LSN News › Sri Lanka

Sport · Sri Lanka Bureau

රාවල්පින්ඩි  ක්‍රිකට් ඛෙදවාචකය... ශ්‍රී ලංකාව ලකුණු 98කට දැවී යමින් අවම ලකුණු වාර්තාවක් තබයි!

ලකුණු 100ට අඩුවෙන් දැවී යාම කණ්ඩායම කිසිසේත් බලාපොරොත්තු නොවූ කම්පනසහගත සිදුවීමක් බව ශ්‍රී ලංකා පන්දු යැවීමේ පුහුණුකරු රයන් වෑන් නීකර්ක් පැවසීය. තණතීරුව අසීරු වුවද පිතිකරුවන් පහසුවෙන් කඩුලු ලබා දීම කනගාටුදායක බව ඔහු පිළිගත්තේය. දෙවැනි දිනයේදී ආක්‍රමණශීලී පන්දු යැවීමක නිරත වෙමින් ඉක්මන් කඩුලු දවාගෙන නැවත තරගයට අවතීර්ණ වීමේ අවශ්‍යතාව ඔහු අවධාරණය කළේය.

LSN Sri Lanka · 17 November 2026

රාවල්පින්ඩි  ක්‍රිකට් ඛෙදවාචකය...  ශ්‍රී ලංකාව ලකුණු 98කට දැවී යමින් අවම ලකුණු වාර්තාවක් තබයි!

2026 නොවැම්බර් 17 වැනිදා රාවල්පින්ඩි ක්‍රිකට් ක්‍රීඩාංගණයේදී ආරම්භ වූ ශ්‍රී ලංකාව සහ පාකිස්තානය අතර දෙවැනි ටෙස්ට් ක්‍රිකට් තරගයේ පළමු දිනයේදීම පාකිස්තාන වේගපන්දු යවන්නන් තරගයේ සම්පූර්ණ පාලනය සියතට ගැනීමට සමත් විය.

</p>

<p>

කාසියේ වාසිය දිනාගත් පාකිස්තාන නායක බාබර් අසාම් තණකොළ සහිත තණතීරුවේ පළමුවෙන් පන්දු යැවීමට තීරණය කළ අතර, ඒ අනුව පන්දුවට පහර දුන් ශ්‍රී ලංකා කණ්ඩායම පන්දුවාර 35.3ක් අවසානයේ සියලු දෙනා දැවී රැස් කළේ ලකුණු 98ක් පමණි. පළමු දිනය නිමා වන විට පිළිතුරු ඉනිම ක්‍රීඩා කරමින් සිටි පාකිස්තාන කණ්ඩායම කඩුලු 3ක් දැවී ලකුණු 121ක් ලබා ශ්‍රී ලංකා පළමු ඉනිමට වඩා ලකුණු 23ක් ඉදිරියෙන් පසුවිය.

</p>

<p>

<span style="color:#dc2626">ශ්‍රී ලංකා පිතිකරණයට සිදු වූයේ කුමක්ද?</span>

</p>

<p>

දෙපිලම විශාල ලකුණු සංඛ්‍යාවන් රැස් කරමින් ජය පරාජයෙන් තොරව අවසන් වූ පළමු ටෙස්ට් තරගයට හාත්පසින්ම වෙනස් මුහුණුවරක් මෙම තරගයේදී දක්නට ලැබුණි. පළමු ටෙස්ට් තරගයේදී ශතකයක් වාර්තා කළ ධනංජය ද සිල්වා ඇතුළු සාර්ථක වූ පිතිකරුවන් මෙම තරගයේදී මුලුමනින්ම බිඳ වැටුනහ.

</p>

<p>

ශ්‍රී ලංකා ඉනිමේ මුල් කඩුලු පන්දු ඕවර 36ක් නිමා වෙන්නට පෙර අවසන් විය. සකීබ් ඛාන් විසින් පසිඳු සූරියබණ්ඩාර ලකුණු 2කට දවාගත් අතර, අනතුරුව ක්‍රියාත්මක වූ මොහොමඩ් අබ්බාස් විසින් දිනේෂ් චන්දිමාල් (ලකුණු 7) සහ කමිඳු මෙන්ඩිස් (ලකුණු 8) ක්‍රීඩාගාරය වෙත හරවා යැවීය. රසාඋල්ලා විසින් ලහිරු උදාර (ලකුණු 4) සහ ධනංජය ද සිල්වා (ලකුණු 1 - කඩුල්ල මුවා කිරීමේ වරදට හසුව) දවා ගැනීමත් සමඟ ශ්‍රී ලංකා ලකුණු පුවරුව කඩුලු 5කට ලකුණු 36ක් ලෙස සටහන් විය.

</p>

<p>

ශ්‍රී ලංකා ඉනිම වෙනුවෙන් යම් හෝ සටනක් ලබා දීමට සමත් වූයේ නායක කුසල් මෙන්ඩිස් (පන්දු 50කදී හතරේ පහර 5ක් සමඟ ලකුණු 32) සහ සොනාල් දිනූෂ (පන්දු 40කදී හතරේ පහර 4ක් සමඟ ලකුණු 21) පමණි. ඔවුන් දෙදෙනා හයවැනි කඩුල්ල වෙනුවෙන් ලකුණු 49ක සබඳතාවක් ගොඩනැගූහ.

</p>

<p>

කෙසේ වෙතත්, ආමර් ජමාල් විසින් කුසල් මෙන්ඩිස් උඩපන්දුවක් ලෙස දවා ගනිමින් එම සබඳතාව බිඳ දැමූ අතර, ඉන් පසුව ශ්‍රී ලංකා පසුපෙළ ඉතා ඉක්මනින් බිඳ වැටුණි. මිලාන් රත්නායක ලකුණු 0කට දැවී ගිය අතර, ප්‍රභාත් ජයසූරිය ලකුණු 3ක් රැස් කළේය. ලහිරු කුමාර ලකුණු 0කට දැවී යද්දී අසිත ප්‍රනාන්දු නොදැවී ලකුණු 1ක් ලබා සිටියේය. අතිරේක ලකුණු 19ක් ශ්‍රී ලංකා ඉනිමට එක් විය. ඉලක්කම් දෙකේ ලකුණු සංඛ්‍යාවක් ලබා ගැනීමට සමත් වූයේ ශ්‍රී ලංකා පිතිකරුවන් දෙදෙනෙකු පමණි.

</p>

<p>

පාකිස්තාන වේගපන්දු යවන්නන්ගේ පන්දු යැවීම ඉතා විශිෂ්ට මට්ටමක පැවතුණි:

</p>

<p>

<span style="color:#1d4ed8">මොහොමඩ් අබ්බාස්:</span> පන්දුවාර 14, නිලකුණු පන්දුවාර 6, ලකුණු 14, කඩුලු 3 (පන්දුවාරයකට ලකුණු 1.00)</p>

<p>

<span style="color:#1d4ed8">රසාඋල්ලා</span>: පන්දුවාර 8, නිලකුණු පන්දුවාර 2, ලකුණු 21, කඩුලු 3</p>

<p>

<span style="color:#1d4ed8">ආමර් ජමාල්:</span>පන්දුවාර 5.3, නිලකුණු පන්දුවාර 1, ලකුණු 24, කඩුලු 3</p>

<p>

<span style="color:#1d4ed8">සකීබ් ඛාන්: </span>පන්දුවාර 8, නිලකුණු පන්දුවාර 0, ලකුණු 29, කඩුලු 1</p>

<p>

ශ්‍රී ලංකා ඉනිමේ කඩුලු 10ම වේගපන්දු යවන්නන් විසින් දවා ගැනීම විශේෂත්වයකි. මෙම ලකුණු 98 රාවල්පින්ඩි ක්‍රීඩාංගණයේදී කණ්ඩායමක් ටෙස්ට් ඉනිමකදී රැස් කළ අවම ලකුණු සංඛ්‍යාව ලෙස වාර්තා පොත් අතරට එක් වූ අතර, මීට පෙර 2024 වසරේදී එංගලන්තය ලකුණු 112කට දැවී යමින් තබා තිබූ වාර්තාව මෙමගින් බිඳ වැටුණි.

</p>

<p>

පිළිතුරු ඉනිම ඇරඹූ පාකිස්තානය වෙනුවෙන් ආරම්භක පිතිකරුවන් වූ අසාන් අවයිස් (පන්දු 96කදී හතරේ පහර 6ක් සමඟ නොදැවී ලකුණු 47) සහ තයියබ් ආරිෆ් (ලකුණු 46) පළමු කඩුල්ලට ලකුණු 80ක සබඳතාවක් ගොඩනැගූහ. අනතුරුව ශ්‍රී ලංකා පන්දු යවන්නන් කඩුලු 3ක් දවා ගැනීමට සමත් විය. අසිත ප්‍රනාන්දු විසින් ආරිෆ් දවා ගත් අතර, ප්‍රභාත් ජයසූරිය විසින් මොහොමඩ් තාහා ලකුණු 8කට දවා ගත්තේය. පන්දුවට පහර නොදී අතහැරීමට ගිය අවස්ථාවකදී ලහිරු කුමාරගේ පන්දුවක් කෙළින්ම කඩුල්ලේ වැදීමෙන් බාබර් අසාම් ලකුණු 8කට දැවී ගියේය. අයහපත් ආලෝක තත්ත්වය හේතුවෙන් තරගය නතර කරන විට රාත්‍රී මුරකරු පිතිකරු ලෙස පිටියට පිවිසි සකීබ් ඛාන් නොදැවී ලකුණු 2ක් ලබා සිටියේය.

</p>

<p>

<span style="color:#dc2626">තණතීරුව ඉතා අවිනිශ්චිත මට්ටමක පැවතියේද?</span>

</p>

<p>

තණතීරුව මත තණකොළ ස්වභාවයක් සහ මුල් අවස්ථාවේ තෙතමනයක් පැවතුණි. එමගින් පන්දුවට හොඳ දෝලනයක් (seam movement සහ swing) ලැබුණු අතර, පාකිස්තාන වේගපන්දු යවන්නෝ නිවැරදි එල්ලයකට පන්දු යවමින් එයින් උපරිම ප්‍රයෝජන ගත්හ. පාකිස්තාන ක්‍රිකට් ආයතනයේ තණතීරු භාර නිලධාරී උස්මාන් අර්ෂාඩ් සඳහන් කළේ පළමු ටෙස්ට් තරගයේ තණතීරුවට වඩා මෙහි තෙතමනය වැඩි නමුත් තරගය ඉදිරියට යත්ම එය පිතිකරණයට වඩාත් පහසු වනු ඇති බවය.

</p>

<p>

කාසියේ වාසිය දිනා ගැනීම ඉතා වාසිදායක වූ බවත්, නිවැරදි ස්ථානවල පන්දු පතිත කරන වේගපන්දු යවන්නන්ට තණතීරුවෙන් තවදුරටත් සහාය ලැබෙනු ඇති බවත් ආමර් ජමාල් පැවසීය. ශ්‍රී ලංකා පන්දු යැවීමේ පුහුණුකරු රයන් වෑන් නීකර්ක් ප්‍රකාශ කළේ තණතීරුව අභියෝගාත්මක වුවද, පිතිකරුවන්ගේ දුර්වල පහරවල් හේතුවෙන් අනවශ්‍ය ලෙස කඩුලු පූජා කිරීම සිදු වූ බවය. සමස්තයක් ලෙස තණතීරුව මුල් අවස්ථාවේ වේගපන්දු යවන්නන්ට හිතකර වූවත්, එය සම්පූර්ණයෙන්ම අනපේක්ෂිත හෝ පිතිකරණයට නුසුදුසු තත්ත්වයක නොපැවති බව පැහැදිලි විය.

</p>

<p>

<span style="color:#dc2626">ජාත්‍යන්තර විචාරකයින් ශ්‍රී ලංකා කණ්ඩායමේ දස්කම් දුටුවේ කෙසේද?</span>

</p>

<p>

Cricinfo, AFP, Dawn, Cricbuzz ඇතුළු ජාත්‍යන්තර ක්‍රීඩා මාධ්‍ය වාර්තා මෙම සිදුවීම ශ්‍රී ලංකා පිතිකරණයේ බිඳ වැටීමක් සහ පාකිස්තානය ලබා ගත් ප්‍රබල ආරම්භයක් ලෙස හඳුන්වා දී තිබුණි. පාකිස්තාන වේගපන්දු බලඇණිය තණතීරුවේ තත්ත්වයට අනුව විනයගරුකව පන්දු යැවූ ආකාරය සහ ශ්‍රී ලංකා පිතිකරුවන් එම තත්ත්වයට අනුගත වීමට අපොහොසත් වූ ආකාරය එම වාර්තාවලින් පෙන්වා දී ඇත. ශ්‍රී ලංකාව රැස් කළ වාර්තාගත අවම ලකුණු සංඛ්‍යාව සහ පිතිකරුවන් දෙදෙනෙකු පමණක් ඉලක්කම් දෙකේ ලකුණු සීමාවට ළඟා වීම බොහෝ විචාරකයින්ගේ අවධානයට ලක් විය.

</p>

<p>

ලකුණු 100ට අඩුවෙන් දැවී යාම කණ්ඩායම කිසිසේත් බලාපොරොත්තු නොවූ කම්පනසහගත සිදුවීමක් බව ශ්‍රී ලංකා පන්දු යැවීමේ පුහුණුකරු රයන් වෑන් නීකර්ක් පැවසීය. තණතීරුව අසීරු වුවද පිතිකරුවන් පහසුවෙන් කඩුලු ලබා දීම කනගාටුදායක බව ඔහු පිළිගත්තේය. දෙවැනි දිනයේදී ආක්‍රමණශීලී පන්දු යැවීමක නිරත වෙමින් ඉක්මන් කඩුලු දවාගෙන නැවත තරගයට අවතීර්ණ වීමේ අවශ්‍යතාව ඔහු අවධාරණය කළේය.

</p>

<p>

ජාත්‍යන්තර මාධ්‍ය ආවරණයන් තුළ ශ්‍රී ලංකා කණ්ඩායම දැඩි ලෙස විවේචනය කිරීමට වඩා, හොඳ වේගපන්දු යැවීමක් හමුවේ ශ්‍රී ලංකා පිතිකරණය අසාර්ථක වීම සහ පාකිස්තානය තරගය පාලනය කළ ආකාරය පිළිබඳව වැඩි අවධානයක් යොමු කර තිබුණි.

</p>

<p>

මේ වන විට පාකිස්තානය කඩුලු 7ක් අතැතිව සුළු ලකුණු පරතරයකින් ඉදිරියෙන් පසුවෙයි. තරගයේ රැඳී සිටීමට නම් ශ්‍රී ලංකා පන්දු යවන්නන් ඉතා තියුණු ලෙස පන්දු යවමින් ඉක්මන් කඩුලු දවා ගත යුතුය. පිතිකරණයට වඩාත් පහසු වනු ඇතැයි අපේක්ෂා කරන තණතීරුවේදී විශාල ලකුණු වාසියක් ගොඩනගා ගැනීම පාකිස්තානයේ අරමුණ වී තිබේ.

</p>

<p>

පන්දු ඕවර 36ක් තුළ ලකුණු 100කට අඩුවෙන් සියල්ලන්ම දැවි යන ටෙස්ට් තරගයක පළමු ඉනිමෙන් පසු තරගය බේරාගන්නට පන්දු යවන්නට කීම වඳුරු කුණුහරපයකි. එබැවින් කුජිත වෙන්නට පරදින්නේ නැතිව අමුඩයවත් ඉතිරි කරගෙන තරගය නිමා කරන ලෙස ඉල්ලනවා හැරෙන්නට ක්‍රීඩා ලෝලි අපට කරන්නට දෙයක් නැත.