FZ1073 යානයේ ලෝකය සොයන නමක් නැති සහාය නියමුවා කවුද?

ඔහුගේ නම, වයස හෝ ඡායාරූපයක් තවම ලෝකය දන්නේ නැත. Flydubai ගුවන් සේවයට එක්වූයේ කවදාද, කොපමණ පියාසර අත්දැකීමක් තිබුණේද, මීට පෙර සේවය කළේ කොහේද යන්න පිළිබඳවත් නිල තොරතුරු නැත.

</p>

<p>

එහෙත් සැප්තැම්බර් 30 වැනිදා ඩුබායි සිට ටෙල් අවිව් බලා ගමන් කළ Flydubai FZ1073 යානයේ සිටි 180කට වැඩි පිරිසකගේ ජීවිත අවදානමට පත් කළ සිද්ධියේ කේන්ද්‍රයේ සිටි පුද්ගලයා ඔහුය.

</p>

<p>

මේ වනවිට ඔහු සම්බන්ධයෙන් ලෝකයට හෙළි වී ඇති වැදගත්ම තොරතුර වන්නේ ඔහු ඕමාන ජාතිකයකු බවය. Reuters වාර්තා කළේ සහාය නියමුවාගේ අනන්‍යතාව ඔහුගේ ජාතිකත්වයෙන් ඔබ්බට තවම ප්‍රසිද්ධ කර නොමැති බවය. CBS News වෙත අදහස් දැක්වූ ඕමාන නිලධාරියකු ඔහු ඕමානයේ උපන් සහ දැනට ඕමාන පුරවැසිභාවය දරන පුද්ගලයකු බව තහවුරු කළද, ඕමාන රජය මේ සම්බන්ධයෙන් මෙතෙක් ප්‍රසිද්ධ නිල ප්‍රකාශයක් කර නැත.

</p>

<p>

<span style="color:#1d4ed8">සෞදි විමර්ශනයෙන් තහවුරු වූ වැදගත් කරුණ</span> - මුලදී Flydubai සමාගම පැවසුවේ නියමු කුටිය තුළ “ගැටුමක්” ඇති වූ බව පමණි. එහෙත් සෞදි අරාබියේ මූලික විමර්ශනවලට අනුව සහාය නියමුවා විසින් කපිතාන්වරයාට පහරදී තිබේ. ඒ සමඟ ඇතිවූ තත්ත්වය හේතුවෙන් යානය හදිසියේ Tabuk වෙත හරවා ගොඩබැස්වීමට සිදුවිය. සිද්ධිය හේතුවෙන් කපිතාන්වරයා වූ ඉන්දීය ජාතික Smit Machchhar බරපතළ තුවාල ලැබීය.

</p>

<p>

මේ අතර, සෞදි ජාතික ප්‍රවාහන ආරක්ෂක මධ්‍යස්ථානය ද සිද්ධියට අදාළ සාක්ෂි රැස්කරමින් වෙනම ගුවන් ආරක්ෂක විමර්ශනයක් ආරම්භ කර ඇත. සහාය නියමුවා කපිතාන්වරයාට පහරදුන් බව තහවුරු වී තිබුණද, ඔහු එසේ කළේ යානය කඩා දැමීමේ අරමුණින් ද යන්න තවම නිල විමර්ශනවලින් තහවුරු වී නැත.

</p>

<p>

<span style="color:#1d4ed8">අන්තවාදී මතවලට නතු වූ පුද්ගලයෙක්” – නෙතන්යාහුගේ චෝදනාව</span> - ඊශ්‍රායල අගමැති බෙන්ජමින් නෙතන්යාහු පවසන්නේ සහාය නියමුවා දැඩි ඉස්ලාමීය අන්තවාදී මතවාදයක බලපෑමට නතු වී, සියදිවි නසාගැනීමේ අරමුණින් ක්‍රියා කළ බවය. එහෙත් එය ඊශ්‍රායල අගමැතිවරයාගේ ප්‍රකාශයක් පමණක් වන අතර UAE හෝ සෞදි විමර්ශනවලින් තහවුරු කළ අවසන් සොයාගැනීමක් නොවේ. සහාය නියමුවාගේ සැබෑ අරමුණ තවම තහවුරු වී නැති බව Reuters පෙන්වා දෙයි.

</p>

<p>

<span style="color:#1d4ed8">ඔහු මෙහෙයවූ වෙනත් කෙනෙක් සිටියා ද? - </span> ඔහු තනිව ක්‍රියා කළේ ද, නැතහොත් වෙනත් පාර්ශ්වයක මෙහෙයවීමක් තිබුණේ ද යන්න සොයා බැලීමට UAE නීතිපති Hamad Saif Al Shamsi විසින් විශේෂ රජයේ නීතිඥ කණ්ඩායමක් පත් කර ඇත. මෙම විමර්ශනය සාමාන්‍ය නියමු ගැටුමක් ගැන පමණක් නොව, එය ත්‍රස්ත අරමුණකට සම්බන්ධ ද සහ පෙර සැලසුම් කිරීමක් තිබුණේ ද යන්න නිශ්චිතව සොයා බැලීමට නියෝග කර තිබේ. එබැවින් “ඔහු ත්‍රස්තවාදියෙකි” යනුවෙන් පැවසීමට වඩා, ත්‍රස්ත අරමුණක් තිබුණේද යන්න පිළිබඳව නිල අපරාධ විමර්ශනයක් සිදුවන බව පැවසීම නිවැරදි බව ජාත්‍යාන්තර මාධ්‍ය වාර්තා යෝජනා කරයි.

</p>

<p>

<span style="color:#1d4ed8">දැන් සිටින්නේ UAE භාරයේ -</span> - සෞදි අරාබියේ Tabuk වෙත යානය ගොඩබැස්වීමෙන් පසු තුවාල ලබා සිටි සහාය නියමුවා සෞදි බලධාරීන්ගේ භාරයට පත් වූ අතර, වෛද්‍ය ප්‍රතිකාර ලබාදීමෙන් පසු ඔහු එක්සත් අරාබි එමීර් රාජ්‍යයට (UAE) මාරුකර යවා ඇත. FZ1073 යානය UAEහි ලියාපදිංචි කර එරට ධජය යටතේ පියාසර කරන බැවින්, ජාත්‍යන්තර නීතියට අනුව මෙහි ප්‍රධාන අපරාධ විමර්ශනය මෙහෙයවීමේ බලය UAE අධිකරණ බලධාරීන්ට හිමි වේ.

</p>

<p>

<span style="color:#1d4ed8">ඊශ්‍රායල විමර්ශකයෝත් ප්‍රශ්න කිරීමට සූදානම් -</span> - UAE විසින් මෙහෙයවන විමර්ශනයට ඊශ්‍රායල විමර්ශකයන් ද එක්වන අතර, ඔවුන් ද සහාය නියමුවාගෙන් ප්‍රශ්න කිරීමට නියමිතය. සිදුවූ දේට අමතරව සහාය නියමුවාගේ පසුබිම සහ ඔහුගේ අරමුණ සොයා බැලීම ඔවුන්ගේ විමර්ශනයේ ප්‍රධාන ඉලක්කය වී ඇත.

</p>

<p>

<span style="color:#1d4ed8">ඕමාන ජාතිකයකු ටෙල් අවිව් ගුවන් ගමනක සිටියේ කෙසේද?- </span>ඕමානය සහ ඊශ්‍රායලය අතර නිල රාජ්‍යතාන්ත්‍රික සබඳතා නොමැති පසුබිමක, එවැනි රටවල නියමුවන් ඊශ්‍රායල ගුවන් ගමන් සඳහා යොදවා නොගැනීමේ ප්‍රතිපත්තියක් පැවති බව නෙතන්යාහු මතු කරයි. එසේ තිබියදී ඕමාන ජාතික සහාය නියමුවකු මෙම ගමනට යොදවා තිබුණේ කෙසේද යන්න පිළිබඳව දැනට පැහැදිලි පිළිතුරක් නොමැති අතර, එමඟින් Flydubai සමාගමේ කාර්ය මණ්ඩල යෙදවීමේ සහ ආරක්ෂක පරීක්ෂණ ක්‍රියාවලිය පිළිබඳව ද ප්‍රශ්න මතුවේ.

</p>

<p>

<span style="color:#1d4ed8">Flydubai ප්‍රධාන විධායකයාගේ ප්‍රකාශය</span> - Flydubai ප්‍රධාන විධායක Ghaith Al Ghaith මෙය නියමු කුටිය තුළ සිදුවූ “ආරක්ෂක සිද්ධියක්” ලෙස සඳහන් කරමින්, සිදුකරන නිල විමර්ශනයට සමාගමේ පූර්ණ සහාය ලබාදෙන බව පැවසීය. සිදුවූ දේ පිළිබඳ ගැටලු රැසක් පවතින බව පිළිගත් ඔහු, ඊට පිළිතුරු ලබාගැනීමට නිල විමර්ශනයට ඉඩ ලබාදීම වැදගත් බව ප්‍රකාශ කළේය.

</p>

<p>

<span style="color:#dc2626">අනන්‍යතාව හෙළි නොකිරීම සහ තවමත් නොදන්නා කරුණු</span>

</p>

<p>

කපිතාන් Smit Machchharගේ නම, වෘත්තීය පසුබිම සහ පියාසර අත්දැකීම් හෙළි වී තිබුණද, සහාය නියමුවාගේ නමවත් නිල වශයෙන් ප්‍රසිද්ධ කර නොමැත. එම නිසා සමාජ මාධ්‍යවල පැතිරෙන තොරතුරු හෝ ඡායාරූප සත්‍යාපිත නොවන බව පෙනේ.‍ෙදැනට නිශ්චිතවම තහවුරු වී ඇත්තේ ඔහු ඕමාන ජාතිකයකු බවත්, FZ1073 යානයේ සහාය නියමුවා ලෙස කපිතාන්වරයාට පහරදී තුවාල ලබා දැනට UAE භාරයේ පසුවන බවත් පමණි.

</p>

<p>

ඔහුගේ නම, වයස, පියාසර අත්දැකීම්, ආගමික හෝ දේශපාලන අදහස් මෙන්ම කපිතාන්වරයාට පහරදුන් නිශ්චිත හේතුව තවමත් හෙළි නොවී පවතී. ඔහු යානය කඩා දැමීමට සැලසුම් කළේ ද, තනිව ක්‍රියා කළේ ද, නැතහොත් වෙනත් මෙහෙයවීමක් තිබුණේ ද යන්න විමර්ශනය වෙමින් පවතී. FZ1073 සිද්ධියේ සැබෑ කතාව අවසන් වන්නේ ඒ ප්‍රශ්නවලට පිළිතුරු ලැබුණු පසුවය.