විදුලි වාහනවලට කොළ පසුබිම් අංක තහඩු – නාරාහේන්පිටින් ලබාගන්නැයි දැනුම්දීමක්!

මෝටර් රථ ප්‍රවාහන දෙපාර්තමේන්තුව විසින් සියලු විදුලි වාහන සඳහා කොළ පසුබිම් සහිත අංක තහඩු නිකුත් කරන බව නිල වශයෙන් දැනුම් දී තිබේ. මෙම අංක තහඩු නීත්‍යානුකූල බව මෝටර් රථ ප්‍රවාහන කොමසාරිස් ජනරාල් විශ්‍රාමික ගුවන් සේනා උප ආඥාපති තුෂාර ප්‍රනාන්දු තහවුරු කර ඇත.

</p>

<p></p>

<p>

ඒ අනුව විදුලි වාහන හැර අනෙකුත් වාහන සඳහා මෙතෙක් පැවති සුදු සහ කහ පසුබිම් අංක තහඩු තවදුරටත් නිකුත් කෙරේ.

</p>

<p></p>

<p>

දෙපාර්තමේන්තුව පවසන පරිදි, ලියාපදිංචි වාහන 88,740ක් සඳහා නව අංක තහඩු සූදානම් කර ඇත. ඉන් 56,233ක් 2026 ජූනි 10 සිට අගෝස්තු 31 දක්වා කාලය තුළ ලියාපදිංචි වූ වාහනවලට අයත් වන අතර, ඉතිරි 32,507ක් 2023 සහ 2024 වසරවල ලියාපදිංචි වූ වාහන සඳහා සූදානම් කරන ලද ඒවාය.

</p>

<p></p>

<p>

අදාළ අංක තහඩු නාරාහේන්පිට මෝටර් රථ ප්‍රවාහන දෙපාර්තමේන්තු කාර්යාලයෙන් ලබාගන්නා ලෙස වාහන හිමියන්ට දැනුම් දී ඇත.

</p>

<p></p>

<p>

විදුලි වාහන සඳහා වෙනම වර්ණයකින් අංක තහඩු නිකුත් කිරීම මගින් එම වාහන පහසුවෙන් හඳුනාගත හැකි වන අතර, අදාළ තහඩු නිල වශයෙන් නිකුත් කරන ලද ඒවා බව දෙපාර්තමේන්තුව අවධාරණය කරයි. මේ පිළිබඳව රථවාහන පොලිස් නිලධාරීන් ද දැනුවත් කිරීම වැදගත් බව මෑතකදී සමාජ මාධ්‍ය හරහා පැන නැගුණු සාකච්ඡාවලින් පෙනී යයි.

</p>

<p></p>

<p>

වාහන හිමියන්ට තම ලියාපදිංචි කිරීමේ තොරතුරු සමඟ නාරාහේන්පිට කාර්යාලය වෙත පැමිණ අංක තහඩු ලබාගැනීමට හැකිය.