිමාන්ඩ් භාරයේ පසුවන බැවින්, ඔහුව බන්ධනාගාර නිලධාරීන් මගින් අධිකරණයට ඉදිරිපත් කිරීම සිදුව ඇත.
</p>
<p>
<span style="color:#dc2626">විමර්ශනයේ ප්රගතිය</span>
</p>
<p>
අල්ලස් කොමිසම විසින් මෙම විමර්ශනයට අදාළව ප්රාදේශීය ලේකම්වරයා, හිටපු ඉඩම් කොමසාරිස්වරයා ඇතුළු පිරිසකගෙන් ප්රකාශ සටහන් කරගෙන ඇති බවත්, අත්අකුරු පරීක්ෂණ සඳහා ලේඛන රජයේ රස පරීක්ෂක වෙත යොමු කර ඇති බවත් මීට පෙර අධිකරණයට දැනුම් දී තිබේ. ඉන්දියානු බලධාරීන් විසින් මෙම ව්යාපෘතියට අනීතික අරමුදල් භාවිත කළ බවට තොරතුරු ලබාදී ඇති බවද කොමිසම අධිකරණයට දැනුම් දී තිබේ.
</p>
<p>
දෙසැම්බර් 1 වනදා විමර්ශන ප්රගති වාර්තාව ඉදිරිපත් කිරීමත් සමඟ මෙම නඩුවේ ඊළඟ පියවර පැහැදිලි වනු ඇත.