විපක්ෂය මවන යක්ෂයින් කිසිවෙක් මේ සංශෝධනයේ නෑ... නීතිය විනාශ නොකර දේශපාලනය කරන්න... අධිකරණ ඇමති විපක්ෂ නායකගෙන් ඉල්ලයි!

විපක්ෂය විසින් මවනු ලබන කිසිදු යක්ෂයෙකු මෙම අධිකරණ සංශෝධනය තුළ නොමැති බවත්, රටේ නීතිය විනාශ නොකර තමන්ගේ දේශපාලනය සිදුකරන ලෙසත් අධිකරණ සහ ජාතික ඒකාබද්ධතා අමාත්‍ය, නීතිඥ හර්ෂණ නානායක්කාර අද (18) පාර්ලිමේන්තුවේදී විපක්ෂ නායකවරයාගෙන් ඉල්ලා සිටියේය. ඒ, විපක්ෂ නායකවරයා විසින් යොමු කරන ලද දීර්ඝ ප්‍රශ්නාවලියකට පිළිතුරු ලබා දෙමිනි.

</p>

<p></p>

<p>

එහිදී වැඩිදුරටත් අදහස් දැක්වූ අමාත්‍යවරයා පැහැදිලි කළේ, නොයෙක් සංවිධාන විසින් තොරතුරු අඩුවෙන් ලබා දීමෙන් සහ කරුණු විකෘති කිරීමෙන් දේශීය මෙන්ම අන්තර්ජාතික මැදිහත්කරුවන් වෙත වැරදි චිත්‍රයක් මවා ඇති බවය. මෙම නොමග යැවීම හේතුවෙන් කළු පැහැති යකෙකු මෙම ව්‍යවස්ථා සංශෝධනය හරහා මවා ඇති බවද ඔහු පෙන්වා දුන්නේය.

</p>

<p></p>

<p>

<span style="font-size:1.3em"><span style="color:#dc2626">අධිකරණ පද්ධතියේ පවතින නඩු සංඛ්‍යාව</span></span></p>

<p></p>

<p>

2025 දෙසැම්බර් 31 වන විට අධිකරණ පද්ධතියේ පවතින නඩු සංඛ්‍යාව පිළිබඳ දත්ත ඉදිරිපත් කළ අමාත්‍යවරයා, අධිකරණ මට්ටමින් නඩු ගොඩගැසී ඇති ආකාරය මෙසේ පැහැදිලි කළේය:</p>

<p></p>

<p>

මහේස්ත්‍රාත් අධිකරණ: 753,093</p>

<p></p>

<p>

දිස්ත්‍රික් අධිකරණ: 263,462</p>

<p></p>

<p>

අපරාධ මහා අධිකරණ: 28,134</p>

<p></p>

<p>

සිවිල් අභියාචනා මහාධිකරණ: 6,763</p>

<p></p>

<p>

වාණිජ මහාධිකරණය: 4,302</p>

<p></p>

<p>

අභියාචනාධිකරණය: 5,038</p>

<p></p>

<p>

ශ්‍රේෂ්ඨාධිකරණය: 4,724</p>

<p></p>

<p>

සමස්ත එකතුව: 1,065,156</p>

<p></p>

<p>

<span style="font-size:1.3em"><span style="color:#dc2626">මහා නායක හිමිවරුන් වෙත සැබෑ තොරතුරු සඟවා ඇත</span></span></p>

<p></p>

<p>

ගෞරවනීය මහා නායක හිමිවරුන් විසින් ජනාධිපතිතුමන් වෙත යොමු කරන ලදැයි කියන ලිපියේ අන්තර්ගතය පැහැදිලි කිරීමට එම ලිපිය අධිකරණ අමාත්‍යාංශය වෙත ලැබී නොමැති බව ඇමතිවරයා පැවසීය. ඒ අනුව එම ලිපියේ අන්තර්ගතය පිළිබඳව මතයක් පළ කළ නොහැකි බව හෙතෙම සඳහන් කළේය.

</p>

<p></p>

<p>

කෙසේ වෙතත්, 2026 අගෝස්තු 03 වන දින තමන් සහ සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතා මහා නායක හිමිවරුන් බැහැදැකීමට ගිය බවත්, උන්වහන්සේලාගේ අදහස්වලින් පැහැදිලි වූයේ මෙම සංශෝධනයන් පිළිබඳව නිවැරදි තොරතුරු උන්වහන්සේලා වෙත ලැබී නොතිබූ බවත් අමාත්‍යවරයා කියා සිටියේය.

</p>

<p></p>

<p>

උන්වහන්සේලා සිතා සිටියේ මෙය ශ්‍රේෂ්ඨාධිකරණ විනිසුරුවරුන්ගේ වයස පමණක් ඉලක්ක කරගෙන සිදුකළ සංශෝධනයක් ලෙසය. මෙය සියලු විනිසුරුවරුන්ගේ වයස් වැඩි කිරීමක් නොවන බවට උන්වහන්සේලාට අවබෝධයක් තිබුණේ නැත. මෙය සමස්ත අධිකරණ ක්‍රියාවලියේම කොටසක් බව උන්වහන්සේලාට පැහැදිලි කළ බවත්, උන්වහන්සේලාටද වැරදි තොරතුරු ලබා දී ඇති බැවින් ඒ පිළිබඳව සොයා බැලීමට සිදුවන බවත් අමාත්‍යවරයා පැවසීය. සැබෑ තොරතුරු දැනුවත් කිරීමෙන් පසු උන්වහන්සේලා ප්‍රකාශ කළේ රටේ ජනතාවට සුදුසු අවශ්‍යතාවයක් ඉටුකරන ලෙසත්, ඊට විරෝධයක් නොමැති අතර ආශීර්වාද කරන බවත්ය.

</p>

<p></p>

<p>

<span style="font-size:1.3em"><span style="color:#dc2626">අන්තර්ජාතික සංවිධාන සහ ලිපි පිළිබඳ සත්‍යතාව</span></span></p>

<p></p>

<p>

එක්සත් ජාතීන්ගේ අධිකරණය පිළිබඳ විශේෂ නිලධාරියා විසින් එවන ලද ලිපියක් ලැබී ඇති බවත්, එහි අන්තර්ගත සමහර වාක්‍යයන්ට අනුව ඉහළ අධිකරණවල විනිසුරුවන්ගේ විශ්‍රාම වයස වැඩිකිරීම සම්බන්ධයෙන් වඩාත් නිවැරදි තොරතුරු පවතින්නේදැයි සැකයක් මතුවන බවත් අමාත්‍යවරයා කීය. විදේශ කටයුතු අමාත්‍යාංශය මගින් මෙම විශේෂ දූත නිලධාරියා වෙත අවශ්‍ය සියලුම කරුණු දැක්වීමට කටයුතු කරමින් සිටින බවද හෙතෙම සඳහන් කළේය.

</p>

<p></p>

<p>

එමෙන්ම පොදු රාජ්‍ය මණ්ඩලීය නීතිඥ සංගමය, ප්‍රංශයේ ජාතික නීතිඥ කවුන්සිලය හෝ ලෝ ඒෂියා (LAWASIA) සංවිධානය විසින් අධිකරණ අමාත්‍යාංශය වෙත එවැනි කිසිදු ලිපියක් යොමු කර නොමැති බවද අමාත්‍යවරයා අනාවරණය කළේය.

</p>

<p></p>

<p>

කෙසේ වෙතත්, නීතියේ අධිපත්‍යයට ගරු කරමින් රටේ ව්‍යවස්ථාවට යටත්ව සියලුම නිත්‍යානුකූල ක්‍රමවේදයන්ට අනුකූලව රටක නීතියක් සංශෝධනය කිරීම හෝ නව නීතියක් ගෙන ඒම එම රාජ්‍යයේ ස්වෛරී අයිතියක් බව ඇමතිවරයා අවධාරණය කළේය. එය ආණ්ඩුව පත් කළ ජනතාවගේ අභිලාෂය වන අතර, නීත්‍යානුකූලව මහජනතාව මෙහෙයවන රජයකට විපක්ෂයේ ප්‍රකාශයේ සඳහන් ආකාරයේ ද්විපාර්ශ්වික වෘත්තීය सहයෝගීතාවයන්ට කිසිදු අගතියක් සිදු නොවන බවද පැවසීය.

</p>

<p></p>

<p>

<span style="font-size:1.3em"><span style="color:#dc2626">ලබැඳියාවන් අතර ගැටුම සහ ව්‍යවස්ථානුකූල භාවය

</span></span>

</p>

<p></p>

<p>

පනතක ව්‍යවස්ථානුකූල භාවය නිර්ණය කිරීමට ව්‍යවස්ථාවේ 121 සිට 125 දක්වා වගන්තිවලින් බලය ලබා දී තිබෙන්නේ ශ්‍රේෂ්ඨාධිකරණයට බව අමාත්‍යවරයා පෙන්වා දුන්නේය. මෙය ශ්‍රේෂ්ඨාධිකරණයේ පුද්ගලික නඩු කටයුත්තක් නොවන බවත්, ලබැඳියාවන් අතර ගැටුම යන්න විනිශ්චිත නඩු තීන්දුවල උදාහරණ සහිතව පැහැදිලි කර ඇති බවත් ඔහු පැවසීය. සමස්ත අධිකරණයේම නැතිව යම් පුද්ගලයෙකු තෝරාගෙන සිදු කරන්නේ නම් පමණක් මෙම ගැටලුව ඇති විය හැකි බවත්, එය අවබෝධ කරගැනීමට ලබැඳියාවන් අතර ගැටුම යන නීතිමය සංකල්පය පිළිබඳ අවබෝධයක් තිබිය යුතු බවත් ඔහු සඳහන් කළේය.

</p>

<p></p>

<p>

ආණ්ඩුක්‍රම ව්‍යවස්ථාව පූජනීය ලියැවිල්ලක් සහ නීතියේ මුදුන්මල්කඩ වුවද, සමාජ හා මහජන අවශ්‍යතාවයන් මත පදනම්ව එය වෙනස් කළ හැකි බව අමාත්‍යවරයා කීය. එම සංශෝධන සිදු කළ යුත්තේ ව්‍යවස්ථාවට අනුකූලවය. මෙම සංශෝධනය ගෙන ඒමට 2016 වකවානුවේ සිටම දිගුකාලීන සාකච්ඡාවක් තිබූ බවත්, ඊට කැබිනට් අනුමැතිය හිමි වූ බවත් පැවසූ අමාත්‍යවරයා, මෙවැනි ප්‍රතිපත්තිමය තීන්දු ගත යුත්තේ කැබිනට් මණ්ඩලය බව පෙන්වා දුන්නේය.

</p>

<p></p>

<p>

මෙමගින් අධිකරණ පද්ධතිය කෙරෙහි ජනතා විශ්වාසය වැඩි වන අතර, කිසිදු හදිස්සියකින් තොරව ව්‍යවස්ථානුකූලව මෙය සිදුකර ඇත. නීතිමය සංශෝධනයකට ජනමත විචාරණයකට යා යුතුද යන්න තීරණය කරන්නේ ශ්‍රේෂ්ඨාධිකරණය බවත්, රජය බැඳී සිටින්නේ එම ශ්‍රේෂ්ඨාධිකරණ තීන්දුව මත ක්‍රියා කිරීමට බවත් ඔහු වැඩිදුරටත් පැවසීය.

</p>

<p></p>

<p>

<span style="font-size:1.3em"><span style="color:#dc2626">නව උසාවි පිහිටුවීම සහ කාර්ය මණ්ඩල බඳවාගැනීම්

</span></span>

</p>

<p></p>

<p>

මේ වන විට කොළඹ නව උසාවි 07ක් සහ කොළඹින් බැහැර උසාවි ගණනාවක් පිහිටුවා ඇති බවත්, එම උසාවි සඳහා නව විනිසුරුවන් බඳවා ගැනීම සිදුකරන බවත් අමාත්‍යවරයා පැවසීය.

</p>

<p></p>

<p>

අධිකරණ පද්ධතියේ කාර්ය මණ්ඩල ප්‍රගතිය මෙසේය:

</p>

<p></p>

<p>

අධිකරණ සේවා කොමිෂන් සභාව හරහා පමණක් පුරප්පාඩු 2,647ක් සඳහා බඳවා ගැනීම් සිදු කෙරේ.</p>

<p></p>

<p>

අධිකරණ අමාත්‍යාංශයෙන් තවත් 1,000 - 1,200ත් අතර පිරිසක් බඳවා ගනු ලබයි.</p>

<p></p>

<p>

මෙය මෑත ඉතිහාසයේ අධිකරණයට බඳවා ගන්නා වැඩිම සේවක සංඛ්‍යාවයි.</p>

<p></p>

<p>

මෙසේ සිදුකිරීමේ මූලික අරමුණ වන්නේ නඩු කල් යාමට ප්‍රධාන හේතුවක් වන කාර්ය මණ්ඩල හිඟය වළක්වා ගැනීමයි.</p>

<p></p>

<p>

<span style="font-size:1.3em"><span style="color:#dc2626">

රස පරීක්ෂක දෙපාර්තමේන්තුවේ සහ තාක්ෂණික මෙහෙයුම්</span></span>

</p>

<p></p>

<p>

රස පරීක්ෂක දෙපාර්තමේන්තුවට 70කට ආසන්න ප්‍රමාණයක් බඳවා ගත් අතර, ඊයේ දිනයේදීත් කොන්ත්‍රාත් පදනම මත 7 දෙනෙකු බඳවා ගන්නා ලදී. නව යන්ත්‍ර සූත්‍රද ගෙනැවිත් තිබේ. රස පරීක්ෂක වාර්තා ලබාදීම ඉක්මන් කළ යුතු අතර, මාසයකට වාර්තා 7,500ක් ලබාදීමේ ඉලක්කය 9,000 දක්වා ඉහළ නැංවීමට කටයුතු කරයි.

</p>

<p></p>

<p>

ඊට අමතරව, E-Court (ඊ-කෝට්) ව්‍යාපෘතිය ශ්‍රේෂ්ඨාධිකරණයේ සහ අභියාචනාධිකරණයේ ක්‍රියාත්මක කිරීමට කටයුතු කර ඇති අතර, ඉදිරියේදී එය පහළ උසාවිවලටද ව්‍යාප්ත කෙරේ. නීතිපති දෙපාර්තමේන්තුවද ශක්තිමත් කෙරෙන අතර, නව පනත් සහ සංශෝධන මගින් නඩු විභාග කිරීමේ කාර්යක්ෂමතාව ඉහළ යනු ඇත.

</p>

<p></p>

<p>

<span style="font-size:1.3em"><span style="color:#dc2626">නඩු ප්‍රමාදය නැවැත්වීම මහජන අභිලාෂයක්</span></span>

</p>

<p></p>

<p>

අමාත්‍යවරයා පැහැදිලි කළේ මෙම සියලු පියවරයන් නඩු කටයුතු ඉක්මන් කිරීම සඳහා සමස්ත අධිකරණ පද්ධතියේම සිදුකරන සංශෝධනයන් බවයි. අධිකරණ විනිසුරුවරුන්ගේ සේවා කාලය දීර්ඝ කිරීම යනු එම සමස්ත ක්‍රියාවලියේ එක් කොටසක් පමණි.

</p>

<p></p>

<p>

වත්මන් රජය බලයට පත් වූයේ නඩු කාර්යක්ෂමව අසා නිම කරගැනීම ඇතුළු මහජන අභිලාෂයන් සමගිනි. මෙම වැඩපිළිවෙල 2024 නොවැම්බර් මස සිට, එනම් ආණ්ඩුව ආරම්භ කළ දින සිටම නොකඩවා සිදුකරගෙන යනු ලබයි. එම නිසා විපක්ෂය මවන කිසිදු යක්ෂයෙකු මෙහි නොමැති බවත්, නීතිය විනාශ නොකර තමන්ගේ දේශපාලනය සිදුකරන ලෙසත් අධිකරණ අමාත්‍යවරයා නැවතත් ඉල්ලා සිටියේය.