ජනප්රිය නිරූපණ ශිල්පිනී චූලා පද්මේන්ද්ර අභාවප්රාප්ත වෙයි!
ප්රවීණ නිරූපණ ශිල්පිනී හා රංගන ශිල්පිනී චූලා පද්මේන්ද්ර කුමාරපතිරණ (චූලා පද්මේන්ද්ර) අද (අගෝස්තු 31) අභාවප්රාප්ත වී ඇත. මිය යන විට ඇය 46 වැනි වියෙහි පසුවූවාය.
LSN Sri Lanka ·
ප්රවීණ නිරූපණ ශිල්පිනී හා රංගන ශිල්පිනී චූලා පද්මේන්ද්ර කුමාරපතිරණ (චූලා පද්මේන්ද්ර) අද (අගෝස්තු 31) අභාවප්රාප්ත වී ඇත. මිය යන විට ඇය 46 වැනි වියෙහි පසුවූවාය.
</p>
<p></p>
<p>
වාර්තා අනුව ඇය නිවසේ සිටියදී හදිසියේ රෝගී වී කොළඹ ජාතික රෝහලට ඇතුළත් කිරීමෙන් පසු මෙලෙස අභාවප්රාප්ත වී තිබේ. මරණයට හේතුව තවමත් නිල වශයෙන් නිවේදනය කර නැත.
</p>
<p></p>
<p>
ඊයේ (ඉරිදා) රූ රැජින තරග ආශ්රිත වැඩසටහනකට සහභාගී වී සිටි ඇයගේ හදිසි මරණය නිරූපණ හා පේජන්ට් ක්ෂේත්රයේ බොහෝ දෙනෙකු කම්පාවට පත් කර ඇත.
</p>
<p></p>
<p>
කලක් රංගන ශිල්පිනියක ලෙස කලා ක්ෂේත්රයට එක්වූ ඇය, “වහින්න මුතු වැස්සක්” ටෙලි නාට්යයේ රඟපෑ චරිතය ඔස්සේ රූපවාහිනී ප්රේක්ෂකයන්ගේ ආදරය දිනාගත්තාය. ඉන් අනතුරුව මෝස්තර නිරූපණ ක්ෂේත්රයේ සක්රීයව කටයුතු කළ ඇය දශක දෙකකට අධික කාලයක් තිස්සේ එම ක්ෂේත්රයේ කැපී පෙනෙන චරිතයක් බවට පත්ව සිටියාය.
</p>
<p></p>
<p>
කොළඹ බෞද්ධ කාන්තා විද්යාලයේ ආදි ශිෂ්යාවක වූ චූලා පද්මේන්ද්ර, 2006දී ටැන්සානියාවේදී පැවති Miss Tourism Model of the World තරගාවලියේදී Best Press Award සම්මානය දිනාගත්තාය.
</p>
<p></p>
<p>
2008දී දෙරණ මිස් ශ්රී ලංකා තරගයේ සත්කාරිකාවක ලෙසද කටයුතු කළාය. සිරස ඩාන්සින් ස්ටාර් රියැලිටි වැඩසටහනේ දෙවන අනු ශූරතාවය ද ඇයට හිමි විය.
</p>
<p></p>
<p>
පසුකාලීනව ඇය චූලපද්මේන්ද්ර කැට්වෝක් ස්ටුඩියෝ පවත්වාගෙන යමින් තරුණ නිරූපණ ශිල්පීන් පුහුණු කළාය. මෑතකදී Universal Woman Sri Lanka 2026 තරගාවලියේ ජාතික අධ්යක්ෂිකාව ලෙස කටයුතු කරමින් සිටි ඇය, එම තරගයේ අවසන් උත්සවය ඇතුළු වැඩසටහන්වලට ද සක්රීයව සහභාගී වෙමින් සිටියාය.
</p>
<p></p>
<p>
නිරූපණ ක්ෂේත්රයේ පුහුණුකාරිනියක, රංගන ශිල්පිනියක සහ තරුණ කාන්තාවන්ට වේදිකාවක් සැපයූ චරිතයක් ලෙස ඇය අවසන් කාලය දක්වාම ක්රියාකාරීව සිටියාය.
</p>
<p></p>
<p>
ඇගේ අවසන් කටයුතු පිළිබඳ තොරතුරු තවමත් නිල වශයෙන් නිකුත් වී නැත.