දිට්වා සුළිකුණාටුවෙන් දුම්රිය ආදායම 65.9%කින් පහතට! මගී සංඛ්‍යාවත් මිලියන 5.7 දක්වා අඩුවේ!

දිට්වා සුළිකුණාටුවෙන් සිදු වූ දැඩි හානි හේතුවෙන් ශ්‍රී ලංකා දුම්රිය සේවයේ මාසික ආදායම රුපියල් මිලියන 400.8 දක්වා සියයට 65.9ක තියුණු පහත වැටීමක් සිදුව ඇති බව ශ්‍රී ලංකා දුම්රිය දෙපාර්තමේන්තුව සම්බන්ධයෙන් නිකුත් කර ඇති නවතම වාර්තාවක සඳහන් වේ.

</p>

<p>

මෙම ආපදා තත්ත්වය හමුවේ මාසිකව ප්‍රවාහනය කරන ලද දුම්රිය මගීන් සංඛ්‍යාව ද මිලියන 5.7 දක්වා සියයට 29.7කින් පහත වැටී ඇත.

</p>

<p>

දිට්වා සුළිකුණාටුවට පෙර ශ්‍රී ලංකා දුම්රිය සේවය විසින් දිනකට ගමන්වාර 330ක් ක්‍රියාත්මක කර ඇති අතර, මසකට මගීන් මිලියන 8.1ක පිරිසක් ප්‍රවාහනය කර තිබේ. එමගින් උපයා තිබූ මාසික ආදායම රුපියල් බිලියන 1.18කි.

</p>

<p>

එහෙත්, සුළිකුණාටුව හේතුවෙන් යටිතල පහසුකම්වලට සිදු වූ දැඩි හානි නිසා දෛනික දුම්රිය මෙහෙයුම් ගමන්වාර සංඛ්‍යාව 330 සිට 280 දක්වා සියයට 15කින් අඩු කිරීමට සිදු විය. පනවන ලද වේග සීමා සහ දුම්රිය ජාලයේ යම් කොටස් අර්ධ වශයෙන් වසා දැමීම හේතුවෙන් සංචාරක ව්‍යාපාරයට මෙන්ම වතු ආශ්‍රිත ජනතාවගේ අත්‍යවශ්‍ය ප්‍රවාහන කටයුතුවලට ද දැඩි බලපෑම් එල්ල වී ඇත.

</p>

<p>

දෛනික දුම්රිය ධාවනය සාමාන්‍ය පරිදි පවත්වාගෙන යාම සඳහා දුම්රිය එන්ජින් 60ක් සහ බලවේග කට්ටල 100ක් අවශ්‍ය වුවද, මේ වන විට භාවිත කළ හැකි මට්ටමේ පවතින එන්ජින් සහ බලවේග කට්ටල සංඛ්‍යාව ඊට වඩා සැලකිය යුතු ලෙස අඩු මට්ටමක පවතින බව ද එම වාර්තාව වැඩිදුරටත් පෙන්වා දෙයි.