ජනාධිපති අරමුදලෙන් විශ්වවිද්‍යාල සිසුන්ට නොමිලේ ඇස් කණ්ණාඩි ලබාදීමේ II අදියර රුහුණෙන් ඇරඹෙයි!
එහිදී සිසු සිසුවියන් 1,000කට අධික පිරිසකගේ ඇස් පරීක්ෂා කිරීම, ඇස් කණ්ණාඩි රාමු තෝරාදීම සහ ශ්‍රවණ පරීක්ෂණ සිදු කෙරිණි. පරීක්ෂණවලින් අනතුරුව අවශ්‍යතාව පවතින සිසුන් සඳහා මාසයක් ඇතුළත නොමිලේ ඇස් කණ්ණාඩි ලබාදීමට නියමිතය.
LSN Sri Lanka ·
ජනාධිපති අරමුදල මඟින් විශ්වවිද්‍යාල සිසුන් සඳහා නොමිලේ ඇස් කණ්ණාඩි ලබාදීමේ වැඩසටහනේ දෙවන අදියර අද (10) රුහුණු විශ්වවිද්‍යාල පරිශ්‍රයේදී පැවැත්විණි.
</p>
<p>
එහිදී සිසු සිසුවියන් 1,000කට අධික පිරිසකගේ ඇස් පරීක්ෂා කිරීම, ඇස් කණ්ණාඩි රාමු තෝරාදීම සහ ශ්‍රවණ පරීක්ෂණ සිදු කෙරිණි. පරීක්ෂණවලින් අනතුරුව අවශ්‍යතාව පවතින සිසුන් සඳහා මාසයක් ඇතුළත නොමිලේ ඇස් කණ්ණාඩි ලබාදීමට නියමිතය. මෙම වැඩසටහන සඳහා Stroud Rotary Club සහ Wish පදනම අනුග්‍රාහක දායකත්වය සපයයි.
</p>
<p>
මෙම ව්‍යාපෘතියේ පළමු අදියර පසුගියදා රජරට විශ්වවිද්‍යාලයේදී පැවැත්වුණු අතර, එහිදී සිසු සිසුවියෝ 600ක් ප්‍රතිලාභ ලැබූහ.
</p>
<p>
මෙහිදී අදහස් දැක්වූ ජනාධිපති ජ්‍යෙෂ්ඨ අතිරේක ලේකම් සහ ජනාධිපති අරමුදලේ ලේකම් රෝෂන් ගමගේ සඳහන් කළේ, ජනාධිපති අරමුදලේ සභාපති ජනාධිපතිතුමාගේ මගපෙන්වීම යටතේ ඉදිරියේදී මෙම වැඩසටහන මෙරට සියලුම විශ්වවිද්‍යාල ආවරණය වන පරිදි පැවැත්වීමට කටයුතු යොදා ඇති බවයි.
</p>
<p>
රුහුණු විශ්වවිද්‍යාලයේ උපකුලපති ජ්‍යෙෂ්ඨ මහාචාර්ය පී.ඒ. ජයන්ත පෙන්වා දුන්නේ, විශ්වවිද්‍යාල සිසුන්ගේ අධ්‍යාපන කටයුතු සාර්ථක කරගැනීම සඳහා යහපත් ශාරීරික සෞඛ්‍යයක් පවත්වාගෙන යාම අත්‍යවශ්‍ය වන බවයි. විශේෂයෙන්ම, නිරෝගී දෑස් යුගලක වටිනාකම හඳුනාගනිමින් ක්‍රියාත්මක මෙම වැඩසටහන, සිසු සිසුවියන්ගේ අධ්‍යාපනික කටයුතු පහසු කරමින් ඔවුන්ගේ අනාගතය ශක්තිමත් කිරීමට දායක වන ප්‍රායෝගික වැඩපිළිවෙළක් බවද උන්වහන්සේගේ/ඔහුගේ අදහස් දැක්වීමේදී ප්‍රකාශ විය.
</p>
<p>
මෙම අවස්ථාවට රුහුණු විශ්වවිද්‍යාලයේ ලේඛකාධිකාරී මංජුලා යාපා, ශිෂ්‍ය කටයුතු අංශයේ සහකාර ලේඛකාධිකාරී තනූජා දමයන්ති, විශ්වවිද්‍යාලීය කාර්ය මණ්ඩල සාමාජිකයන්, Wish පදනමේ නියෝජිතයන් ඇතුළු පිරිසක් එක්ව සිටියහ.