මහනුවර ප්‍රථම රන්දෝලි පෙරහැර අද වීථි සංචාරය කරයි: රථවාහන තදබදය මඟහැරීමට පොලීසියෙන් විශේෂ සැලැස්මක්!

ඓතිහාසික මහනුවර ඇසළ පෙරහැර මංගල්‍යයේ ප්‍රථම රන්දෝලි පෙරහැර අද (23) පස්වරු 6.44 ට යෙදෙන සුබ මොහොතින් වීථි සංචාරය කිරීමට සියලු කටයුතු සූදානම් කර ඇත.

</p>

<p></p>

<p>

පෙරහැර මංගල්‍යය හේතුවෙන් මහනුවර නගරය තුළ ඇති විය හැකි රථවාහන තදබදය අවම කිරීම සඳහා ශ්‍රී ලංකා පොලීසිය විසින් විශේෂ රථවාහන සැලැස්මක් සහ විකල්ප මාර්ග හඳුන්වා දී තිබේ.

</p>

<p></p>

<p>

<span style="color:#dc2626"><span style="font-size:1.3em">පොලීසිය හඳුන්වා දුන් විකල්ප මාර්ග</span></span>

</p>

<p></p>

<p>

නගරය තුළට ඇතුළු නොවී ගමන් ගන්නා රියදුරන් සඳහා පොලීසිය විසින් ප්‍රධාන විකල්ප මාර්ග ද්විත්වයක් ප්‍රකාශයට පත් කර ඇත:

</p>

<p></p>

<p>

<span style="color:#dc2626">කටුගස්තොට සිට කොළඹ සහ නුවරඑළිය දෙසට (පේරාදෙණිය හරහා):</span> කටුගස්තොට පාලම අසලින් පිහිටි ගොහගොඩ මාර්ගය භාවිත කර පේරාදෙණිය වෙත ළඟා විය හැක.

</p>

<p></p>

<p>

<span style="color:#dc2626">කොළඹ සිට කුරුණෑගල, මාතලේ සහ මහියංගණය දෙසට:</span> පේරාදෙණිය - ගොහගොඩ මාර්ගය ඔස්සේ කටුගස්තොටට පැමිණ, එතැන් සිට කුරුණෑගල හෝ මාතලේ දෙසට ගමන් කළ හැක. මහියංගණය දෙසට යන වාහන සඳහා මඩවල මාර්ගය භාවිත කළ හැක.

</p>

<p></p>

<p>

<span style="font-size:1.3em"><span style="color:#6b7280">ආරක්ෂක සහ රථවාහන පාලන ක්‍රියාමාර්ග

</span></span>

</p>

<p></p>

<p>

<span style="color:#1d4ed8">නගර පිවිසුම් පරීක්ෂාව:</span> මහනුවර නගරයට ඇතුළු වන ප්‍රධාන ස්ථාන 14ක් ආවරණය වන පරිදි විශේෂ මාර්ග බාධක සහ පරීක්ෂණ කටයුතු ක්‍රියාත්මක කෙරේ.

</p>

<p></p>

<p>

<span style="color:#1d4ed8">විශේෂ රථගාල් සංකීර්ණ: </span>පෙරහැර නැරඹීමට පැමිණෙන ජනතාව සඳහා නගරය අවට විශේෂ රථගාල් 13ක් වෙන් කර ඇත. මෙයට සැහැල්ලු වාහන සඳහා රථගාල් 06ක් සහ බර වාහන සඳහා රථගාල් 07ක් ඇතුළත් වේ.

</p>

<p></p>

<p><span style="color:#1d4ed8">

</span>සජීවී තොරතුරු පද්ධතිය

</p>

<p></p>

<p>

මෙවර පෙරහැර සමයේ රථවාහන නැවැත්වීමේ ස්ථාන, පෙරහැර ගමන් ගන්නා මාර්ග සහ හදිසි ආධාරක ස්ථාන පිළිබඳව තත්කාලීන (Real-time) තොරතුරු ලබා ගැනීමට පොලීසිය විසින් නිල 'මහනුවර ඇසළ පෙරහැර තොරතුරු පද්ධතිය' වෙබ් අඩවිය හඳුන්වා දී ඇත. නගරය හරහා ගමන් ගන්නා සහ පෙරහැර නැරඹීමට පැමිණෙන සියලු දෙනා මේ පිළිබඳව අවධානය යොමු කර සහයෝගය දක්වන ලෙස පොලීසිය ඉල්ලා සිටියි.