‘ගෝඨා ගෝ ගම’ ප්‍රහාරය: සාක්ෂි මදි නිසා මහින්ද අතහැර 31 කට විරුද්ධව අධිචෝදනා ගොනු කිරීමට නීතිපති සැරසෙයි!

‘අරගල’ සමයේ ගාලු මුවදොර ‘ගෝඨා ගෝ ගම’ විරෝධතා භූමියට 2022 මැයි මාසයේදී එල්ල වූ ප්‍රහාරය සම්බන්ධයෙන් හිටපු ජනාධිපති මහින්ද රාජපක්ෂට එරෙහිව අධිචෝදනා ගොනු නොකිරීමට නීතිපතිවරයා තීරණය කර ඇතැයි සන්ඩේ ටයිම්ස් වාර්තා කර තිබේ.

</p>

<p>

මෙම ප්‍රහාරය සිදුවන අවස්ථාවේදී ඔහු කටයුතු කළේ සිය සොහොයුරු ගෝඨාභය රාජපක්ෂගේ රජයේ අග්‍රාමාත්‍යවරයා ලෙසයි. විරෝධතාකරුවන් රැසකට බරපතල තුවාල සිදු කළ මෙම ප්‍රහාරයට මහින්ද රාජපක්ෂ සම්බන්ධ බවට විමර්ශකයන් ඉදිරිපත් කළ සාක්ෂි ප්‍රමාණවත් නොවන බව නිගමනය වීම හේතුවෙන් ඔහුට එරෙහිව චෝදනා නොනැගීමට තීරණය කර ඇත.

</p>

<p>

එකල අග්‍රාමාත්‍යවරයාට එරෙහිව චෝදනා ගොනු නොකළද, ඇසින් දුටු සාක්ෂි, සිද්ධියට අදාළ පරිවේශනීය සාක්ෂි මෙන්ම ස්ථානීය වීඩියෝ දර්ශන පිළිබඳ සිදු කළ විශේෂඥ විශ්ලේෂණයන් පදනම් කරගනිමින් වෙනත් සැකකරුවන් 34 දෙනෙකුට එරෙහිව චෝදනා පත්‍ර ගොනු කිරීමට නිර්දේශ කර තිබේ. චෝදනා ලැබූවන් අතර සිටි හිටපු රාජ්‍ය අමාත්‍ය සනත් නිශාන්ත, දේශපාලන ක්‍රියාකාරික ඩෑන් ප්‍රියසාද් සහ හිටපු වෘත්තීය සමිති නායිකා වසන්තා හඳපාන්ගොඩ යන තිදෙනා මේ වන විට මියගොස් ඇත.

</p>

<p>

ඊට අදාළව ඉතිරි සැකකරුවන් 31 දෙනාට එරෙහිව කොළඹ මහාධිකරණය හමුවේ එකම අධිචෝදනා පත්‍රයක් ගොනු කිරීමට නියමිතය. නීතිවිරෝධී රැස්වීමක සාමාජිකයන් වීම, මිනීමැරීමට තැත් කිරීම සහ බරපතල තුවාල සිදු කිරීම ඇතුළු චෝදනා 327 ක් යටතේ ඔවුන්ට එරෙහිව අධිචෝදනා ගොනු කෙරෙනු ඇත. මෙම නඩුව විභාග කිරීම සඳහා ත්‍රිපුද්ගල මහාධිකරණ විනිසුරු මඬුල්ලක් (Trial-at-Bar) පත්කරන ලෙස නීතිපති පාරින්ද රණසිංහ අග්‍රවිනිශ්චයකාර ප්‍රීති පද්මන් සුරසේනගෙන් ඉල්ලීමක් කර ඇති බව ද සන්ඩේ ටයිම්ස් පුවත්පත වාර්තා කරයි.

</p>

<p>

මෙසේ අධිචෝදනා ලැබීමට නියමිත අනෙකුත් සැකකරුවන් අතර හිටපු අමාත්‍ය ජොන්ස්ටන් ප්‍රනාන්දු, හිටපු පොලිස්පති දේශබන්ධු තෙන්නකෝන්, මොරටුව හිටපු නගරාධිපති සමන් ලාල් ප්‍රනාන්දු, හිටපු පාර්ලිමේන්තු මන්ත්‍රී මිලාන් ජයතිලක, දෙහිවල-ගල්කිස්ස මහා නගර සභාවේ හිටපු විපක්ෂ නායක අමල් පුෂ්පකුමාර ද සිල්වා, කොළඹ මහා නගර සභාවේ හිටපු විපක්ෂ නායක අජන්ත ලියනගේ, හිටපු නගර සභා මන්ත්‍රී මහින්ද කහඳගම සහ ‘අරාබි වසන්ත’ ලෙස හැඳින්වෙන අසංක නාලක විජේසිංහ යන අය වෙති.