ඉන්දියාව තමන්ගේම බුලට් දුම්රිය හදන්න සැරසෙයි: B28 සහ B35 ව්‍යාපෘති ගැන තොරතුරු දැනගන්න...

ජපානයේ 'ෂින්කන්සෙන්' (Shinkansen) තාක්ෂණය මත පදනම් වූ බුලට් දුම්රිය ආනයනය කිරීමේ සැලසුමෙන් මිදී, ඉන්දියාව තුළම සැලසුම් කර නිෂ්පාදනය කෙරෙන අධිවේගී දුම්රිය නිෂ්පාදනය කිරීමේ දැවැන්ත ව්‍යාපෘතියකට ඉන්දියානු දුම්රිය සේවය සහ ජාතික අධිවේගී දුම්රිය සංස්ථාව (NHSRCL) පියවර ගෙන තිබේ.

</p>

<p>

මේ යටතේ පැයට කිලෝමීටර් 350ක සැලසුම්ගත වේගයකින් යුත්, සම්පූර්ණයෙන්ම ඉන්දියාවේම නිෂ්පාදිත B35 බුලට් දුම්රිය නිර්මාණය කිරීමේ කටයුතු ආරම්භ කර ඇත.

</p>

<p>

<span style="color:#dc2626">B35 දුම්රිය සහ එහි අවශ්‍යතාව</span>

</p>

<p>

'B35' යන්නෙහි 'B' අකුරෙන් 'භාරත්' (Bharat) යන්නත්, '35' යන්නෙන් පැයට කිලෝමීටර් 350ක සැලසුම්ගත වේගයත් නිරූපණය වේ. මෙම දුම්රියයන්හි සාමාන්‍ය ධාවන වේගය පැයට කිලෝමීටර් 320ක් පමණ වනු ඇතැයි අපේක්ෂා කෙරේ. 2030 වසර වන විට මෙම දුම්රියයන් නිමකර, මුම්බායි - අහමදාබාද් මාර්ගයෙන් පසුව ඉදිකෙරෙන නව අධිවේගී දුම්රිය මාර්ගයන්හි ධාවනයට එක්කිරීම බලධාරීන්ගේ ඉලක්කයයි.

</p>

<p>

මුම්බායි - අහමදාබාද් ව්‍යාපෘතිය සඳහා මුලින් යොදා ගැනීමට සැලසුම් කර තිබූ පැරණි 'E5 ෂින්කන්සෙන්' දුම්රිය නිෂ්පාදනය කිරීම ක්‍රමයෙන් නතර කරන බව ජපානය 2024 දෙසැම්බර් මාසයේදී ඉන්දියාවට දැනුම් දුන්නේය. ජපානයේ ඊළඟ පරම්පරාවේ 'E10' දුම්රිය නිෂ්පාදනය ආරම්භ වන්නේ 2030දී වන අතර ඒවා සේවයට එක්වන්නේ 2034 වසරේදීය. එපමණ කාලයක් බලා සිටීමට නොහැකි වීම සහ විදේශීය නිෂ්පාදන මත යැපීම නැවැත්වීමේ අරමුණින් ඉන්දියාව දේශීය නිශ්පාදනයක් ලෙස B35 ව්‍යාපෘතිය ආරම්භ කළේය.

</p>

<p>

<span style="color:#dc2626"> පළමුව B28, ඉන්පසු B35 </span>

</p>

<p>

ඉන්දියාව සෘජුවම පැයට කිලෝමීටර් 350ක වේගයට නොයන අතර, ඊට පෙර මඳක් අඩු වේගයකින් යුත් B28 නම් ප්‍රථම දේශීය අධිවේගී දුම්රිය නිෂ්පාදනය කරයි.

</p>

<p>

සැලසුම්ගත වේගය: පැයට කිලෝමීටර් 280</p>

<p>

අපේක්ෂිත ධාවන වේගය: පැයට කිලෝමීටර් 249</p>

<p>

මෙම දුම්රිය කට්ටල සැලසුම් කිරීම සහ නිෂ්පාදනය කිරීම Integral Coach Factory (ICF) සහ Bharat Earth Movers Limited (BEML) ආයතන මගින් සිදු කරයි. මෙහි නිෂ්පාදන කටයුතු සිදුකෙරෙන්නේ 2026 අප්‍රේල් මාසයේදී බෙංගලූරු හිදී විවෘත කරන ලද BEML සමාගමේ නව ආදිත්‍ය අධිවේගී දුම්රිය සංකීර්ණයේදීය.

</p>

<p>

මෙහි මූලික ආකෘති කට්ටල දෙකක අත්හදා බැලීම් 2027 මුල් භාගයේදී ආරම්භ කිරීමට නියමිත අතර, එක් දුම්රිය කට්ටලයක පිරිවැය ඉන්දියානු රුපියල් කෝටි 390 - 400ත් අතර වේ. මුම්බායි - අහමදාබාද් මාර්ගයේ මුල්ම දුම්රිය ධාවනය සඳහා යොදාගනු ලබන්නේ මෙම B28 දුම්රියයන්ය.

</p>

<p>

<span style="color:#dc2626"> දේශීය සංඥා පද්ධතියක්: BTCS </span>

</p>

<p>

අධිවේගී දුම්රිය සඳහා බලගතු එන්ජින් පමණක් ප්‍රමාණවත් නොවන අතර ආරක්ෂිත සංඥා පද්ධතියක් ද අත්‍යවශ්‍ය වේ. ඒ සඳහා ඉන්දියාව භාරත් ට්‍රේන් කොන්ට්‍රෝල් සිස්ටම්' (BTCS) නමැති දේශීය සංඥා සහ දුම්රිය පාලන පද්ධතියක් නිර්මාණය කරමින් සිටී. මෙය චීනයේ CTCS පද්ධතියට සමාන වන අතර, අධිවේගී ධාවනයේදී සිදුවිය හැකි අනතුරු වළක්වා ගනිමින් වේගය සහ දුම්රිය අතර පරතරය ආරක්ෂිතව පාලනය කරයි.

</p>

<p>

<span style="color:#dc2626"> මුම්බායි - අහමදාබාද් පළමු මාර්ගයේ පිරිවැය ඉහළට</span>

</p>

<p>

කිලෝමීටර් 508ක දිගින් යුත් මුම්බායි - අහමදාබාද් අධිවේගී දුම්රිය (MAHSR) මාර්ගය මහාරාෂ්ට්‍ර, ගුජරාට් සහ දාද්රා සහ නගර් හවේලි හරහා දිවෙන අතර ඊට දුම්රිය ස්ථාන 12ක් ඇතුළත් වේ. (මුම්බායි, තානේ, විරාර්, බෝයිසාර්, වාපි, බිල්ලිමෝරා, සුරත්, භාරුච්, වඩෝදරා, ආනන්ද්, අහමදාබාද් සහ සබරමති).

</p>

<p>

2015දී ඉන්දියානු රුපියල් ලක්ෂ කෝටි 1.1ක් ලෙස තක්සේරු කර තිබූ මෙම ව්‍යාපෘතියේ සමස්ත පිරිවැය මේ වන විට ඉන්දියානු රුපියල් ලක්ෂ කෝටි 2කට වඩා (රුපියල් ලක්ෂ කෝටි 2.1ක් පමණ) ඉහළ ගොස් තිබේ. මහාරාෂ්ට්‍ර ප්‍රාන්තයේ ඉඩම් ලබා ගැනීමේ ප්‍රමාදය, දුම්රිය කට්ටල තීරණය කිරීමේ සහ යටිතල පහසුකම් පිරිවැය ඉහළ යාම මෙයට හේතු වී ඇත. සමස්ත මාර්ගයේ කටයුතු 2030 දෙසැම්බර් වන විට අවසන් කිරීමට ඉලක්ක කර ඇති අතර, එහි පළමු කොටස 2027 අගෝස්තු මාසයේදී විවෘත කිරීමට නියමිතය.

</p>

<p>

<span style="color:#dc2626"> තවත් අධිවේගී මාර්ග 7ක් </span>

</p>

<p>

ඉදිරියේදී තවත් අධිවේගී දුම්රිය මාර්ග 7ක් ඉදිකිරීමට ඉන්දීය රජය හඳුනාගෙන තිබේ:

</p>

<p>

1. මුම්බායි - පූනේ</p>

<p>

2. පූනේ - හයිද්‍රාබාද්</p>

<p>

3. හයිද්‍රාබාද් - බෙංගලූරු</p>

<p>

4. හයිද්‍රාබාද් - චෙන්නායි</p>

<p>

5. චෙන්නායි - බෙංගලූරු

6. දිල්ලි - වාරාණසි</p>

<p>

7. වාරාණසි - සිලිගුරි (පට්නා හරහා)</p>

<p>

මෙම සියලු මාර්ග සඳහා ඉන්දියාවේම නිෂ්පාදිත B28 සහ B35 දුම්රියයන් විශාල වශයෙන් යොදා ගැනීමට නියමිතය.

</p>

<p>

<span style="color:#dc2626"> පැයට කිලෝමීටර් 350ක වේගය අභියෝගයක් වන්නේ ඇයි? </span>

</p>

<p>

ධාවන වේගය පැයට කිලෝමීටර් 350 දක්වා වැඩි කිරීම යනු එන්ජිමේ බලය වැඩි කිරීම පමණක් නොවේ. ඉන්දියාවේ පවතින අධික උෂ්ණත්වය, දූවිලි සහ මෝසම් වර්ෂාව වැනි කාලගුණික තත්ත්වයන් යටතේ දුම්රිය බඳ, රෝද, තිරිංග, අත්හිටුවීමේ පද්ධති (suspension) සහ පරිගණක පද්ධති එකට එකතු වී ආරක්ෂිතව ක්‍රියා කළ යුතුය. NHSRCL ආයතනය විසින් මේ පිළිබඳ තාක්ෂණික අධ්‍යයනයක් ආරම්භ කර ඇත්තේ එබැවිනි.

</p>

<p>

<span style="color:#dc2626">ඉදිරි අනාගතය </span>

</p>

<p>

ඉන්දියාව දැනට ද්විත්ව සැලසුමක් ඔස්සේ ඉදිරියට යයි:

</p>

<p>

1. 2027 සිට මුම්බායි - අහමදාබාද් මාර්ගයේ B28 දුම්රිය ධාවනය කිරීම.</p>

<p>

2. 2030 වන විට වේගවත් B35 දුම්රිය සහ දේශීය සංඥා පද්ධතිය නිමකර, අනෙකුත් මාර්ග සඳහා ජපානය හෝ චීනය මත යැපෙන්නේ නැතිව දේශීය නිශ්පාදනයන් සිදුකිරීම.</p>

<p>

මෙම සැලසුම් සාර්ථක වුවහොත්, ඉන්දියාව යනු අන් රටවලින් බුලට් දුම්රිය ගෙනෙන රටක් නොව, තමන්ගේම අධිවේගී දුම්රිය කර්මාන්තයක් හිමි ප්‍රබල ජාතියක් බවට පත්වනු ඇත.