සංවිධානාත්මක අපරාධ වැළැක්වීමේ පනත් කෙටුම්පත: පැය 72 රඳවා ගැනීමේ කාලය පැය 48 දක්වා අඩු කිරීමට සූදානම් – ජනපති කියයි!

සංවිධානාත්මක අපරාධ වැළැක්වීමේ පනත් කෙටුම්පත යටතේ යෝජනා කර ඇති පැය 72ක රඳවා ගැනීමේ කාලය පැය 48 දක්වා අඩු කිරීමට ඉඩ ඇති බව ජනාධිපති අනුර කුමාර දිසානායක පැවසීය. මානව හිමිකම් සංවිධාන විසින් මතු කරන ලද කනස්සල්ල සලකා බලමින්, අදාළ ආන්දෝලනාත්මක වගන්ති සංශෝධනය කිරීමට රජයේ ඇති සූදානම ඔහු මෙහිදී සංකේතවත් කළේය.

</p>

<p>

මත්ද්‍රව්‍ය හා අපරාධවලට එරෙහි ජාතික මෙහෙයුමේ පළමු සංවත්සරය සනිටුහන් කරමින් පැවැති වැඩසටහනකදී අදහස් දැක්වූ ජනාධිපතිවරයා කියා සිටියේ, යෝජිත නීතිය සම්බන්ධයෙන් කනස්සල්ල පළ කර ඇති සංවිධාන සමඟ සාකච්ඡා කිරීමට රජය සූදානමින් සිටින බවය.

</p>

<p>

සංවිධානාත්මක අපරාධ මර්දනය සඳහා ගෙන ඇති පියවරවල සක්‍රීය භාවය පවත්වා ගනිමින්ම මෙම ගැටලු විසඳීමේ උත්සාහයක් ලෙස, සැකකරුවන් පැය 72ක් දක්වා රඳවා තබා ගැනීමට බලධාරීන්ට ඉඩ සලසන වගන්තිය පැය 48 දක්වා අඩු කිරීමට තමන් විවෘතව සිටින බව ජනාධිපතිවරයා සඳහන් කළේය.

</p>

<p>

එසේම, සංවිධානාත්මක අපරාධ කල්ලි හඳුනා ගැනීමට භාවිත කරන සංකේත සහ සලකුණු සම්බන්ධයෙන්වන පනත් කෙටුම්පතේ කොටස් ද සමාලෝචනය කර සංශෝධනය කිරීමට රජය සූදානම් බව ඔහු පැවසීය. මානව හිමිකම් ක්‍රියාකාරීන්ගේ සහ සිවිල් සමාජ කණ්ඩායම්වල විවේචනයට ලක් වූ ටැටූ (කොටා ඇති පච්ච) සහ වෙනත් සලකුණු පිළිබඳ සඳහන් කිරීම් ද මෙයට ඇතුළත් වේ.

</p>

<p>

කෙසේ වෙතත්, යෝජිත සංශෝධන පැවතුණද, මත්ද්‍රව්‍ය සහ සංවිධානාත්මක අපරාධ ජාලයන්ගෙන් එල්ල වන වර්ධනය වන තර්ජනය රටට නොසලකා හැරිය නොහැකි බව ජනාධිපතිවරයා අවධාරණය කළේය. මත්ද්‍රව්‍ය උවදුර යනු අද ශ්‍රී ලංකාවේ ජනතාව මුහුණ දෙන වඩාත්ම පොදු තර්ජනය ලෙස හැඳින්වූ ඔහු, ප්‍රජාවන් ඉන් මුදවා ගැනීම සඳහා එක්සත්ව ක්‍රියාත්මකවන ජාතික ව්‍යාපාරයක අවශ්‍යතාව පෙන්වා දුන්නේය.