කිරි නිෂ්පාදන මිළ ඉහළ නැංවූ බවට පැතිරෙන පුවත අසත්‍යයක්: පාරිභෝගික කටයුතු අධිකාරියෙන් නිවේදනයක්!

පිටි කිරි, ප්‍රෝබයෝටික් කිරි බීම (Cultured milk drinks) සහ යෝගට් වැනි නිෂ්පාදනවල මිල ගණන් ඉහළ දමා ඇති බවට සමාජ මාධ්‍ය ජාල තුළ හුවමාරු වන පුවත සම්පූර්ණයෙන්ම අසත්‍ය සහ පදනම් විරහිත පුවතක් බව පාරිභෝගික කටයුතු අධිකාරිය (CAA) විසින් තහවුරු කරමින් එම පුවත ප්‍රතික්ෂේප කර සිටී.

</p>

<p></p>

<p>

සමාජ මාධ්‍ය ජාල ඔස්සේ "Breaking News" හෙවත් "විශේෂ පුවතක්" ලෙස සකස් කරමින් සංසරණය වන මෙම අසත්‍ය පෝස්ටුව මගින් දක්වා ඇත්තේ, කිලෝග්‍රෑම් එකක පිටි කිරි පැකට්ටුවක මිල රුපියල් 260 කින්ද, සකස් කළ කිරි පාන බෝතලයක මිල රුපියල් 40 කින්ද, යෝගට් එකක මිල රුපියල් 20 කින්ද ඉහළ දමා ඇති බවය.

</p>

<p></p>

<p>

නමුත් මෙලෙස පවසන මිල ඉහළ දැමීම් පිළිබඳ තොරතුරු සම්පූර්ණයෙන්ම සත්‍යයෙන් තොර බවත්, නිල හෝ විශ්වාසදායක මූලාශ්‍රවලින් තහවුරු කර ගැනීමකින් තොරව මෙවැනි අසත්‍ය තොරතුරු සහ ප්‍රකාශ සමාජ මාධ්‍ය ඔස්සේ හුවමාරු කර ගැනීමෙන් වළකින ලෙසත් පාරිභෝගික කටයුතු අධිකාරිය ජනතාවගෙන් දැඩි ලෙස ඉල්ලා සිටියි.

</p>

<p></p>

<p>

"යම් පුවතක් ඉදිරියෙන් 'Breaking News' ලෙස සටහන් කළ පමණින්ම එය සත්‍ය තොරතුරක් බවට පත් වන්නේ නැත" යනුවෙන් අවධාරණය කරන පාරිභෝගික කටයුතු අධිකාරිය, මෙවැනි අසත්‍ය හෝ තහවුරු නොකළ තොරතුරු ප්‍රචාරය වීම මගින් පාරිභෝගිකයන් අතර අනවශ්‍ය බියක්, සැකයක් මෙන්ම වෙළෙඳපොළ තුළ විශාල නොසන්සුන්තාවයක් සහ පටලැවිල්ලක් ඇති විය හැකි බවටද බරපතළ ලෙස අවධාරණය කරයි.

</p>

<p></p>

<p>

එබැවින්, මිල ගණන් සංශෝධනය වීම් හෝ වෙනස්වීම් පිළිබඳව පළවන ඕනෑම වාර්තාවක් හෝ පුවතක් සමාජ මාධ්‍ය ඔස්සේ අන් අය අතර හුවමාරු කර ගැනීමට (Share කිරීමට) ප්‍රථම, රජයේ හෝ අදාළ නිල අධිකාරීන්ගේ නිල නිවේදන හරහා ඒ පිළිබඳව නිවැරදිව තහවුරු කර ගන්නා ලෙස මහජනතාවට උපදෙස් ලබා දී ඇත.

</p>

<p></p>

<p>

මීට අමතරව, වෙළෙඳපොළ තුළ සිදුවන යම් සැකකටයුතු මිල ඉහළ දැමීම්, අසාධාරණ ලෙස මිල සටහන් කිරීම් හෝ වෙනත් යම් වෙළෙඳපොළ අක්‍රමිකතාවයක් පිළිබඳව තොරතුරු තිබේ නම්, කාර්යාල වේලාවන් තුළදී පාරිභෝගික කටයුතු අධිකාරියේ 1977 ක්ෂණික ඇමතුම් අංකය (Hotline) අමතා ඒ පිළිබඳව දැනුම් දෙන ලෙසද අධිකාරිය වැඩිදුරටත් පාරිභෝගික ජනතාවගෙන් ඉල්ලා සිටී.