ඉදිරි මාස තුනට ඉන්ධන සහන සඳහා රුපියල් බිලියන 41ක යෝජනාව හෙට කැබිනට් මණ්ඩලයට!

ඉදිරි මාස තුන සඳහා ඉන්ධන සහනාධාරයක් ලබාදීමට තීරණය කර ඇති බව ජනාධිපති අනුර කුමාර දිසානායක මහතා පැවසීය.

</p>

<p>

ජනාධිපතිවරයා මේ බව සඳහන් කළේ අද (27) ගම්පහ පැවති ජන රැළියට එක්වෙමිනි.

</p>

<p>

ඒ සඳහාවන කැබිනට් පත්‍රිකාව හෙට (28) අමාත්‍ය මණ්ඩලයට ඉදිරිපත් කරන බව ඔහු ප්‍රකාශ කළේය.

</p>

<p>

එම පැකේජය සඳහා රුපියල් කෝටි 4,100ක් (රුපියල් බිලියන 41ක්) වෙන් කර ඇති බව ජනාධිපතිවරයා කීවේය. ඒ අනුව මෙම ඉන්ධන සහනාධාරය ඔක්තෝබර්, නොවැම්බර් සහ දෙසැම්බර් යන මාස තුන සඳහා ලැබෙනු ඇත.

</p>

<p>

ලෝක වෙළෙඳපොළේ තෙල් මිල ඉහළ යාම හේතුවෙන් ඔක්තෝබර් මාසයේ සිට දේශීය ඉන්ධන මිල සංශෝධනය කිරීමට සිදුවන බව මීට පෙර ජනාධිපතිවරයා පෙන්වා දී තිබුණි. එහෙත් එම මිල වැඩිවීමේ සම්පූර්ණ බර ජනතාව මත පැටවීම වෙනුවට රජය සහනයක් ලබාදීමට අපේක්ෂා කරන බව ද ඔහු සඳහන් කර තිබිණි.

</p>

<p>

මැදපෙරදිග අර්බුදය හේතුවෙන් මේ වසරේ අප්‍රේල් සිට ජූලි දක්වා රජය ඩීසල් ලීටරයකට රුපියල් 100ක් සහ පෙට්‍රල් ලීටරයකට රුපියල් 20ක් දක්වා සහනයක් ලබා දුන්නේය. එම වැඩසටහනට මාසිකව ආසන්න වශයෙන් රුපියල් බිලියන 20ක් වැය විය.

</p>

<p>

දැනට පවතින තාවකාලික සහන ක්‍රමය සැප්තැම්බර් අවසානය වන විට අවසන් වීමට නියමිතව තිබූ අතර, නැවතත් ගෝලීය මිල ඉහළ යාමත් සමග ජනතාවට බර අඩු කිරීම සඳහා නව සහන යෝජනාවක් සලකා බලන බව රජය කීවේය.

</p>

<p>

ජනාධිපතිවරයාගේ අද ප්‍රකාශය අනුව, ඉදිරි මාස තුන සඳහා රුපියල් බිලියන 41ක වෙනම යෝජනාවක් හෙට අමාත්‍ය මණ්ඩලයට ඉදිරිපත් කෙරේ.

</p>

<p>

කැබිනට් අනුමැතියෙන් පසු සහනය ක්‍රියාත්මක කරන ආකාරය සහ ලීටරයකට ලබාදෙන මුදල පිළිබඳ විස්තර තවමත් නිල වශයෙන් නිකුත් වී නැත.