විද්යුත් අපද්රව්ය කළමනාකරණයට නව මාර්ගෝපදේශ මාලාවක්... අගමැතිනිය පාර්ලිමේන්තුවට කියයි!
මේ වන විට ඩිජිටල් ආර්ථික කටයුතු පිළිබඳ අමාත්යාංශය හා එක්ව අවම වශයෙන් අධ්යාපන පද්ධතිය තුළ හෝ විද්යුත් අපද්රව්ය විධිමත්ව කළමනාකරණය කිරීමට අදාළ මාර්ගෝපදේශ සකස් කිරීමේ කටයුතු ආරම්භ කර ඇති බව අගමැතිවරිය පැවසුවාය.
LSN Sri Lanka ·
පාසල් පද්ධතිය ඇතුළු සමස්ත රට තුළම විද්යුත් අපද්රව්ය (E-waste) විධිමත්ව බැහැර නොකිරීම බරපතල ගැටලුවක් වී ඇති බවත්, එය කළමනාකරණය කිරීම සඳහා විශේෂ මාර්ගෝපදේශ මාලාවක් සකස් කරමින් පවතින බවත් අග්රාමාත්යවරිය අද පාර්ලිමේන්තුවේ දී පැවසීය.
</p>
<p></p>
<p>
පාර්ලිමේන්තුවේ දී මන්ත්රීවරයෙකු නැගූ ප්රශ්නයකට පිළිතුරු දෙමින් අග්රාමාත්යවරිය මේ බව සඳහන් කළාය.
</p>
<p></p>
<p>
විද්යුත් අපද්රව්ය ආරක්ෂිතව බැහැර කිරීම සම්බන්ධයෙන් පවතින ක්රියාවලිය තවමත් පූර්ණ ලෙස පැහැදිලි මට්ටමක නොමැති බව පිළිගත් අග්රාමාත්යවරිය, මෙම ගැටලුව විසඳීම සඳහා උපදෙස් හා උපදෙස් ලබාගැනීමේ අවශ්යතාව ද පෙන්වා දුන්නාය.
</p>
<p></p>
<p>
මේ වන විට ඩිජිටල් ආර්ථික කටයුතු පිළිබඳ අමාත්යාංශය හා එක්ව අවම වශයෙන් අධ්යාපන පද්ධතිය තුළ හෝ විද්යුත් අපද්රව්ය විධිමත්ව කළමනාකරණය කිරීමට අදාළ මාර්ගෝපදේශ සකස් කිරීමේ කටයුතු ආරම්භ කර ඇති බව ද ඇය වැඩිදුරටත් සඳහන් කළාය.
</p>
<p></p>
<p>
අගමැතිවරිය කීවේ මෙසේය.
</p>
<p></p>
<p>
"ගරු කථානායකතුමනි, ගරු මන්ත්රීතුමා ඉතාමත් වැදගත් කාරණයක් මතු කළා. ඒ විද්යුත් අපද්රව්ය (e-waste) කළමනාකරණය සම්බන්ධයෙන්. මෙය ක්රියාත්මක කළ යුත්තේ කෙසේද යන්න පිළිබඳ මාර්ගෝපදේශ නිකුත් කිරීමේ ක්රියාවලියක අපි දැනට නිරත වී සිටිනවා.
</p>
<p></p>
<p>
මෙය සරල හෝ පැහැදිලි ක්රියාවලියක් නොවන බව මම පිළිගත යුතුයි. මෙය කළ යුත්තේ කෙසේද යන්න පිළිබඳව අපට යම් උපදෙස් අවශ්යයි. මන්ද අධ්යාපන පද්ධතියේ පමණක් නොව, පොදුවේ විද්යුත් අපද්රව්ය අරක්ෂිත නොවන ලෙස බැහැර කිරීමේ ගැටලුවක් පවතිනවා. මෙය අපි විසඳිය යුතු ප්රශ්නයක්.
</p>
<p></p>
<p>
මෙම අතිශය වැදගත් කාරණය මතු කිරීම සම්බන්ධයෙන් ගරු මන්ත්රීතුමාට මගේ ස්තූතිය හිමිවනවා. අවම වශයෙන් අධ්යාපන පද්ධතිය තුළ හෝ මෙය ක්රියාත්මක කිරීම සඳහා, ඩිජිටල් ආර්ථික අමාත්යාංශය සමඟ එකතුවී අදාළ මාර්ගෝපදේශ සකස් කිරීමට අපි දැනටමත් කටයුතු කරමින් සිටිනවා."