දූෂණ විරෝධී පනතට එරෙහිව TISL ශ්‍රේෂ්ඨාධිකරණයට

2023 අංක 9 දරන දූෂණ විරෝධී පනත සංශෝධනය කිරීමට පාර්ලිමේන්තුවට ඉදිරිපත් කර ඇති දූෂණ විරෝධී (සංශෝධන) පනත් කෙටුම්පත ආණ්ඩුක්‍රම ව්‍යවස්ථාව උල්ලංඝනය කරන බව පවසමින් ට්‍රාන්ස්පේරන්සි ඉන්ටනැෂනල් ශ්‍රී ලංකා (TISL) ආයතනය ශ්‍රේෂ්ඨාධිකරණයට පෙත්සමක් ගොනු කර ඇත.

</p>

<p></p>

<p>

අගෝස්තු 31 වැනිදා ගොනු කළ මෙම පෙත්සම මහජන අභිමතය මුල් කරගෙන ඉදිරිපත් කළ බව ට්‍රාන්ස්පේරන්සි ඉන්ටනැෂනල් ශ්‍රී ලංකා ආයතනය පවසයි. යෝජිත සංශෝධන මගින් ප්‍රධාන පනත දුර්වල වන බවත්, විනිවිදභාවය, වගවීම සහ සිවිල් සමාජ අවකාශය හැකිලෙන බවත් එම ආයතනය අවධාරණය කරයි.

</p>

<p></p>

<p>

පනත් කෙටුම්පත අගෝස්තු 19 වැනිදා පාර්ලිමේන්තුවට ඉදිරිපත් කෙරිණි. රජය පවසන්නේ 2023 පනතේ ක්‍රියාකාරී බාධක ඉවත් කිරීමටත්, එක්සත් ජාතීන්ගේ ප්‍රමිතීන් සහ ජාත්‍යන්තර මූල්‍ය අරමුදලේ වැඩසටහනට අනුකූල වීමටත් මෙය අවශ්‍ය බවයි.

</p>

<p></p>

<p>

ට්‍රාන්ස්පේරන්සි ඉන්ටනැෂනල් ශ්‍රී ලංකා කියන්නේ එය ප්‍රතිපත්තිමය පසුබැසීමක් බවයි.

</p>

<p></p>

<p>

<span style="color:#dc2626">TISL ඉස්මතු කරන ප්‍රධාන ගැටලු</span>

</p>

<p></p>

<p>

<span style="color:#1d4ed8">නඩු නොපැවරීමේ බලය අධිකරණයෙන් ඈත් වීම</span> - පනත් කෙටුම්පතේ 4 වැනි වගන්තිය මගින් සහයකයන්ට නඩු පැවරීමෙන් වැළකී සිටිය යුතුද යන්න තීරණය කිරීමේ බලය, මහේස්ත්‍රාත් අවසරයකින් තොරව අල්ලස් කොමිෂන් සභාවේ අධ්‍යක්ෂ ජනරාල්වරයාට පැවරේ. අධිකරණ අධීක්ෂණය නැතිව මෙම අභිමත බලය දේශපාලන බලපෑම්වලට හා අවභාවිතයට නිරාවරණය විය හැකි බව ට්‍රාන්ස්පේරන්සි ඉන්ටනැෂනල් ශ්‍රී ලංකා ( පෙන්වා දෙයි.

</p>

<p></p>

<p>

<span style="color:#1d4ed8">වත්කම් ප්‍රකාශ සීමාව 25% සිට 50% දක්වා

</span> - රාජ්‍ය හෝ රාජ්‍ය සංස්ථා කොටස් හිමිකාරීත්වය 25% සිට 50% දක්වා ඉහළ නැංවීමෙන්, රාජ්‍ය කොටස් 50%ට අඩු සමාගම්වල ජ්‍යෙෂ්ඨ නිලධාරීන් වත්කම් ප්‍රකාශයෙන් නිදහස් විය හැකිය. මෙම ආයතන පොදු කාර්යයන් ඉටු කරන අතර රාජ්‍ය වත්කම් කළමනාකරණය කරයි. තොරතුරු පනතේ සීමාව 25% වන බැවින් මෙය එම නීතියටද පටහැනි බව ට්‍රාන්ස්පේරන්සි ඉන්ටනැෂනල් ශ්‍රී ලංකා කියයි.

</p>

<p></p>

<p>

<span style="color:#1d4ed8">සහවාසීන්ගේ වත්කම් ප්‍රකාශ කිරීම අහෝසි වීම</span> - මාස හයක් එකම නිවසේ ජීවත් වන සහකරු–සහකාරියන්ගේ වත්කම් ප්‍රකාශ කිරීමේ බැඳීම ඉවත් කිරීමට යෝජනා වී ඇත. ඒ හරහා නීතිවිරෝධී වත්කම් යැපෙන්නන් නොවන නිවැසියන්ගේ නමින් සඟවා තැබීමට ඉඩක් ඇති බව ට්‍රාන්ස්පේරන්සි ඉන්ටනැෂනල් ශ්‍රී ලංකා අනතුරු අඟවයි.

</p>

<p></p>

<p>

<span style="color:#1d4ed8">තොරතුරු සංස්කරණය සහ භාවිතය අපරාධයක් කිරීම</span> - පෞද්ගලිකත්වයට හානි වන බව සලකන “ඕනෑම තොරතුරක්” වසා දැමීමට කොමිෂන් සභාවට පුළුල්, අත්තනෝමතික බලයක් ලැබේ. ඊට අමතරව, සංස්කරණය කළ වත්කම් ප්‍රකාශයක් නීතියේ නම් කළ කාර්යයකට පිටින් භාවිත කිරීම අපරාධයක් කර රුපියල් 100,000 දක්වා දඩයක් හෝ වසරක සිරදඬුවමක් නියම කළ හැකිය. මෙය මාධ්‍යයට සහ සිවිල් සමාජයට බියක් ඇති කරන බව ට්‍රාන්ස්පේරන්සි ඉන්ටනැෂනල් ශ්‍රී ලංකා පවසයි.

</p>

<p></p>

<p>

<span style="color:#1d4ed8">ඇප විරල, රක්ෂිත බන්ධනාගාරගත කිරීම සාමාන්‍ය - </span> ප්‍රධාන පනතේ 149 වැනි වගන්තිය වෙනුවට යෝජිත විධිවිධානය අපැහැදිලි හා පුළුල් බවත්, සමානුපාතිකත්වයේ මූලධර්මය උල්ලංඝනය කරන බවත් පෙත්සමේ සඳහන් වේ.

</p>

<p></p>

<p>

<span style="color:#1d4ed8">ව්‍යවස්ථාවට පටහැනි බවට චෝදනා - </span>TISL පෙත්සමේ සඳහන් වන්නේ මෙම විධිවිධාන ආණ්ඩුක්‍රම ව්‍යවස්ථාවේ 1, 3, 4, 12, 13, 14(1)(අ), 14අ, 126, 140 සහ 156අ(1)(ඇ) ව්‍යවස්ථාවන්ට පටහැනි බවයි. ඒ අනුව ජනතා පරමාධිපත්‍යය, මූලික අයිතිවාසිකම් සහ තොරතුරු දැනගැනීමේ අයිතිය කප්පාදු වන බව ඔවුන් තර්ක කරයි.

</p>

<p></p>

<p>

එබැවින් අදාළ වගන්ති ව්‍යවස්ථාවට පටහැනි බවට තීන්දු කරන ලෙසත්, පාර්ලිමේන්තුවේ තුනෙන් දෙකක විශේෂ බහුතරයකින් සහ ජනමත විචාරණයකින් අනුමත නොවන්නේ නම් ඒවා නීතියක් විය නොහැකි බවට තීන්දු කරන ලෙසත් TISL අධිකරණයෙන් ඉල්ලා සිටී.

</p>

<p></p>

<p>

<span style="color:#dc2626">පෙත්සම් 14ක් අද විභාගයට</span>

</p>

<p></p>

<p>

මෙම පනත් කෙටුම්පතට එරෙහිව හිටපු අමාත්‍ය මහාචාර්ය ජී. එල්. පීරිස් ඇතුළු පාර්ශ්ව කිහිපයක් පෙත්සම් 14ක් ගොනු කර ඇත. ඒවා අද (සැප්තැම්බර් 3) විනිසුරුවරුන් වන ශිරාන් ගුණරත්න, මහින්ද සමයවර්ධන සහ සම්පත් විජේරත්න ඉදිරියේ විභාගයට ගැනේ.

</p>

<p></p>

<p>

පෙත්සම්කරුවන්ගේ පොදු තර්කය වන්නේ යෝජිත විධිවිධාන මගින් ජනතා පරමාධිපත්‍යය, මූලික අයිතිවාසිකම් සහ තොරතුරු අයිතිය උල්ලංඝනය වන බවය.

</p>

<p></p>

<p>

2023 දූෂණ විරෝධී පනත ජාත්‍යන්තර ප්‍රමිතීන්ට අනුකූලව ශ්‍රී ලංකාවේ දූෂණ විරෝධී රාමුව ශක්තිමත් කිරීමේ සංධිස්ථානයක් ලෙස TISL විසින්ම පිළිගෙන තිබුණි. දැන් එම ආයතනය අසන ප්‍රශ්නය සරලයි: යෝජිත සංශෝධනයෙන් එම පනත ශක්තිමත් වේ ද, නැතහොත් දුර්වල වේ ද? ඒ පිළිබඳ අවසාන වචනය දැන් ශ්‍රේෂ්ඨාධිකරණය සතුය. <span style="color:#1d4ed8">( බීබීසී ඇසුරිනි) </span>